Connect with us

Hi, what are you looking for?

LuduNwayOo

နိုင်ငံတကာ

ကမ္ဘာတလွှားမှာ ကိုဗစ်ကြောင့် သေဆုံးသူ ၅ သန်းကျော်ရှိလာ

နိုင်ငံအလိုက် ကျန်းမာရေး ဌာနတွေက ထုတ်ပြန်တဲ့ စုစုပေါင်း အသေအပျောက် ကိန်းဂဏန်းတွေဟာ နိုဝင်ဘာ ၁ ရက်မှာ ၅ သန်း စတင် ကျော်လွန်လာခဲ့ပါတယ်။ ဒါပေမဲ့ လက်တွေ့မှာတော့ ရောဂါကြောင့် သေဆုံးရသူ ဦးရေဟာ အဲဒီထက် အများကြီး ပိုနိုင်တယ်လို့ လေ့လာသူတွေက ပြောပါတယ်။

တရားဝင် စာရင်းတွေအရ ကမ္ဘာတလွှားမှာ ကိုဗစ် ကပ်ရောဂါနဲ့ ဆက်စပ်ပြီး သေဆုံးသူ ၅ သန်း ကျော်လွန်လာပြီ ဖြစ်ပါတယ်။

နိုင်ငံအလိုက် ကျန်းမာရေး ဌာနတွေက ထုတ်ပြန်တဲ့ စုစုပေါင်း အသေအပျောက် ကိန်းဂဏန်းတွေဟာ နိုဝင်ဘာ ၁ ရက်မှာ ၅ သန်း စတင် ကျော်လွန်လာခဲ့ပါတယ်။ ဒါပေမဲ့ လက်တွေ့မှာတော့ ရောဂါကြောင့် သေဆုံးရသူ ဦးရေဟာ အဲဒီထက် အများကြီး ပိုနိုင်တယ်လို့ လေ့လာသူတွေက ပြောပါတယ်။

အမေရိကန်နိုင်ငံ၊ ဂျွန်ဟော့ပ်ကင်းစ် တက္ကသိုလ်ရဲ့ စနစ်အခြေပြု သိပ္ပံနဲ့ အင်ဂျင်နီယာ ဌာနဟာ ကပ်ရောဂါ စတင်လာချိန် ကတည်းက အသေအပျောက် စာရင်းကို မှတ်တမ်းတင် ပြုစုထားခဲ့ပါတယ်။ ကျွမ်းကျင်သူတွေကတော့ တက္ကသိုလ်က ထုတ်ပြန်တဲ့ အသေအပျောက် ၅ သန်း ပြည့်မြောက်မှု စာရင်းဟာ လက်တွေ့ထက် တော်တော်လေး လျော့နည်းနေဆဲလို့ တစ်ထစ်ချ ယူဆထားကြပါတယ်။

အထူးသဖြင့် အိန္ဒိယနဲ့ အာဖရိက နိုင်ငံတွေမှာ စာရင်းမပါဘဲ သေဆုံးသူတွေ အများအပြား ရှိနိုင်ပြီး ရုရှားလို နိုင်ငံတွေရဲ့ အသေအပျောက် စာရင်း ထုတ်ပြန်မှုကလည်း ရာနှုန်းပြည့် မမှန်နိုင်ကြောင်း ထောက်ပြကြပါတယ်။ တကယ်တမ်းမှာ ကိုဗစ်ကြောင့် အသက်ဆုံးရှုံးရတဲ့ ကမ္ဘာ့လူဦးရေက ၅ သန်းရဲ့ ၂ ဆကနေ ၁၀ ဆအတွင်းထိ များပြားနိုင်တယ်လို့ နယူးယောက် ပြည်သူ့ကျန်းမာရေး တက္ကသိုလ်ရဲ့ ကပ်ရောဂါဗေဒ ပညာရှင် ဒေါက်တာ ဒင်းနစ် နက်ရှ်က ဆိုပါတယ်။

