Connect with us

Hi, what are you looking for?

LuduNwayOo

နိုင်ငံတကာ

တရုတ် လူဦးရေရဲ့ ၈၀ ရာခိုင်နှုန်း ကိုဗစ် ကူးစက်ခံခဲ့ရပြီး ဖြစ်နိုင်တယ်လို့ဆို

တရုတ်နှစ်သစ်ကူးကို အကြောင်းပြုပြီး ဒေသတချို့မှာ ရောဂါ ဖြစ်ပွားနှုန်း တိုးလာတာမျိုး ကြုံကောင်း ကြုံရနိုင်ကြောင်း၊ ဒါပေမဲ့ နောက်တစ်ကြိမ် ကိုဗစ်ကူးစက်မှုလှိုင်း အကြီးအကျယ် ရိုက်ခတ်တာမျိုးကတော့ လာမယ့် လပိုင်းတွေအတွင်း မဖြစ်နိုင်လောက်တော့ကြောင်း ဝူက မှတ်ချက် ပေးခဲ့ပါတယ်။

တရုတ် လူဦးရေရဲ့ ၈၀ ရာခိုင်နှုန်း ကိုဗစ် ကူးစက်ခံခဲ့ရပြီး ဖြစ်နိုင်တယ်လို့ဆို
တရုတ် လူဦးရေရဲ့ ၈၀ ရာခိုင်နှုန်း ကိုဗစ် ကူးစက်ခံခဲ့ရပြီး ဖြစ်နိုင်တယ်လို့ဆို

တစ်နိုင်ငံလုံး လူဦးရေရဲ့ ၈၀ ရာခိုင်နှုန်းလောက်ဟာ ကိုဗစ်ရောဂါ ကူးစက်မှု ခံထားရပြီး ဖြစ်နိုင်ကြောင်း တရုတ် ထိပ်တန်း ဆေးသိပ္ပံ ပညာရှင် တစ်ဦးက ပြောကြားခဲ့ပါတယ်။

တရုတ် နှစ်သစ်ကူး ကာလမှာ မြို့ကြီးတွေက ရွှေ့ပြောင်းလုပ်သားတွေဟာ ဇာတိ ကျေးရွာတွေဆီ အုံနဲ့ကျင်းနဲ့ ပြန်သွားကြတဲ့အခါ ကျေးလက်ဒေသတွေဆီပါ ရောဂါ ကူးစက်မှုတွေ ဆိုးဆိုးရွားရွား ဖြစ်လာနိုင်ကြောင်း စိုးရိမ်တကြီး ထောက်ပြမှုတွေ ရှိနေပါတယ်။ တရုတ်က မြို့ကြီးတွေဟာ ပြီးခဲ့တဲ့ လပိုင်းတွေအတွင်း Omicronမျိုးကွဲသစ် ကိုရိုနာ ဗိုင်းရပ်စ်ကြောင့် ကိုဗစ်ရောဂါ အလုံးအရင်း ဖြစ်ပွားမှုတွေ ကြုံတွေ့နေခဲ့ရပါတယ်။

တရုတ်ရဲ့ ရောဂါ ကာကွယ်ထိန်းချုပ်ရေးဌာနက ကူးစက်ရောဂါဆိုင်ရာ ဌာနခွဲ အကြီးအကဲ ဝူဇွန်ယွန်ကတော့ တရုတ် နှစ်သစ်ကူး ကာလမှာ နိုင်ငံသားတွေ အများအပြား ခရီးတွေထွက်ကြ၊ နေရပ်ပြန်ကြ လုပ်မယ်ဆိုရင်တောင် ရောဂါ ကူးစက်မှုတွေက အခြေအနေ ပိုဆိုးလာစရာ မရှိနိုင်တော့ဘူးလို့ ဆိုပါတယ်။ အကြောင်းကတော့ တရုတ်လူဦးရေရဲ့ အချိုးအစား အများစုဟာ ကိုဗစ်ရောဂါ စွဲကပ်ခံရဖူးပြီးသား ဖြစ်တာကြောင့်လို့ သူက ပြောပါတယ်။

တရုတ်နှစ်သစ်ကူးကို အကြောင်းပြုပြီး ဒေသတချို့မှာ ရောဂါ ဖြစ်ပွားနှုန်း တိုးလာတာမျိုး ကြုံကောင်း ကြုံရနိုင်ကြောင်း၊ ဒါပေမဲ့ နောက်တစ်ကြိမ် ကိုဗစ်ကူးစက်မှုလှိုင်း အကြီးအကျယ် ရိုက်ခတ်တာမျိုးကတော့ လာမယ့် လပိုင်းတွေအတွင်း မဖြစ်နိုင်လောက်တော့ကြောင်း ဝူက မှတ်ချက် ပေးခဲ့ပါတယ်။

