စစ်ကိုင်းတိုင်း ၊အရာတော်မြို့နယ်အရှေ့နယ် ဒုံဒစ်(ထုံးသစ်) ကျေးရွာကို အကြမ်းဖက်စစ်ကောင်စီတပ်များဝင်ရောက်အကြမ်းဖက်ပြီး နေအိမ်တစ်လုံးအား ဗုံးခွဲမီးရှို့ဖျက်ဆီးခဲ့သည်။
အောက်တိုဘာ ၁၀ ရက် တွင် အကြမ်းဖက် စစ်တပ် စတင်ဝင်ရောက်လာသောကြောင့် ဒုံးဒစ်ကျေးရွာခံပြည်သူရာ နှင့်ချီ ရှောင်တိမ်းနေရကြောင်းဒေသခံအချို့ကပြောသည်။
“ဒီနေ့နေ့လည် ၂ နာရီခွဲလောက်က ရွာခံ တက်ကြွလှုပ်ရှားသူတစ်ဦးရဲ့ အိမ်ကို မီးရှို့ခဲ့တာ”ဟု အရာတော်မြို့နယ်သတင်းမှန်ပြန်ကြားရေး တာဝန်ရှိသူတစ်ဦးက ပြောသည်။
ကျေးရွာအတွင်း ပျက်စီးမှုအသေးစိတ်အခြေအနေကို မသိရှိရသေးဘဲစစ်ကောင်စီ၏ လှုပ်ရှားမှုကို စောင့်ကြည့်နေရဆဲဖြစ်ကြောင်း ၎င်းတို့ကပြောသည်။
Public Service Announcement
အကြမ်းဖက်စကစတပ်၏ ဖျက်ဆီးမှုကြောင့် ဆုံးရှုံးမှုများအခြေအနေအသေးစိတ်ကို ဆက်လက်တင်ပြမည်ဟုအရာတော်မြို့နယ် သတင်းမှန်ပြန်ကြားရေးကဆိုသည်။
ထိုအပြင်ဒုံဒစ်ကျေးရွာရှိ ပြည်သူတစ်ဦး၏နေအိမ်ကို အကြမ်းဖက်စစ်တပ်က ဗုံးခွဲမီးရှို့သွားပြီးနောက် မီးလောင်ကျွမ်းနေသောဗီဒီယိုဖိုင်ကိုအရာတော်မြို့နယ် သတင်းမှန်ပြန်ကြားရေးကယနေ့ ထုတ်ပြန်ခဲ့သည်။
