Connect with us

Hi, what are you looking for?

LuduNwayOo

နိုင်ငံတကာ

ထောင်ကျနေတဲ့ တောင်ကိုရီးယား သမ္မတဟောင်း ပက်ခ်ဂွမ်ဟေး လွတ်ငြိမ်းချမ်းသာခွင့်ရ

အခုနှစ်ဆန်းပိုင်းမှာ တောင်ကိုရီးယား တရားရုံးချုပ်က ပက်ခ်ရဲ့ ထောင်ဒဏ် နှစ် ၂၀ ချမှတ် ခံထားရမှု အမိန့်ကို ဆက်လက် တည်မြဲစေဖို့ ဆုံးဖြတ်ခဲ့ပေမယ့် လွတ်ငြိမ်းချမ်းသာခွင့် ရနိုင်တဲ့ အခွင့်အရေးကိုတော့ အသိအမှတ် ပြုခဲ့ပါတယ်။

အဂတိမှုနဲ့ ထောင်ကျနေတဲ့ တောင်ကိုရီးယား သမ္မတဟောင်း ပက်ခ်ဂွမ်ဟေးကို လက်ရှိ သမ္မတ မွန်းဂျေအင်းက လွတ်ငြိမ်း ချမ်းသာခွင့် ပေးလိုက်ကြောင်း သိရပါတယ်။

တောင်ကိုရီးယား တရားရေး ဝန်ကြီးဌာနက သမ္မတဟောင်း ပက်ခ်ဟာ လွတ်ငြိမ်းချမ်းသာခွင့် ရရှိသူတွေ စာရင်းမှာ ပါဝင်လာကြောင်း ဒီဇင်ဘာ ၂၄ ရက်က ထုတ်ပြန်ပါတယ်။ ပက်ခ်ဟာ တောင်ကိုရီးယားရဲ့ ပထမဆုံး အမျိုးသမီး သမ္မတ၊ ဒီမိုကရေစီ နည်းလမ်းနဲ့အညီ ရွေးချယ် တင်မြှောက် ခံထားရတဲ့ သမ္မတတွေထဲမှာ ရာထူးလက်ရှိကနေ ပထမဆုံး ဖြုတ်ချ ခံရတဲ့ သမ္မတအဖြစ် မှတ်တမ်း ဝင်ခဲ့သူပါ။

အသက် ၆၉ နှစ်အရွယ် ပက်ခ်ဟာ ၂၀၁၇ မှာ တရားရုံးချုပ်ရဲ့ အမိန့်နဲ့ သမ္မတ ရာထူးကနေ ဖယ်ရှား ခံခဲ့ရပါတယ်။ ပက်ခ်ဟာ သူငယ်ချင်း တစ်ဦးနဲ့ ဆက်စပ်ပြီး အဂတိမှုတွေ ကျူးလွန်ခဲ့ကြောင်း တရားရုံးက စစ်ဆေး ဖော်ထုတ်ခဲ့ပြီး သူကိုယ်တိုင်ကတော့ ဘာအမှားမှ မရှိခဲ့ဘူးလို့ အခိုင်အမာ ငြင်းဆန်ခဲ့ပါတယ်။

အခုနှစ်ဆန်းပိုင်းမှာ တောင်ကိုရီးယား တရားရုံးချုပ်က ပက်ခ်ရဲ့ ထောင်ဒဏ် နှစ် ၂၀ ချမှတ် ခံထားရမှု အမိန့်ကို ဆက်လက် တည်မြဲစေဖို့ ဆုံးဖြတ်ခဲ့ပေမယ့် လွတ်ငြိမ်းချမ်းသာခွင့် ရနိုင်တဲ့ အခွင့်အရေးကိုတော့ အသိအမှတ် ပြုခဲ့ပါတယ်။

