Connect with us

Hi, what are you looking for?

LuduNwayOo

ဗီဒီယို

“အာဖဂန်စစ်တပ်ကတောင် မတိုက်ချင်တဲ့စစ်ပွဲကို အမေရိကန်စစ်သည်တွေအနေနဲ့ မတိုက်သင့် အသေမခံသင့်တော့ပါဘူး”

အာဖဂန် နစ္စတန်ရဲ့ နိုင်ငံရေး ခေါင်းဆောင်တွေ ကိုယ်တိုင်က အရှုံးပေးပြီး နိုင်ငံကို စွန့်ခွာ ထွက်ပြေးသွားကြတယ်။ အာဖဂန် စစ်တပ်ကို ကြည့်ပြန်တော့လည်း တစ်ခါတလေ ပြန်တိုက်ဖို့တောင် မကြိုးစားဘဲ ပျက်စီး ပြိုလဲသွားပြန်တယ်။


-ဂျိုးဘိုက်ဒန်
အမေရိကန်သမ္မတ


အာဖဂန် နစ္စတန်ရဲ့ နိုင်ငံရေး ခေါင်းဆောင်တွေ ကိုယ်တိုင်က အရှုံးပေးပြီး နိုင်ငံကို စွန့်ခွာ ထွက်ပြေးသွားကြတယ်။ အာဖဂန် စစ်တပ်ကို ကြည့်ပြန်တော့လည်း တစ်ခါတလေ ပြန်တိုက်ဖို့တောင် မကြိုးစားဘဲ ပျက်စီး ပြိုလဲသွားပြန်တယ်။ ပြီးခဲ့တဲ့ သီတင်းပတ်အတွင်းက ဖြစ်ပေါ် ပြောင်းလဲမှုတွေကို ကြည့်မယ်ဆိုရင် အာဖဂန် နစ္စတန်မှာ အမေရိကန်ရဲ့ စစ်ရေးအရ ပါဝင်ပတ်သက်မှုတွေကို အခုအချိန် ရပ်ဆိုင်းလိုက်တဲ့ ဆုံးဖြတ်ချက် မှန်ကန်ခဲ့ပါတယ်။ အာဖဂန် စစ်တပ်တွေ ကိုယ်တိုင်က သူတို့အတွက် သူတို့ မတိုက်ချင်တဲ့ စစ်ပွဲတစ်ခုမှာ အမေရိကန်စစ်သည်တွေ အနေနဲ့ ဝင်လည်း မတိုက်နိုင်၊ ဝင်လည်း မတိုက်သင့်တော့ပါဘူး။ ကျွန်တော်တို့ရဲ့ အသုံးစရိတ်ဟာ တစ်ထရီလီယံကျော် ရှိခဲ့တယ်။ ကျွန်တော်တို့ဟာ အာဖဂန် စစ်တပ်ကို ခေတ်မီလက်နက် တပ်ဆင်ထားတဲ့ စစ်သည် သုံးသိန်းလောက်နဲ့ သေချာ ဖွဲ့စည်းပေးခဲ့တယ်။ ဒီအရေအတွက်ဟာ ကျွန်တော်တို့ NATO မဟာမိတ် အဖွဲ့ဝင် နိုင်ငံ တော်တော်များများထက် အင်အား ပိုသာလွန်ပါတယ်။ သူတို့ လိုအပ်နိုင်တဲ့ အရာမှန်သမျှ ကျွန်တော်တို့ ထောက်ပံ့ခဲ့တယ်။ သူတို့ လစာတွေကို ပေးချေခဲ့တဲ့အပြင် သူတို့ လေတပ်ရဲ့ စီမံထိန်းသိမ်းမှုမှာလည်း ကူညီခဲ့တယ်။ ဒါမျိုး တာလီဘန်တွေ မရခဲ့ပါဘူး။ တာလီဘန်တွေမှာ လေတပ်လည်း မရှိဘူး။ ကျွန်တော်တို့က အနီးကပ် လေကြောင်းပစ်ကူတွေလည်း ပေးခဲ့တယ်။ သူတို့ရဲ့ ကိုယ်ပိုင် အနာဂတ်အတွက် တွေးတောဆုံးဖြတ်နိုင်မယ့် အခွင့်အလမ်း မှန်သမျှ ကျွန်တော်တို့ ပေးခဲ့တယ်။ သူတို့တွေက အနာဂတ်အတွက် တိုက်ပွဲဝင်ချင်တဲ့ စိတ်ဆန္ဒမျိုး ပြင်းပြနေအောင်တော့ ကျွန်တော်တို့ မထောက်ပံ့နိုင်ပါဘူး။ အာဖဂန်မှာ တကယ်ရဲရင့်ပြီး စွမ်းဆောင်ရည် ပြည့်ဝတဲ့ အထူးတပ်ဖွဲ့ဝင်တွေ၊ ယူနစ်တွေ၊ စစ်သားတွေ တချို့တလေတော့ ရှိပါတယ်။

(အမေရိကန်သမ္မတ ဂျိုးဘိုက်ဒန် အမေရိကန်ပြည်သူတွေကို အာဖဂန်အရေးနဲ့ပတ်သက်လို့ ဒီကနေ့ သြဂုတ် ၁၇ ရက်မှာ ပြောကြားတဲ့ မိန့်ခွန်းကောက်နှုတ်ချက်ဖြစ်ပါတယ်။)

ဆက်စပ်သတင်းများ

နိုင်ငံတကာ

မေလ ၂၈ ရက်နေ့မှာတော့ ဆိပ်ခံရဲ့ ဂါဇာကမ်းရိုးတန်းဖက် သွယ်တန်းထားရာ လျှောက်လမ်း ဧရိယာဟာ လှိုင်းဒဏ်ကြောင့် အခြေပျက်သွားတာကို တွေ့ရပါတယ်။

နိုင်ငံတကာ

ဗြိတိန် တပ်ဖွဲ့ဝင်တွေဟာ ဂါဇာမြေကို လုံးဝမနင်းဘဲ ကမ်းခြေထိ ထောက်ပံ့ရေး ပစ္စည်းတွေ လွှဲပြောင်း ပို့ဆောင်ပေးနေတဲ့ အမေရိကန် စစ်တပ်ရဲ့ မစ်ရှင်မှာ ပူးပေါင်း ကူညီပေးနေပါတယ်။

နိုင်ငံတကာ

အစ္စရေး စစ်တပ် (IDF)ရဲ့ ပြောရေးဆိုခွင့်ရ အရာရှိ ဒန်နီရယ်လ် ဟာဂါရီကလည်း အမေရိကန်ဆီက စစ်လက်နက် အထောက်အပံ့တွေ ရပ်ဆိုင်းထားရင်တောင်မှ ရာဖားဟ်ထိုးစစ်အတွက် စစ်လက်နက် ရင်းမြစ် အလုံအလောက် ပိုင်ဆိုင်ထားပြီး ဖြစ်တယ်လို့ မှတ်ချက်ပေးသွားခဲ့ပါတယ်။

နိုင်ငံတကာ

လက်ရှိ အစ္စရေးဟာ ရာဖားဟ်မှာ လေကြောင်းတိုက်ခိုက်မှုတွေ အပါအဝင် ကန့်သတ်စစ်ဆင်ရေးတချို့ လုပ်ဆောင်နေပေမယ့် မြေပြင်ထိုးစစ်ကြီး အဆင့်ထိ ရောက်နေပြီလို့ အမေရိကန်က သတ်မှတ်မထားသေးကြောင်းလည်း ဘိုင်ဒန်က ဆိုပါတယ်။