ပြည်သူတွေ လမ်းပေါ်မထွက်ကြဘဲ အသံတိတ်သပိတ် ဆင်နွှဲကြတဲ့ဒီနေ့မှာ မန္တလေး မှာ စစ်ကား ၂ စီး အချင်းချင်းတိုက်မိကာ စစ်ကောင်စီတပ်ဖွဲ့ဝင် ၄ ဦး ဒဏ်ရာ ရသွားတယ်လို့သိရပါတယ်။
စီစီတီဗီမှတ်တမ်းတွေအရ ချမ်းအေးသာစံမြို့နယ် ၃၅ လမ်းနဲ့ ၇၈ လမ်းအရောက်မှာ မြောက်ကနေ တောင်ဘက်ကိုမောင်းလာတဲ့ ကားကြီးနဲ့ အနောက်ဘက်ကနေ အရှေ့ကို မောင်းလာတဲ့ ဟိုင်းလပ်အမျိုးအစားစစ်ကား တို့ဖြတ်တိုက်ကြတာတွေ့ရပါတယ်။
တိုက်မိတဲ့အရှိန်ကြောင့် ဟိုင်းလပ်ကားဟာ လည်ထွက်သွားပြီး ကားပေါ်ကနေ စစ်ကောင်စီတပ်ဖွဲ့ဝင်တွေပြုတ်ကျသွားတာပါ။
လူမှုကွန်ရက်မှာတက်လာတဲ့ ဓာတ်ပုံ မှာတော့ စစ်ကောင်စီတပ်ဖွဲ့ဝင် ၂ ဦး လမ်းပေါ်မှာ လဲကျနေတာတွေ့ရပါတယ်။
Public Service Announcement
ဒီလိုတိုက်မိချိန်ဟာ လမ်းပေါ်မှာ ယာဉ်သွားယာဉ်လာ လုံးဝမရှိဘဲ ရှင်းလင်းနေတဲ့အချိန်လည်းဖြစ်ပါတယ်။
ဒီနေ့ အသံတိတ်သပိတ်ကို ဆင်နွှဲရာမှာပါဝင်တဲ့မန္တလေးမှာ စစ်ကောင်စီတပ်ဖွဲ့ဝင်တွေဟာ အရပ်ဝတ်နဲ့ကင်းပုန်းဝပ်ကြသလို စစ်ကားတွေနဲ့လည်း ကင်းလှည့်တာတွေလုပ်ခဲ့ကြတာပါ။
