ဒီဇင်ဘာ – ၂၀ ၊၂၀၂၅ ၊ ဆိုင်းမင်း /People’s Spring
အာဏာသိမ်းစစ်ကောင်စီလေတပ်က စစ်ကိုင်းတိုင်းကိုပစ်မှတ်ထားပြီးလေကြောင်းတိုက်ခိုက်မှုတွေ ဆက်တိုက်ပြုလုပ်နေတာကြောင့် လူစုလူဝေးတွေ မပြုလုပ်ဖို့နဲ့ ဗုံးခိုကျင်းတွေ တူးထားကြဖို့ တန့်ဆည်မြို့နယ်ပြည်သူ့လုံခြုံရေးအဖွဲ့က ဒီဇင်ဘာလ ၁၉ရက်မှာ အသိပေးတိုက်တွန်းလိုက်ပါတယ်။
အဲဒီအသိပေးတိုက်တွန်းချက်မှာ ဒေသခံပြည်သူတွေအနေနဲ့ နေအိမ်တွေမှာ ဗုံးခိုကျင်း ၊ ကတုတ်ကျင်းတွေ တူးထားဖို့ အကြုံပြုထားတာပါ။
စစ်ကောင်စီဟာ အတုအယောင်ရွေးကောက်ပွဲကျင်းပဖို့ နီးကပ်လာတာနဲ့အမျှ လေကြောင်းတိုက်ခိုက်မှုတွေကို ပိုမို လုပ်ဆောင် လာတယ်လို့လည်းတန့်ဆည်မြို့ပြည်သူ့လုံခြုံရေးအဖွဲ့က ဆိုထားပါတယ်။
Public Service Announcement
ပြီးခဲ့တဲ့ ရက်ပိုင်းကလည်း တန့်ဆည်နယ်အနောက်ခြမ်း သပြေရင်းရွာဖက်ကို မုံရွာအခြေစိုက် အနောက်မြောက်တိုင်း စစ်ဌာနချူပ်ကနေ တက်လာတဲ့ ဂျိုင်ရိုကော်ပတာ သုံးစီးနဲ့လေကြောင်းတိုက်ခိုက်ခဲ့ပါသေးတယ်။
တန့်ဆည်အပြင် စစ်ကိုင်းတိုင်းထဲက ရေဦး၊ ဒီပဲယင်း၊ခင်ဦး၊တန့်ဆည်၊ဘုတလင်၊ရွှေဘို၊ဝက်လက်၊ကနီ၊မင်းကင်း စတဲ့ မြို့နယ်တွေမှာလည်း ဂျက်တိုက်လေယာဉ် ၊ ဂျိုင်ရိုကော်ပတာတွေသုံးပြီး ဒီဇင်ဘာလအတွင်းတိုက်ခိုက်မှုတွေ ဆက်တိုက်ဆိုသလို ပြုလုပ်ထားပါတယ်။
ဒီဇင်ဘာလ ၁၈ ရက်ဆိုရင်လည်း ရွှေဘိုခရိုင် ၊ ခင်ဦးမြို့နယ် ဗျုဟာလမ်းပိုင်းကို ဗုံးကြဲတာကြောင့် အရပ်သား ခြောက်ဦး ထိခိုက်ဒဏ်ရာရပြီး တစ်ဦးသေဆုံးကာ လမ်းပိုင်းမှာ ပိတ်မိနေတဲ့ ကုန်ကား ၊ခရီးသွားကား၊ ဆီသယ်ယာဉ်တွေပါ ထိခိုက်ပျက်စီးခဲ့ပါတယ်။
