'/%3E%3C/svg%3E){kind=small}
မိုးကုတ်မြို့မှာ မိုးဆက်တိုက်ရွာပြီး ရပ်ကွက်အချို့ရေးကြီးနေတာကြောင့် မြေပြိုပြီး ၂ ရက်အတွင်း ၄ ဦး သေဆုံးခဲ့ရတယ်လို့ မြန်မာနိုင်ငံလူမှုကယ်ဆယ်ရေးအသင်း (မိုးကုတ်) တာဝန်ခံက ပြောပါတယ်။
သြဂုတ် ၁၃ ရက် ဒီကနေ့မနက် ၅ နာရီခွဲလောက်က မိုးကုတ်မြို့မ ရပ်ကွက်အပိုင်း (၄) မှာမြေပြိုပြီး တစ်ဦးသေဆုံးခဲ့ကာ ၆ ဦးကိုတော့ အသက်ရှင်လျက်ကယ်ဆယ်ပြီး ဆေးရုံပို့နိုင်ခဲ့တယ်လို့ အသင်းတာဝန်ခံ ကိုဟိန်းထက်မောင်က ပြောပါတယ်။
သြဂုတ် ၁၂ ရက် မနက်ပိုင်းကလည်းမြေပြိုမှုကြောင့် မိုးကုတ်မြို့အနောက်ပိုင်း ကျောက်ဖြူရပ်ကွက်မှာ ကလေးငယ်တစ်ဦးအပါအဝင် ၃ ဦး သေးဆုံးခဲ့ရပါတယ်။
မိုးကပါးသွားပေမယ့် ရပ်ကွက်အချို့မှာ ရေးကြီးတာ၊ မြေပြိုတာ၊ နေအိမ်အဆောက်အအုံတွေပျက်ဆီးတာ၊ လမ်းတွေပျက်ဆီးပြီးသွားလာရခက်တာတွေကြုံနေရတယ်လို့ ကိုဟိန်းထက်မောင်က ပြောပါတယ်။
Public Service Announcement
မြေပြိုမှုအန္တရာယ်ရှိတာကြောင့် တောင်ကုန်းတွေနားနေထိုင်သူတွေကို လူမှုကူညီရေးအသင်းတွေက သတိပေးထားတာရှိပါတယ်။