ဒါပေမဲ့ ဇူလိုင်လဆန်းမှာ ရောဂါကြောင့် သေဆုံးသူ ၄ သန်းပြည့်ခဲ့တဲ့ ကာလ အရှေ့ပိုင်းတွေနဲ့ ယှဉ်ကြည့်ရင် ကပ်ရောဂါကြောင့် လူ ၁ သန်းထပ်သေဆုံးတဲ့ ကာလက ပိုမို ရှည်ကြာလာတာကို တွေ့ရပါတယ်။ Deltaမျိုးကွဲ ကိုရိုနာဗိုင်းရပ်စ်က ကူးစက်နှုန်း ပိုမြန်ဆန်နေချိန်မှာ အသေအပျောက် ကိန်းဂဏန်းတွေ မြင့်တက်မလာတာက ကမ္ဘာတလွှား ကာကွယ်ဆေး ဖြန့်ကျက် ထိုးနှံနိုင်စွမ်း အားကောင်းလာတာနဲ့လည်း ဆက်စပ်နေနိုင်ပါတယ်။

တစ်ကမ္ဘာလုံး အတိုင်းအတာ အနေနဲ့ စက်တင်ဘာကနေ အောက်တိုဘာ ပထမလဝက်အတွင်း ကူးစက်နှုန်း အကျဖက် ရောက်ခဲ့ပေမယ့် လွန်ခဲ့တဲ့ ၂ ပတ်မှာတော့ ကူးစက်မှုတွေ အရှိန်ပြန်ကောင်းလာတယ်လို့ ဆိုပါတယ်။ အခုဆိုရင် ရောဂါကြောင့် သေဆုံးသူ ၅ သန်းကျော်လာပြီဖြစ်ပြီး စုစုပေါင်း ကူးစက်ခံရသူ ဦးရေကလည်း ၂၄၈ သန်းနီးပါး ရှိလာပါပြီ။ တကယ်တမ်း ရောဂါ ကူးစက်မှုနဲ့ သေဆုံးမှု ကိန်းဂဏန်း အမှန်တွေ သိဖို့ဆိုရင်တော့ လူသားတွေ အနေနဲ့ နောက်ထပ် နှစ်ပေါင်း အတော်ကြာ လေ့လာရဦးမယ်လို့ ဒေါက်တာ နက်ရှ်က မှတ်ချက် ပေးသွားခဲ့ပါတယ်။

You May Also Like

သတင်း

ဒီဇင်ဘာ ၂ရက် ည ၆နာရီခွဲခန့်တွင် စစ်ကောင်စီတပ်နှင့် ရဲစခန်းရှိရာအနီး ဖားကန့်မြို့လယ်ရှိ Jade Cityရှေ့အဝိုင်းပတ်နေရာ၌ မိုင်းပေါက်ကွဲမှု ဖြစ်ခဲ့သည်ဟု ဆိုသည်။

သတင်း

သေနတ်သုံးလက် သိမ်းဆည်းနိုင်ခဲ့ မန္တလေးတိုင်း၊ ညောင်ဦးမြို့နယ်၊ စဉ့်ကူနယ်မြေရဲစခန်းမှ ရဲငါးဦး ဘီယာဆိုင်ထိုင်နေစဥ် ဝင်ရောက် တိုက်ခိုက်ခဲ့ရာ စခန်းမှူးအပါအဝင် ငါးဦးလုံးသေဆုံးပြီး သေနတ်သုံးလက်သိမ်းဆည်းနိုင်ခဲ့ကြောင်း ပခုက္ကူမြို့ပြပြောက်ကျားတပ်ဖွဲ့(တပ်ဖွဲ့-၂)က ထုတ်ပြန်သည်။ ယမန်နေ့ (ဒီဇင်ဘာ၁ ရက်)မွန်းလွဲ ၁နာရီခန့်ကညောင်ဦး​မြို့နယ်၊ စဥ့်ကူရဲစခန်း၏ စခန်းမှူးအပါအဝင် ရဲငါးဦးသည် တက်မမှော်အတွင်းရှိ ဘီယာဆိုင်တစ်ဆိုင်တွင် ထိုင်နေချိန်...

သတင်း

ထိတွေ့ရင်ဆိုင်တိုက်ပွဲများအတွင်း ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၅)ဘက်က စစ်သည်တော် ၉ဦးကျဆုံးခဲ့ပြီး ၂၆ဦး ဒဏ်ရာရခဲ့ကြောင်း အသိပေးထားသည်။

သတင်း

နိုဝင်ဘာ ၂၀ရက်ကတည်းကစစ်ကတပ်ကလေကြောင်း ပစ်ကူပေးတိုက်ခိုက်ခဲ့ရာ ၂၂ရက်နေ့အထိသုံးရက်ဆက်လေကြောင်းတိုက်ခိုက်ခဲ့သည်ဟုသိရသည်။