တော်လှန်ရေးအတွက် လှူဒါန်းဖို့ ရန်ပုံငွေရှာတဲ့ သရုပ်ဆောင် အဆိုတော် ချစ်သုဝေ ရဲ့ Hope အစီအစဥ်ကနေ အလှူငွေ သိန်း ငါးရာကျော်ရရှိခဲ့ပါတယ်။
Hope အတွက် ချစ်သုဝေကိုယ်တိုင်ထိုးထားတဲ့ အိတ်သုံးအိတ်ကို ကံစမ်းမဲလက်မှတ်ရောင်းချပြီး ရန်ပုံငွေရှာခဲ့တာပါ။
မြန်မာအပါအဝင် နိုင်ငံပေါင်း ၇ နိုင်ငံက ကံစမ်းမဲလက်မှတ်တွေဝယ်ယူအားပေးခဲ့ပြီး လက်မှတ် ၄၆၀၀ ကျော် ရောင်းချခဲ့ရပါတယ်။
လက်မှတ်တစ်စောင်ကို မြန်မာငွေကျပ် တစ်သောင်း နဲ့ ရောင်းချတာဖြစ်ပေမယ့် နိုင်ငံတကာက ငွေလဲနှုန်းတွေကြောင့် သိန်း၅၂၀ ကျော်ရရှိတာဖြစ်တယ်လို့ ချစ်သုဝေကပြောပါတယ်။
Public Service Announcement
ပြည်တွင်းမှာ အခက်အခဲတွေနဲ့ ကြုံနေရပေမယ့်မဲလက်မှတ် ၂ ထောင်ကျော်အထိ အားပေးခဲ့တဲ့အပေါ် ကျေးဇူးတင်ကြောင်း ချစ်သုဝေကပြောပါတယ်။
ချစ်သုဝေက တော်လှန်ရေးအတွက် ရန်ပုံငွေရှာတာကိုလစဥ်ပြုလုပ်သွားမှာဖြစ်တယ်လို့ ပြောကြားထားပါတယ်။
ခရစ္စမတ်ကာလ ၊ နှစ်သစ်ကူးတွေမှာလည်း ချစ်သုဝေက ကံစမ်းမဲအစီအစဥ်တွေပြုလုပ်ပြီး ရန်ပုံငွေတွေရှာဖွေပေးခဲ့ပါတယ်။
