မေ-၁၃၊၂၀၂၅။မေ/People’s Spring
မကွေးတိုင်း၊ ဂန့်ဂေါမြို့နယ်က လယ်မကျေးရွာသား လူငယ် ၁၁ဦးကို ဖမ်းဆီးသတ်ဖြတ်ခဲ့တဲ့ ခလရ(၅၀)တပ်ရင်းဟာ ဒီကနေ့(မေလ ၁၃ရက်) နေ့လည်းမှာ ကျေးရွာတွေကို ထပ်မံစစ်ကြောင်းထိုးနေတယ်လို့ ဒေသခံတွေက ပြောပါတယ်။
မေလ ၁၂ရက် မနက်အစောပိုင်းက လယ်မကျေးရွာကို စီးနင်းဝင်ရောက်ကာ အသက်မပြည့်သေးသူ ကလေးအများစုအပါအဝင် လူငယ် ၁၁ဦးကို သတ်ဖြတ်ခဲ့ပြီး ၁၀ဦးခန့်ကို ဂန့်ဂေါမြို့က ခလရ(၅၀) တပ်ရင်းဆီ ဖမ်းဆီးသွားပါတယ်။
Public Service Announcement
အဲဒီစစ်ကြောင်းဟာ မနေ့ကညပိုင်းကပဲ စစ်ကားသုံးစီးနဲ့ လယ်မရွာအနီးက ကျေးရွာတွေကို စစ် ကြောင်းထပ်ထွက်လာခဲ့တယ်လို့ ဒေသခံတစ်ဦးက ပြောပါတယ်။
“အရင်နေ့ကလို အလစ်အငိုက်ထပ်ထွက်လာတာပဲ။ဂန့် ဂေါမြို့တောင်ဘက်က ရွာတွေကတော့ ရှောင်ကြတာပေါ့။”လို့ ဒေသခံတစ်ဦးက ပြောပါတယ်။
အဲဒီစစ်ကြောင်းဟာ ပျားနတ်တောင်ရွာအနီးကို ရောက်နေတယ်လို့လည်း သိရပါတယ်။
အဲဒီကျေးရွာဟာလည်း လယ်မရွာနဲ့ မနီးမဝေးမှာရှိတာမို့ ဒေသခံတွေလည်း သတိအနေအထားနဲ့ နေရတယ်လို့ဒေသခံတစ်ဦးက ဆိုပါတယ်။
လယ်မရွာမှာ စစ်ကောင်စီတပ်က သတ်ဖြတ်သွားတဲ့ လူငယ်၁၁ဦးကိုတော့ မနေ့က သဂြိုဟ်ခဲ့တယ်လို့သိရပါတယ်။
