သြဂုတ်-၈၊၂၀၂၅။ သုည/People’s Spring
ယနေ့ (သြဂုတ် ၈) ကျရောက်သော ရှစ်လေးလုံးအရေးတော်ပုံ (၃၇)နှစ်မြောက်အထိမ်းအမှတ်အနေဖြင့် စစ်ကောင်စီက လှည်ကင်းများဖြင့် လုံခြုံရေးအထပ်ထပ်ချထားသည့်ကြားက ရန်ကုန်မြို့၏ အထင်ကရနေရာများတွင် ‘၈’ သင်္ကေတစာလုံးရေးဆွဲထားသော ထီးများဖြင့် စစ်အာဏာရှင်ဆန့်ကျင်ရေးလှုပ်ရှားမှုပြုလုပ်ခဲ့သည်။
ယင်းဆန္ဒပြလှုပ်ရှားမှုကို ရန်ကုန်လူထုသပိတ်၊ ရန်ကုန်တော်လှန်ညီနောင်လေးဖွဲ့နှင့် ရန်ကုန်မြို့နေပြည်သူများ ပူးပေါင်းလုပ်ဆောင်ခဲ့ခြင်း ဖြစ်သည်။
တော်လှန်ပြည်သူများက ရန်ကုန်မြို့လယ်ခေါင် ဆူးလေလမ်းမပေါ်၊ မြို့တော်ခန်းမ၊ ဗိုလ်ချုပ်ကြေးရုပ်၊ ကန်တော်ကြီးနှင့် ရန်ကုန်တက္ကသိုလ်အပေါက်ဝတို့တွင် ‘၈’ သင်္ကေတစာလုံးရေးဆွဲထားသော ထီးများဖြင့် စစ်အာဏာရှင်ဆန့်ကျင်ရေးလှုပ်ရှားမှုကို ပြုလုပ်ခဲ့ခြင်း ဖြစ်သည်။
Public Service Announcement
ရှစ်လေးလုံး ဒီမိုကရေစီအရေးတော်ပုံကြီးမှသည် ယခု နွေဦးတော်လှန်ရေးကာလအတွင်း (၃၇)နှစ်မြောက်ရောက်ရှိခဲ့သည်ထိ တိုင်အောင် စစ်အာဏာရှင်များ၏ အကြမ်းဖက်ဖိနှိပ်ရက်စက်မှုအောက်၌ အပြစ်မဲ့ပြည်သူတို့၏ အသက်အိုးအိမ်ပေါင်းများစွာ ဆုံးရှုံးခဲ့ရပြီး ဖြစ်ကြောင်းနှင့် ၎င်းတို့၏အာဏာတည်မြဲရေးအတွက် ပြည်သူကို ရန်သူသဖွယ် သတ်ဖြတ်ချေမှုန်းနေသည့် စစ်အာဏာရှင်စနစ်အား အမြစ်ပါမကျန် တွန်းလှန်တိုက်ထုတ်ကြရန် ရန်ကုန်လူထုသပိတ်နှင့် ရန်ကုန်တော်လှန်ညီနောင်လေးဖွဲ့မှ နှိုးဆော်ခဲ့သည်။