Public Service Announcement

Public Service Announcement

ဘာကြောင့်လဲဆိုတော့ တရုတ် လူဦးရေရဲ့ ၈၀ ရာခိုင်နှုန်းလောက်ထိ ကိုဗစ် ဖြစ်ထားဖူးတာကြောင့် နောက်တစ်ကြိမ် ကူးစက်မှုတွေကို လတ်တလော ခံနိုင်ရည် ရှိနှင့်နေပြီဖြစ်ကြောင်း ဝူက တရုတ် လူမှုကွန်ရက် ပလက်ဖောင်းဖြစ်တဲ့ Weiboမှာ ရေးသားထားပါတယ်။ တရုတ် လူဦးရေရဲ့ ၈၀ ရာခိုင်နှုန်း ဆိုတာက လူပေါင်း ၁.၁ ဘီလီယံကျော်လောက်နဲ့ ညီမျှပါတယ်။

တရုတ်ဟာ ပြီးခဲ့တဲ့ သီတင်းပတ်တွေအတွင်း ကပ်ရောဂါ ဆိုးဆိုးရွားရွား ကူးစက်မှုတွေနဲ့ ကြုံတွေ့ခဲ့ရပြီး အစိုးရရဲ့ ဇန်နဝါရီ ၁၂ ရက်ထုတ် စာရင်းတွေအရ အခုတစ်ကြိမ် ကိုဗစ်လှိုင်းမှာ လူပေါင်း ၆ သောင်းဝန်းကျင် သေဆုံးခဲ့ကြောင်း သိရပါတယ်။ ဒါပေမဲ့ ပညာရှင် တော်တော်များများကတော့ တကယ်တမ်း အသေအပျောက်ဟာ အဲဒီကိန်းဂဏန်းထက် အများကြီး ပိုနိုင်ပြီး တရုတ် အာဏာပိုင်တွေရဲ့ မှတ်တမ်း မပြည့်စုံတာတွေ ရှိလိမ့်မယ်လို့ ယူဆထားပါတယ်။ အထင်ရှားဆုံး အနေနဲ့ ဆေးရုံမတက်ဘဲ နေအိမ်တွေမှာ ကွယ်လွန်သွားသူတွေဟာ ကိုဗစ်ကြောင့်ဆိုတဲ့ သေဆုံးမှုမှတ်တမ်း အတည်ပြုချက် မရတဲ့အတွက် ကပ်ရောဂါကြောင့် ကြုံရတဲ့ အသေအပျောက် စာရင်းထဲမှာ မပါကြောင်း ထောက်ပြမှုတွေ ရှိနေပါတယ်။

ဆက်စပ်သတင်းများ

သတင်း

ဒေါက်တာဝင်းကျော်နှင့် ၎င်း၏ ဇနီးဖြစ်သူ ခင်ကေခိုင်တို့က ဦးဆောင်သည့် Mascots Group of Companies က အထက်ပါတရုတ်ကုမ္ပဏီများနှင့် စစ်အုပ်စုအကြား စီးပွားရေးလုပ်ဆောင်နိုင်ရန် ကြားခံပွဲစားအဖြစ် ဆောင်ရွက်ပေးကြောင်း JFM က စုံစမ်းဖော်ထုတ်သည်။

နိုင်ငံတကာ

တရုတ် ကမ်းခြေစောင့် တပ်ဖွဲ့ဝင်တွေဟာ တုတ်တွေ၊ ဓားတွေ၊ ပုဆိန်တွေ ကိုင်ဆောင်လာပြီး ဖိလစ်ပိုင် တပ်ဖွဲ့ဝင်တွေက လက်ချည်းသက်သက်နဲ့ သူတို့ကို ခုခံ တားဆီးဖို့ ကြိုးစားခဲ့ကြောင်း ဘရော်နာက ပြောပါတယ်။

သတင်း

ရခိုင်ပြည်နယ်တွင် မည်သည့်ရင်းနှီးမြှုပ်နှံမှုမျိုးကိုမဆို အကာအကွယ်ပေးမည်မူဝါဒ AA၌ အခိုင်အမာရှိကြောင်း ခိုင်သုခကဖြေကြားထားသည်။

နိုင်ငံတကာ

အနောက်နိုင်ငံတွေရဲ့ တိုက်လေယာဉ်မှူးဟောင်းတွေဟာ တရုတ်ကို ကူညီနေမိမှန်း မသိဘဲ သိမ်းသွင်းခံရတာမျိုးလည်း ရှိတယ်လို့ Five Eyesက ဆိုပါတယ်။