ဇွန်-၃၀၊၂၀၂၆၊ကတ်သရင်းနှင်း၊People’s Spring
အမျိုးသားညီညွတ်ရေးအစိုးရ (NUG)ရဲ့ တပ်တွေ ဖမ်းဆီးခဲ့တဲ့ စစ်ကိုင်း PDF ခေါင်းဆောင် ကိုစစ်ငြိမ်းနိုင်နဲ့ ရဲဘော် ၃ ဦးပြန်လွတ်မြောက်လာပြီလို့ နီးစပ်သူတွေက ပြောပါတယ်။
ကိုစစ်ငြိမ်းနိုင်နဲ့ နဲ့အတူ ရဲဘော်အားကျူး၊ပေါက်စ၊ကျော်လေးတို့ကို အစည်းအဝေးတစ်ခုကအပြန်ဇွန်လ ၁၅ ရက်မှာ ကသာခရိုင်ကွပ်ကဲရေးမှူးက ဖမ်းဆီးခဲ့တာလို့ သိရပါတယ်။
ဒီကနေ့ ညပိုင်းမှာတော့ ကိုစစ်ငြိမ်းနိုင်က “တချို့ နားလည်မှု လွဲမှားတာ လေးတွေ ပြောကြဆိုကြတဲ့ သဘောပါ။ ဒီတော်လှန်ရေးမှာ ရှေ့ဆက်ပြီး အပြန်အလှန် အမှီသဟဲပြုသွားဖို့ရှိပါတယ်။ကျွန်တော် ကတိပေးနိုင်တာ တခုကတော့ ပြည်သူ တွေ စိတ်မပျက် စေရပါဘူး”လို့ သူ့ရဲ့ လူမှုကွန်ယက်စာမျက်နှာမှာ ရေးသားထားပါတယ်။
Public Service Announcement
ကိုစစ်ငြိမ်းနိုင်ကို ၁၅ ရက်အကြာ ဖမ်းဆီးခဲ့ပြီး ဒီကနေ့မှာ ပြန်လည်လွတ်မြောက်ခဲ့တာလို့ သိရပါတယ်။
စစ်ကိုင်း PDF ဟာ နွေဦးတော်လှန်ရေး မဟာမိတ်တပ်ပေါင်းစု (SRA)အဖွဲ့ဝင်ဖြစ်ပြီး အမျိုးသားညီညွတ်ရေးအစိုးရ(NUG)၊ကာကွယ်ရေး ဝန်ကြီးဌာန (MOD)အောက်က ပကဖ၊တပ်ရင်း၊တပ်ဖွဲ့ တွေနဲ့ ပူးပေါင်းတိုက်ခိုက်နေတဲ့ အဖွဲ့ဖြစ်တယ်လို့လည်း သိရပါတယ်။
