ဧပြီ – ၂၀ ၊၂၀၂၆ ၊နိုင်ပကောင်း/People’s Spring
ကရင်ပြည်နယ်၊ဖာပွန်ခရိုင် (မူတြော်) ၊ KNU တပ်မဟာ (၅) နယ်မြေ ထိုင်းနယ်စပ်အနီးကအူးမယ်ထာကျေးရွာကိုဒီနေ့ ( ဧပြီလ ၂၀ ရက်)မနက်ပိုင်းမှာစစ်ကောင်စီလေတပ်ကဗုံးကြဲတိုက်ခိုက်လာတယ်လို့ တပ်မဟာ (၅) ပြောရေးဆိုခွင့်ရှိသူ ဗိုလ်မှုးကြီးစောကလယ်ဒိုက ပြောပါတယ်။
ဒီနေ့မနက် ၁၀ နာရီဝန်းကျင်အချိန်မှာ မူတြော်ခရိုင်၊ ဘူးသိုမြို့နယ်၊ ထိုင်းနယ်စပ် သံလွင်မြစ်ကမ်းအနီးမှာရှိတဲ့ အူးမယ်ထာကျေးရွာကို လေယာဉ်နဲ့ ဗုံးကြဲရာ ထိုင်းနိုင်ငံဘက်ခြမ်းပါဗုံးကျရောက်ပေါက်ကွဲတာကြားသိရတယ်လို့ ဗိုလ်မှုးကြီးစောကလယ်ဒိုက အသိပေးပါတယ်။
“အလုံးတော်တော်များများကြဲတယ်လို့ ပြောတယ်၊ နောက် ထိုင်းဘက်ကမ်းလည်း တစ်လုံးကျတယ်လို့ပြောတယ်၊ ဒါပေမယ့်အခြေအနေဘယ်လိုရှိလည်းဆိုတာတော့ မသိရသေးဘူးနော်”လို့ ဗိုလ်မှုးကြီးစောကလယ်ဒိုက ပြောပါတယ်။
Public Service Announcement
ဒါအပြင် အူးမယ်ထာဆေးရုံအဆောက်အဦးလည်းပျက်စီးသွားတာကြောင့် ဆေးကုသမှုခံယူနေတဲ့ ပြည်သူတွေလည်း ထိခိုက်မှု ရှိတယ်လို့အသိပေးပါတယ်။
မူတြော်ခရိုင်မှာသင်္ကြန်ကာလ မတိုင်ခင် ဧပြီလ ၉ ရက်နေ့ကစပြီး ဧပြီလ ၂၀ရက် အထိ နှစ်ပတ်တာဝန်းကျင်အတွင်း ဗုံးကြဲတိုက်ခိုက်မှု တွေကြောင့် အရပ်သား လေးဦးထက်မနည်းသေဆုံးခဲ့ပြီး ၁၀ ဦးကျော် ထိခိုက်ဒဏ်ရာ ရခဲ့ပါတယ်။
ဒါအပြင် ဆေးခန်း၊ ဘာသာရေးအဆောက်အဦးတွေနဲ့ နေအိမ်တွေလည်းပျက်စီးတယ်လို့သိရပါတယ်။
