Connect with us

Hi, what are you looking for?

LuduNwayOo

နိုင်ငံတကာ

တာလီဘန်တွေကို ဆက်တိုက် အရေးနိမ့်နေတဲ့နောက် အာဖဂန် စစ်ဦးစီးချုပ် ရာထူးက ဖယ်ရှားခံရ

အခုဆိုရင် အာဖဂန်က ပြည်နယ် ၃၄ ခုမှာ ၉ ခုရဲ့ မြို့တော်ကြီးတွေက တာလီဘန်တွေ လက်ထဲ ရောက်နေပါပြီ။

တာလီဘန်တွေကို စစ်ရေးအရ ဆက်တိုက် ရှုံးနိမ့်လာတဲ့နောက် အာဖဂန် နစ္စတန်ရဲ့ စစ်ဦးစီးချုပ်ဟာ ရာထူးက ဖယ်ရှား ခံလိုက်ရပါတယ်။

အမေရိကန်နဲ့ NATO မဟာမိတ် အဖွဲ့တွေ အာဖဂန်ကနေ ပြန်လည် ရုပ်သိမ်း ထွက်ခွာသွားချိန်ကစလို့ တာလီဘန်တွေက အာဖဂန် အစိုးရ တပ်တွေအပေါ် စစ်ရေး အသာစီး ဆက်တိုက် ရလာခဲ့ပါတယ်။ အမေရိကန် တပ်တွေ ထွက်ခွာသွားပြီး သီတင်းပတ်တချို့ အကြာမှာပဲ အစိုးရ ထိန်းချုပ်ထားတဲ့ မြို့ရွာ အတော်များများ တာလီဘန်တွေ လက်ထဲ ကျရောက်သွားပါတယ်။ မြောက်ပိုင်းနယ်မြေတွေမှာလည်း တိုက်ပွဲအရှိန် မြင့်တက်လာပြီး ဒေသခံ ပြည်သူတွေ ထွက်ပြေး တိမ်းရှောင်နေကြရပါတယ်။

အခုဆိုရင် အာဖဂန်က ပြည်နယ် ၃၄ ခုမှာ ၉ ခုရဲ့ မြို့တော်ကြီးတွေက တာလီဘန်တွေ လက်ထဲ ရောက်နေပါပြီ။ ခန်ဒါဟာနဲ့ ဂါဇ်နီမြို့တွေမှာလည်း အပြင်းအထန် တိုက်ပွဲတွေဖြစ်ပြီး အစိုးရတပ်တွေ ဆုတ်ခွာနေရပါတယ်။ သမ္မတ အက်ရှ်ရက်ဖ် ဂါနီဟာ နိုင်ငံမြောက်ပိုင်းမှာရှိတဲ့ မာဇာအီ ရှာရစ်ဖ်မြို့ကို သွားရောက်ပြီး ဒေသခံ ပြည်သူ့စစ် ခေါင်းဆောင်တွေနဲ့ တွေ့ဆုံဆွေးနွေးခဲ့ပါတယ်။ အဲဒီနယ်မြေတွေဟာ တာလီဘန် ဆန့်ကျင်ရေး အင်အားစုတွေ အဓိက အခြေစိုက်တဲ့ ဒေသတွေပါ။

သမ္မတ ဂါနီဟာ ပြည်တွင်းအင်အားကို ပြန်စုစည်းဖို့ ကြိုးစားနေသလို တစ်ဖက်မှာလည်း စစ်ဦးစီးချုပ် ဗိုလ်ချုပ်ကြီး ဝါလီ မိုဟာမက် အာမက်ဇိုင်ကို ရာထူးက ထုတ်ပယ်လိုက်ပါတယ်။ သူဟာ ဇွန်လကမှ စစ်ဦးစီးချုပ် ဖြစ်လာသူပါ။ အာမက်ဇိုင်ဟာ အာဖဂန် စစ်တပ်ရဲ့ စိတ်ဓာတ် ယိုယွင်းပျက်ပြားမှု၊ အရည်အသွေး ကျဆင်းမှုတွေကို ပြင်ဆင် မွမ်းမံဖို့ မစွမ်းဆောင်နိုင်ခဲ့ပါဘူး။

