ဒဏ်ရာရသူများလွန်း၍ ရေတွက်မရသေးဟု ဒီပဲယင်း အဖြူရောင်ပကဖ ပြော
မေ-၁၂၊၂၀၂၅/People’s Spring
စစ်ကိုင်းတိုင်း၊ ဒီပဲယင်းမြို့နယ်၊ အိုးထိမ်းကွင်းရွာစာသင်ကျောင်း စစ်ကောင်စီလေကြောင်းတိုက်ခိုက်မှုအတွင်း လက်တလောစာရင်းအရ ကျောင်းသားကလေးငယ် ၁၄ ဦး၏ ရုပ်အလောင်းနှင့် ဆရာမတစ်ဦး၏ ရုပ်အလောင်း စုစုပေါင်း ၁၅ဦး၏ ရုပ်အလောင်းရှာဖွေတွေ့ရှိထားကြောင်း ဒီပဲယင်းမြို့နယ်အခြေစိုက် အဖြူရောင်ပြည်သူ့ကာကွယ်ရေးအဖွဲ့(အဖြူရောင် DPY)မှ တာဝန်ရှိသူက ပြောသည်။
ဒီပဲယင်းမြို့နယ်၊ အိုးထိမ်းကွင်းရွာစာသင်ကျောင်း စစ်ကောင်စီလေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – အဖြူရောင် D.P.Y 
ဒီပဲယင်းမြို့နယ်၊ အိုးထိမ်းကွင်းရွာစာသင်ကျောင်း စစ်ကောင်စီလေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – အဖြူရောင် D.P.Y 
ဒီပဲယင်းမြို့နယ်၊ အိုးထိမ်းကွင်းရွာစာသင်ကျောင်း စစ်ကောင်စီလေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – အဖြူရောင် D.P.Y 
ဒီပဲယင်းမြို့နယ်၊ အိုးထိမ်းကွင်းရွာစာသင်ကျောင်း စစ်ကောင်စီလေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – အဖြူရောင် D.P.Y
“ဆရာမက တစ်ယောက်တည်းဗျ။ ကျန်တာက ကလေးတွေ။ ဒဏ်ရာရသူတွေက တော်တော်များပါတယ်။ အရေအတွက်ကို တွေက်လို့မရပါဘူး”ဟု ၎င်းက ယနေ့(မေ ၁၂ရက်) နေ့လည် ၃နာရီခန့်တွင် ပြောသည်။
Public Service Announcement
ယနေ့(မေ-၁၂) နံနက် ၁၀နာရီဝန်းကျင်တွင် စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့ခြင်း ဖြစ်သည်။
“ကျောင်းကို တည့်တည့်ပစ်သွားတာ။အလယ်တန်းကျောင်းဆိုတော့ ထိခိုက်မှုအရမ်းများတယ်။ က
လေးတွေရော၊ ဆရာမတွေရော။ ပဇီကြီးလိုပဲဗျာ”ဟု ဒေသခံတစ်ဦးက ပြောသည်။
ထိခိုက်သေဆုံးမှုများပြားပြီး စိုးရိမ်စရာအခြေအနေဖြစ်ကြောင်း တော်လှန်ရေးတပ်ဖွဲ့ဝင်တစ်ဦးကပြောသည်။
ဒေသခံများသည် ရှာဖွေကယ်ဆယ်ရေးများပြုလုပ်စဥ် နောက်ထပ်လေကြောင်းအန္တရာယ်ကိုလည်းစိုးရိမ်နေကြရသည်ဟု ဒေသခံအချို့က ပြောသည်။
အဆိုပါစာသင်ကျောင်းသည် အမျိုးသားညီညွတ်ရေးအစိုးရ (NUG ) ၊ပညာရေးဝန်ကြီးဌာန၏ကြား
ကာလပညာရေး စနစ်ဖြင့် ဒေသခံကျောင်းသား၊ကျောင်းသူများကိုပညာသင်ကြားပေးနေသောကျောင်းဖြစ်သည်ဟု သိရသည်။
