သြဂုတ် ၉၊ ၂၀၂၆။မေရီ/People’s Spring
ရှမ်းမြောက်က နောင်ချိုမြို့နယ်နဲ့ မန္တလေးတိုင်းက ပြင်ဦးလွင်မြို့နယ်အစပ်မှာရှိတဲ့ စစ်တပ်ရဲ့ ဝက်ဝံစစ်ဆေးရေးဂိတ်ဟာ ပိတ်ချင်းမြောင်ကိုလာတဲ့ ဘုရားဖူးဧည့်သည်တွေကိုပါ စစ်ဆေးမှုတွေ ပြုလုပ်နေကြောင်း ဒေသခံတွေက ပြောပါတယ်။
ပြင်ဦးလွင်-နောင်ချိုလမ်းပိုင်းမှာရှိတဲ့ အာဏာသိမ်းစစ်တပ်ရဲ့ ဝက်ဝံစစ်ဆေးရေးဂိတ်ဟာ ယခင်က မန္တလေးတိုင်းနဲ့ ရှမ်းပြည်နယ်မြောက်ပိုင်းကို ကူးသန်းသွားလာနေတဲ့ ခရီးသည်တွေ၊ ကုန်တင်ယာဥ်တွေကိုသာ စစ်ဆေးခဲ့ကြောင်း၊ ယခုအခါ ဝက်ဝံဂိတ်အနီးမှာရှိတဲ့ ပိတ်ချင်းမြောင်ကိုလာတဲ့ ဘုရားဖူးဧည့်သည်တွေကိုပါ စစ်ဆေးမှုတွေ ပြုလုပ်လာကြောင်း ဒေသခံတွေက ပြောပါတယ်။
“မှတ်ပုံတင်စစ်တယ်။ မျက်နှာ Scan ဖတ်စစ်ဆေးနေတယ်”လို့ ပြင်ဦးလွင်ဒေသခံတစ်ဦးက ပြောပါတယ်။
Public Service Announcement
ယာဥ်တွေများတာကြောင့် စစ်ဆေးချိန် ၁နာရီကျော်ကြာ တန်းစီစောင့်ဆိုင်းခဲ့ရတယ်လို့ ဒေသခံတွေက ပြောပါတယ်။
ဝက်ဝံဂိတ်ဟာ ရှမ်းမြောက်က ဝင်ရောက်လာတဲ့ လူတွေနဲ့ ကုန်ပစ္စည်းတွေကို အဓိက စစ်ဆေးပြီး ဝက်ဝံကျေးရွာမှာ တည်ရှိတဲ့ အရေးပါတဲ့ စစ်ဆေးရေးဂိတ်တစ်ခု ဖြစ်ပါတယ်။
