ချောင်းဦးမှာ အိမ်စီးကားနဲ့ထွက်လာတဲ့ စစ်အုပ်စု တိုက်ခိုက်ခံရပြီး သုံးပွင့်ဗိုလ်အပါအဝင်၃ဦးသေ၊ ​သေနတ် ၅ လက်သိမ်းဆည်းရရှိ

ဇွန်-၁၈၊၂၀၂၅။ဇေအောင်၊ရဲ​ခေါင်/People’s Spring

စစ်ကိုင်းတိုင်း၊ ချောင်းဦးမြို့နယ်မှာ စစ်အုပ်စုရဲ့ အိမ်စီးကားတစ်စီးကို ပစ်ခတ်တိုက်ခိုက်ရာ သုံးပွင့်ဗိုလ်တစ်ဦးအပါအဝင် ၃ ဦးသေဆုံးပြီး လက်နက်ခဲယမ်းတွေ သိမ်းဆည်းရမိခဲ့တယ်လို့ BRAVE HEART ARMY-BHAရဲ့တာဝန်ရှိသူက​ပြောပါတယ် ။

ဇွန်လ (၁၆)ရက်ည ၁၁ နာရီခွဲခန့်ကချောင်းဦးထွေအုပ်ရုံးက ၃ ပွင့်ဗိုလ်တစ်ဦးအပါအဝင်စစ်အုပ်စုဝင် ၅ ဦးလိုက်ပါတဲ့အိမ်စီးကားတစ်စီးကိုမုံရွာ-မန္တလေးလမ်းမကြီးပေါ်၊ တောပုပျူရွာအနီးမှာ တိုက်ခိုက်ခဲ့ကြောင်း BHA က အသိပေးပါတယ်။

အဲဒီတိုက်ခိုက်မှုကြောင့် ကားပေါ်ပါ သုံးပွင့်ဗိုလ်အပါအဝင် စစ်သား၃ ဦး သေဆုံးပြီး ၁ ဦး ဒဏ်ရာရကာ ၁ ဦး လွတ်မြောက်သွားကြောင်း BHA ရဲ့ တာဝန်ရှိသူတဦးက ပြောပါတယ်။

Public Service Announcement

“အိမ်စီးကားနဲ့ မုံရွာမြို့ထဲသွားတာ။ အဲဒီအချိန်မှာ ပစ်ခတ်တိုက်ခိုက်ခဲ့တာပါ။ဝန်ထမ်းကတ်ကတော့ပါလာတယ်။ အဲ့ဒီကတ်ပြားထဲမှာ သုံးပွင့်ကြည်းဆိုပြီးရေးထားတယ်။”လို့ အထက်ပါတာဝန်ရှိသူက ပြောပါတယ်။

ထိုစစ်အုပ်စုထံမှ MA1၊ ပါရီ၊ MA5၊ M9၊ sig batter စုစုပေါင်း သေနတ် ၅ လက် သိမ်းဆည်းရမိပြီး ကားအား မီးရှို့ဖျက်ဆီးခဲ့ကြောင်း BHAက ထပ်မံအသိပေးပါတယ်။

“တစ်ကောင်ဆေးရုံပို့တယ်။တစ်ကောင်လွတ်တယ် ဖမ်းဆီးရရှိမူမရှိလိုက်ဘူး။ညဆိုတော့ မှန်ပြီးပုန်းအောင်နေတာဆိုတော့ မမြင်တွေ့နိုင်တာဗျ အပြန်လှန်ပစ်ခတ်မူရှိခဲ့တယ်”လို့ BHA တာဝန်ရှိသူက ​ပြောပါတယ် ။

စစ်သား​တွေထံမှ ဖုန်းသုံးလုံးကိုလည်း သိမ်းဆည်းရရှိခဲ့ပြီး​တော့ ၎င်းတို့စီးနင်းခဲ့တဲ့အိမ်စီးကား ကို မီးရှို့ဖျက်ဆီးခဲ့ပါတယ်။ ဒီစစ်ဆင်​​ရေးမှာ ရဲဘော်​တွေအထိအခိုက်မရှိခဲ့ ဘူးလို့ သူကဆိုပါတယ်။

စစ်ကိုင်းတိုင်း၊ မုံရွာနဲ့ ချောင်းဦးမြို့နယ်တွေမှာ စစ်အုပ်စုဝင်တွေဟာ စစ်တပ်ကယာဥ်တွေနဲ့လာတိုင်း တိုက်ခိုက်ခံရလို့ အိမ်စီးကားတွေနဲ့အပြင် ခရီး

သည်တင်ယာဥ်တွေပေါ်မှာပါ လိုက်ပါနေတယ်လို့ ဒေသတွင်းတော်လှန်ရေးတပ်ဖွဲ့တွေဆီကနေ သိရပါတယ်။