တောင်ကိုရီးယားမှာ သမ္မတမွန်းရဲ့ ရာထူးသက်တမ်း ကုန်ဆုံးချိန် နီးကပ်လာပြီး သမ္မတသစ် နေရာအတွက် အကြိတ်အနယ် အားပြိုင်မှုတွေ ရှိနေချိန်မှာ ပက်ခ်က လွတ်ငြိမ်းချမ်းသာခွင့် ရလာခဲ့တာပါ။ ပက်ခ်မတိုင်ခင်က သမ္မတ ဖြစ်ခဲ့တဲ့ လီမြောင်ဘက်ခ်ကလည်း အဂတိမှု စွဲချက်တွေနဲ့ ထောင်ကျနေပေမယ့် လွတ်ငြိမ်းချမ်းသာခွင့် စာရင်းထဲမှာတော့ ပါမလာခဲ့ပါဘူး။

သမ္မတ မွန်းအနေနဲ့ ပက်ခ်ကို လွတ်ငြိမ်းချမ်းသာခွင့် ပေးသင့်ကြောင်း ထောက်ခံဆွေးနွေးမှုတွေ အားကောင်းလာခဲ့တဲ့နောက် အခုအခြေအနေ အပြောင်းအလဲတွေ ဖြစ်ပေါ်လာတာပါ။ အထူးသဖြင့် အတိုက်အခံ ပြည်သူ့စွမ်းအား ပါတီက ပက်ခ်ကို လွတ်ငြိမ်းချမ်းသာခွင့် ပေးဖို့ အဓိက တောင်းဆိုခဲ့ပါတယ်။

အတိုက်အခံ အမတ်တွေက ပက်ခ်ဟာ ထောင်ထဲမှာ ရှိနေစဉ် အတောအတွင်း ကျန်းမာရေး အခြေအနေ ယိုယွင်းလာပြီး ပခုံးခွဲစိတ်မှု တစ်ကြိမ်လည်း ခံယူခဲ့ရကြောင်း ပြောကြားသွားပါတယ်။

You May Also Like

နိုင်ငံတကာ

ဂိုမီနဲ့ ဆွန်ဂန်ဆိုတဲ့ Pungsan အမဲလိုက် ခွေးလေး နှစ်ကောင်ကို လွန်ခဲ့တဲ့ ၄ နှစ်က ကိုရီးယား နှစ်နိုင်ငံကြား ဆက်ဆံရေး အတော်လေး ပြန်အဆင်ပြေခဲ့တဲ့ အချိန်မှာ ကင်မ်က (အဲဒီတုန်းက) သမ္မတ မွန်းကို လက်ဆောင်အဖြစ် ပေးအပ်ခဲ့ပါတယ်။

နိုင်ငံတကာ

အရင်တုန်းက ရုရှား သမ္မတ ပူတင်ကလည်း ဟိုက်ပါဆောနစ် မြန်နှုန်းမြင့် ဒုံးကျည်တွေ အပါအဝင် လက်ရှိ စစ်လက်နက်တွေထက် ပိုမို အဆင့်မြင့်တဲ့ လက်နက် နည်းပညာတွေကို စမ်းသပ်နေကြောင်း ကြွေးကြော်ဖူးပါတယ်။

သတင်း

ယနေ့(ဒီဇင်ဘာ ၃ရက်) နေ့စွဲဖြင့်ပေးပို့သည့်သဝဏ်လွှာသည် လက်ရှိတရုတ်နိုင်ငံ နိုင်ငံခြားရေးဝန်ကြီးဝမ်ယိထံသို့ လိပ်မူပေးပို့ ခဲ့ခြင်းဖြစ်သည်ဟု ဆိုသည်။

နိုင်ငံတကာ

တောင်ကိုရီးယား လေပိုင်နက် အပြင်ဖက်က လေကြောင်း ကာကွယ်ရေးဇုန် သတ်မှတ်ထားရာ ဧရိယာကို တရုတ်လေယာဉ် ၂ စီးနဲ့ ရုရှား လေယာဉ် ၆ စီးတို့ နိုဝင်ဘာ ၃၀ ရက်က ဝင်ရောက် ပျံသန်းခဲ့တာလို့ သိရပါတယ်။