Connect with us

Hi, what are you looking for?

LuduNwayOo

နိုင်ငံတကာ

ရုရှားက အကူအညီ တောင်းထားတယ်ဆိုတဲ့ အမေရိကန်ရဲ့ စွပ်စွဲချက်ကို တရုတ်ငြင်းဆို

ယူကရိန်း ပြဿနာကို အခြေပြုပြီး တရုတ်အပေါ် နိုင်ငံတကာ အထင်အမြင် လွဲမှားအောင် အမေရိကန်က ပြုမူ ဆောင်ရွက်နေတာတွေက လက်ခံနိုင်စရာ မရှိဘူးလို့ ဗြိတိန်နိုင်ငံ၊ လန်ဒန်မြို့ အခြေစိုက် တရုတ် သံရုံးက ကြေညာချက် ထုတ်ပြန်ပါတယ်။

ယူကရိန်း စစ်ပွဲနဲ့ ပတ်သက်လို့ ပါဝင် ထောက်ပံ့ဖို့ ရုရှားက အကူအညီ တောင်းထားတယ်ဆိုတဲ့ အမေရိကန်ရဲ့ စွပ်စွဲမှုတွေကို တရုတ်က ငြင်းဆိုသွားပါတယ်။

အမေရိကန် အစိုးရရဲ့ အမျိုးသား လုံခြုံရေး အကြံပေး အရာရှိ ဂျိတ်ခ် ဆူလီဗန်က အရေးယူ ပိတ်ဆို့မှုတွေကြောင့် ဘက်ပေါင်းစုံ အကျပ်အတည်း ကြုံနေတဲ့ ရုရှားဟာ တရုတ်ဆီက လက်နက်နဲ့ စီးပွားရေး အကူအညီတွေ ရနိုင်ဖို့ တောင်းခံနေကြောင်း ပြောကြားခဲ့ပါတယ်။ တကယ်လို့ တရုတ်က ရုရှားကို အကူအညီ ပေးခဲ့မယ် ဆိုရင်လည်း နောက်ဆက်တွဲ ဆိုးကျိုးတွေနဲ့ ရင်ဆိုင်ရလိမ့်မယ်လို့ပါ သူက သတိပေးသွားပါတယ်။

ဒါပေမဲ့ တရုတ် အစိုးရကတော့ ဆူလီဗန်ရဲ့ စွပ်စွဲမှုတွေကို ငြင်းဆိုပြီး အမေရိကန်က တရုတ်နဲ့ ပတ်သက်လို့ သတင်းမှားတွေ ဖြန့်ဝေနေတာသာ ဖြစ်တယ်လို့ တုံ့ပြန်ခဲ့ပါတယ်။

ယူကရိန်း ပြဿနာကို အခြေပြုပြီး တရုတ်အပေါ် နိုင်ငံတကာ အထင်အမြင် လွဲမှားအောင် အမေရိကန်က ပြုမူ ဆောင်ရွက်နေတာတွေက လက်ခံနိုင်စရာ မရှိဘူးလို့ ဗြိတိန်နိုင်ငံ၊ လန်ဒန်မြို့ အခြေစိုက် တရုတ် သံရုံးက ကြေညာချက် ထုတ်ပြန်ပါတယ်။

Public Service Announcement

Public Service Announcement

ရုရှား-ယူကရိန်း စစ်ပွဲမှာ တရုတ်ဟာ အပြုသဘောဆောင်ပြီး ငြိမ်းချမ်းရေးဆီ ဦးတည်တဲ့ ဆွေးနွေးမှုတွေ အကောင်အထည် ပေါ်လာအောင် အားပေး ကူညီနေတာသာ ဖြစ်တယ်လို့ သံရုံး ထုတ်ပြန်ချက်မှာ ဖော်ပြထားပါတယ်။ အခုအချိန်မှာ အရေးအကြီးဆုံးက ပြဿနာတွေ ပိုဆိုးအောင် မီးစာဖြည့်ဖို့ မဟုတ်ဘဲ တင်းမာမှုတွေ အမြန်ဆုံး လျော့ပါးသွားဖို့သာ ဖြစ်တယ်လို့လည်း တရုတ်ဖက်က ဆိုပါတယ်။

တရုတ်က အခုလို ငြင်းချက် ထုတ်ထားပေမယ့်လည်း ထောက်လှမ်းရေး အစီရင်ခံစာတွေအရ တရုတ်ဟာ ရုရှားကို အကူအညီတွေပေးဖို့ အစီအစဉ် ရှိနေကြောင်း အမေရိကန် စစ်ဘက် အရာရှိ တချို့က ပြောကြားသွားပါတယ်။

ဆက်စပ်သတင်းများ

နိုင်ငံတကာ

အမေရိကန်၊ ဗြိတိန်နဲ့ ဩစတြေးလျတို့ ပါဝင်တဲ့ AUKUSဟာ ဩစတြေးလျ ရေတပ်ကို မဟာမိတ် နှစ်နိုင်ငံက ပူးပေါင်းပြီး နည်းပညာပိုင်း အဆင့်မြှင့်ပေးဖို့၊ ဒေသတွင်းမှာ တရုတ် လွှမ်းမိုးမှုကို တန်ပြန်ဖို့ ရည်ရွယ်ထားတာ ဖြစ်ပါတယ်။

နိုင်ငံတကာ

ရုရှား အစိုးရ ပြောရေးဆိုခွင့်ရ အရာရှိ ဒစ်မစ်ထရီ ပက်စ်ကော့ဗ်ကတော့ အခုဆုံးဖြတ်ချက်ဟာ အမေရိကန်ကို ကြွယ်ဝသထက် ကြွယ်ဝစေပြီး ယူကရိန်း အတွက်တော့ နောက်ထပ် အသက်တွေ စတေးရင်း တွင်းဆုံးကျစေမယ့် ကိစ္စမျိုးလို့ တုံ့ပြန်သွားပါတယ်။

နိုင်ငံတကာ

ဒီဖြစ်ရပ်ရဲ့ အဓိက အကြောင်းတရား နှစ်ခုက မြေအောက်ရေတွေ အလွန်အကျွံ ထုတ်ယူ အသုံးပြုမှုကြောင့် မြေသားတောင့်ခံနိုင်မှု အားနည်းလာခြင်းနဲ့ အဆောက်အအုံတွေ ဆောက်လုပ်တဲ့ ထုထည် ပိုမိုကြီးမား လေးလံလာခြင်းတွေ ဖြစ်တယ်လို့ ပညာရှင်တွေက သုံးသပ်ထားပါတယ်။

နိုင်ငံတကာ

အမေရိကန်က အဲဒီအဆိုကို ဗီတိုအာဏာသုံးပြီး ပယ်ချခဲ့မေယ့် အမေရိကန်ရဲ့ အနီးစပ်ဆုံး မဟာမိတ်တွေထဲက ပြင်သစ်၊ ဂျပန်နဲ့ တောင်ကိုရီးယားတို့ကလည်း ပါလက်စတိုင်းနိုင်ငံ ထူထောင်ရေး အဆိုကို ထောက်ခံခဲ့ကြောင်း သိရပါတယ်။