Connect with us

Hi, what are you looking for?

LuduNwayOo

နိုင်ငံတကာ

တောင်ကိုရီးယားမှာ ဘတ်စ်ကားပေါ် တိုက်ပြိုကျလို့ ၉ ဦးထက်မနည်း သေဆုံး

တောင်ကိုရီးယား နိုင်ငံမှာ ဘတ်စ်ကားပေါ် လူနေတိုက်အိမ် ပြိုကျလို့ အနည်းဆုံး လူ ၉ ဦးလောက် အသက်ဆုံးရှုံးခဲ့ရပါတယ်။

ဇွန်လ ၉ ရက်က နိုင်ငံတောင်ပိုင်း၊ ဂွမ်ဂျူမြို့မှာရှိတဲ့ ၅ ထပ်တိုက်တစ်လုံး ပြိုကျခဲ့တာ ဖြစ်ပါတယ်။ တိုက်ပြိုချိန်မှာ လူ ၁၇ ဦး လိုက်ပါလာတဲ့ ဘတ်စ်ကားက တိုက်အောက်တည့်တည့် လမ်းပေါ်မှာ ရှိနေခဲ့တာလို့ မျက်မြင်တွေက ပြောပါတယ်။

လက်ရှိ အချိန်ထိ အသေအပျောက် ၉ ဦး စာရင်း အတည်ပြုထားပြီး ၈ ဦး ဒဏ်ရာတွေ ရခဲ့ပါတယ်။ ကယ်ဆယ်ရေး လုပ်ငန်းတွေ ဆက်လက် ဆောင်ရွက်နေပြီး အပျက်အစီးပုံ အောက်မှာ ပိတ်မိနေသူတွေကို ဖြန့်ကျက် ရှာဖွေနေဆဲ ဖြစ်ပါတယ်။

တိုက်ပြိုကျရတဲ့ အကြောင်းရင်းကို တိတိကျကျ မသိရသေးပါဘူး။ အဲဒီတိုက်ဟာ ဆောက်လုပ်ရေး လုပ်ငန်းခွင် သတ်မှတ်နေရာ တစ်ခုဖြစ်ပြီး တိုက်မပြိုခင် ကတည်းက ဆောက်လုပ်ရေး လုပ်သားတွေ ထွက်ခွာထားတယ်လို့ ဆိုပါတယ်။ အနီးတဝိုက်က လမ်းတွေကိုလည်း ယာယီ ပိတ်ထားပေမယ့် ဘတ်စ်ကားက ဘယ်လိုဘယ်ပုံ ရောက်လာသလဲ ဆိုတာ အဖြေရှာနေဆဲပါ။

ဒေသခံတွေကတော့ တိုက်ပြိုကျချိန်မှာ တော်လဲသံကြီးလို ကြားလိုက်ရပြီး ဖုန်မှုန့်တွေ ထောင်းထောင်း ထသွားခဲ့တယ်လို့ ပြောကြားခဲ့ပါတယ်။ လုံခြုံရေး ကင်မရာ မှတ်တမ်းတွေမှာတော့ ဘတ်စ်ကားပေါ်တည့်တည့် တိုက်ပြိုကျသွားတာကို တွေ့နိုင်ပါတယ်။

Public Service Announcement

Public Service Announcement

စစ်ဖြစ်နေတာကြောင့် မဟုတ်ဘဲ ငြိမ်းချမ်းတဲ့ ကာလတွေမှာ အဆောက်အအုံ ပြိုကျမှုကြောင့် လူအများဆုံး သေဆုံးတဲ့ စံချိန်ဆိုးကို တောင်ကိုရီးယားက ပိုင်ဆိုင်ထားပါတယ်။ ၁၉၉၅ ခုနှစ်တုန်းက ဆိုးလ်မြို့မှာရှိတဲ့ ဆမ်ပွန်း စျေးဝယ်စင်တာ ပြိုကျရာက လူပေါင်း ၅၀၀ ကျော် အသက်ဆုံးရှုံးခဲ့ကြောင်း သိရပါတယ်။

ဆက်စပ်သတင်းများ

နိုင်ငံတကာ

လီယောင်ဆိုဟာ ကိုရီးယား နှစ်နိုင်ငံ ပေါင်းစည်းရေးအတွက် တက်ကြွ လှုံ့ဆော်သူ တဦးဖြစ်ပြီး သူက မြောက်ကိုရီးယားကို တခမ်းတနား ဂုဏ်ပြု ရေးဖွဲ့ထားတဲ့ ကဗျာကို ၂၀၁၆ ခုနှစ်မှာ မြောက်ကိုရီးယား အစိုးရ မီဒီယာက ဝါဒဖြန့် ဖော်ပြခဲ့ဖူးပါတယ်။

နိုင်ငံတကာ

ရုရှားဟာ မြောက်ကိုရီးယားထက် ဂြိုဟ်တု နည်းပညာပိုင်းမှာ ဆယ်စုနှစ်တွေနဲ့ချီ ရှေ့ရောက်နေတဲ့ နိုင်ငံတစ်ခု ဖြစ်တာကြောင့်ပါ။

နိုင်ငံတကာ

အမျိုးသားဟာ မျက်နှာနဲ့ ရင်ဘတ်မှာ ဆိုးဆိုးရွားရွား ပိမိတဲ့ ဒဏ်ရာတွေ ရရှိခဲ့ပြီး ဆေးရုံကို တင်ပို့ခဲ့ပေမယ့် ကွယ်လွန်သွားခဲ့ကြောင်း ယွန်ဟပ် သတင်းဌာနက ဖော်ပြပါတယ်။

နိုင်ငံတကာ

ဒဏ်ရာရသူ ၁၈ ဦးထက်မနည်း ရှိတယ်လို့ ယူဆရပြီး ၅ ဦးရဲ့ အခြေအနေက စိုးရိမ်ရသလို ပြည်ထဲရေးဝန်ကြီး မက်တီယို ပီယန်တီဒိုဆီက အသေအပျောက်စာရင်း မြင့်တက်လာနိုင်သေးတယ်လို့ သတိပေးထားပါတယ်။