သူ့နေရာကို ဆက်ခံမယ့် ပုဂ္ဂိုလ်ဟာ ဗြဟ္မာဦးခေါင်း ကိုင်ရမယ့် သဘောရှိပြီး လက်ရှိ အရှိန်မြင့်တက်လာတဲ့ စစ်ပွဲတွေကို ကိုင်တွယ် ကြီးကြပ်ရပါလိမ့်မယ်။ အမေရိကန်ရဲ့ ထိပ်တန်း စစ်ဗိုလ်ချုပ်တွေက အာဖဂန်ရဲ့ အခြေအနေကို စိုးရိမ်နေပြီး နောက်ထပ် လပိုင်းအတွင်း တစ်နိုင်ငံလုံးကို တာလီဘန်တွေ ထိန်းချုပ်သွားတာမျိုး ဖြစ်လာနိုင်တယ်လို့ မှတ်ချက် ပေးခဲ့ကြပါတယ်။ တချို့ အမေရိကန် ဗိုလ်ချုပ်တွေက ရက် ၉၀ အတွင်း ကဘူးလ်မြို့ ကျဆုံးသွားနိုင်တယ်လို့တောင် ယူဆနေကြပါတယ်။

ပြီးခဲ့တဲ့ တစ်လအတွင်း တာလီဘန်တွေရဲ့ ထိုးစစ်ဆင် တိုက်ခိုက်မှုတွေကြောင့် အာဖဂန်မှာ အရပ်သားပြည်သူ ၁၀၀၀ ကျော် သေဆုံးခဲ့ကြောင်းလည်း ကုလသမဂ္ဂရဲ့ စာရင်းတွေအရ သိရှိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

ဗီဒီယို

အာဖဂန်ဟာ စစ်ပွဲတွေရဲ့ဒဏ်ကို ဆယ်စုနှစ်တွေနဲ့ချီ သက်ရောက် ခံစားခဲ့ရတဲ့ နိုင်ငံ တစ်ခုဖြစ်ပြီး မပေါက်ကွဲသေးတဲ့ စစ်လက်နက် ပစ္စည်း အကြွင်းအကျန် အစအနတွေ အမြောက်အမြားက လူနေ ဧရိယာတွေနဲ့ မနီးမဝေးမှာ ကြွင်းကျန်နေဆဲပါ။

သတင်း

KNLAက သီးခြားထုတ်ပြန်သည့် သဘောထား ထုတ်ပြန်ချက်တွင် ကော်သူးလေ တပ်မတော် ဖွဲ့စည်းခြင်းသည် KNLA/KNDO ခေါင်းဆောင် တပ်မှူးများ၏ အရေးပေါ် အစည်းအဝေး ဆုံးဖြတ်ချက်ကို ဆန့်ကျင်ပြီးမိမိတို့ တပ်မတော်တွင်း ထင်ယောင်ထင်းမှား ဖြစ်အောင်တမင်တကာ ဖန်တီး ဖွဲ့စည်းခြင်းသာ ဖြစ်ကြောင်း ဖော်ပြသည်။

ဗီဒီယို

တာလီဘန်တွေဟာ နိုင်ငံတကာ အသိအမှတ်ပြု အာဖဂန် အစိုးရကို ပြီးခဲ့တဲ့နှစ် ဩဂုတ်လက ဖြုတ်ချပြီး တစ်နိုင်ငံလုံးကို ထိန်းချုပ်ခဲ့ပါတယ်။ အဲဒီနောက်မှာတော့ နိုင်ငံသားတွေရဲ့ လွတ်လပ်မှုနဲ့ လူ့အခွင့်အရေးကို အကာအကွယ်ပေးဖို့ ရည်ရွယ်ထားတဲ့ အဖွဲ့အစည်း တချို့ကို ဆက်တိုက် ပယ်ဖျက်လာပါတယ်။

News

ဒီနေ့မနက်ပိုင်းက AA စစ်ဦးစီးချုပ် ဗိုလ်ချုပ် ထွန်းမြတ်နိုင်ရဲ့ တွစ်တာမှာ " ကိုထင်လတ်ဦး သိပ်လျှောက်မလုပ်နဲ့ အာရုံနောက်နေပြီ ၊ငြိမ်းချမ်းရေး ဘာညာသောက်ဂရုစိုက်နေမှာမဟုတ်ဘူး၊ မင်းနေတဲ့နေရာအထိတက်ကြိတ်ပလိုက်မှာနော်" လို့ရေးသားထားတာတွေ့ရပါတယ်။