Connect with us

Hi, what are you looking for?

LuduNwayOo

နိုင်ငံတကာ

အိန္ဒိယအတွက် ရေငုပ်သင်္ဘော ၆ စီး တည်ဆောက်ပေးမယ့် ဂျာမနီ

အခုအခါမှာတော့ ဂျာမနီရဲ့ Thyssenkrupp Marine Systems (TKMS)နဲ့ အိန္ဒိယရဲ့ Mazagon Dock Shipbuilders လုပ်ငန်းစုတွေဟာ ရေငုပ်သင်္ဘော ၆ စီးကို အတူပူးပေါင်း ထုတ်လုပ်ဖို့ ကနဦး နားလည်မှု စာချွန်လွှာ တစောင်ကို လက်မှတ် ရေးထိုးခဲ့ပါတယ်။

အိန္ဒိယအတွက် ရေငုပ်သင်္ဘော ၆ စီး တည်ဆောက်ပေးမယ့် ဂျာမနီ
အိန္ဒိယအတွက် ရေငုပ်သင်္ဘော ၆ စီး တည်ဆောက်ပေးမယ့် ဂျာမနီ

အိန္ဒိယအတွက် ဂျာမနီက ရေငုပ်သင်္ဘောတွေ တည်ဆောက်ပေးဖို့ ညှိနှိုင်းဆွေးနွေးမှုတွေဟာ အပြီးသတ် အဆင့်ကို ရောက်ရှိနေပြီလို့ သိရပါတယ်။

အိန္ဒိယက ကာကွယ်ရေး ပစ္စည်းတွေ ဝယ်ယူရာမှာ ရုရှားအပေါ် အလွန်အကျွံ မှီခိုနေရတဲ့ အခြေအနေကို လျှော့ချချင်နေသလို အနောက်ဥရောပ အင်အားကြီး နိုင်ငံတခုဖြစ်တဲ့ ဂျာမနီကလည်း အဲဒီ အနေအထားကို ပြောင်းလဲစေလိုပါတယ်။ ဒါကြောင့်လည်း ဂျာမန် နည်းပညာသုံး အဆင့်မြင့် ရေငုပ်သင်္ဘောတွေကို အိန္ဒိယနဲ့ ပူးပေါင်း တည်ဆောက်ဖို့အတွက် ဒေါ်လာ ဘီလီယံနဲ့ချီ တန်ဖိုးရှိတဲ့ သဘောတူညီမှု တခုအတွက် ကြိုးစား ညှိနှိုင်းခဲ့ကြတာ ဖြစ်ပါတယ်။

အခုအခါမှာတော့ ဂျာမနီရဲ့ Thyssenkrupp Marine Systems (TKMS)နဲ့ အိန္ဒိယရဲ့ Mazagon Dock Shipbuilders လုပ်ငန်းစုတွေဟာ ရေငုပ်သင်္ဘော ၆ စီးကို အတူပူးပေါင်း ထုတ်လုပ်ဖို့ ကနဦး နားလည်မှု စာချွန်လွှာ တစောင်ကို လက်မှတ် ရေးထိုးခဲ့ပါတယ်။

အဲဒီ ရေငုပ်သင်္ဘောတွေရဲ့ တန်ဖိုးဟာ ယူရို ၅.၂ ဘီလီယံလောက် ကျသင့်မယ်လို့ နီးစပ်သူတွေက ပြောပါတယ်။ အိန္ဒိယကို ၄ ရက်ကြာ အလည်အပတ် ခရီးစဉ် သွားရောက်နေတဲ့ ဂျာမနီ ကာကွယ်ရေးဝန်ကြီး ဘောရစ် ပစ္စတိုရီးယက်စ်က အခု ရေငုပ်သင်္ဘော တည်ဆောက်ရေး သဘောတူညီမှုဟာ အနာဂတ်မှာ နှစ်နိုင်ငံ ကာကွယ်ရေးကဏ္ဍ လက်တွဲ လုပ်ဆောင်မှုတွေအတွက် ကနဦး ခြေလှမ်းသစ် ဖြစ်တယ်လို့လည်း ကြွေးကြော်ခဲ့ပါတယ်။

Public Service Announcement

Public Service Announcement

လက်ရှိ ညှိနှိုင်းထားတဲ့ သဘောတူညီချက်အရ ဂျာမနီဟာ အိန္ဒိယအတွက် လေအားနဲ့ တွန်းကန်တဲ့ ဒီဇယ်အင်ဂျင်သုံး ရေငုပ်သင်္ဘော ၆ စီးကို တည်ဆောက်ပေးသွားမှာပါ။ အဲဒီ ရေငုပ်သင်္ဘောတွေဟာ အရမ်း တိတ်တိတ်ဆိတ်ဆိတ် ခုတ်မောင်းနိုင်မှာဖြစ်ပြီး အားလုံးကို အိန္ဒိယမှာပဲ ဆောင်လုပ်မယ်လို့ ဆိုပါတယ်။

အိန္ဒိယ ရေတပ်ဟာ ၁၉၈၀ ပြည့်လွန်နှစ်တွေမှာ TKMSရဲ့ အရင် ကုမ္ပဏီဟောင်းက ဆောက်လုပ်ပေးထားတဲ့ ရေငုပ်သင်္ဘော ၄ စီးကို ပိုင်ဆိုင်ထားပါတယ်။ အဲဒီထဲက ၂ စီးကို ဂျာမနီမှာ တည်ဆောက်ပြီး ၂ စီးကိုတော့ နည်းပညာ လွှဲပြောင်းမှုဆိုင်ရာ သဘောတူညီချက်အရ အိန္ဒိယမှာ ဆောက်လုပ်ခဲ့တယ်လို့ သိရပါတယ်။

ဆက်စပ်သတင်းများ

နိုင်ငံတကာ

၂၀၂၂ ခုနှစ်မှာ ရုရှားက အိမ်နီးချင်း ယူကရိန်းကို ကျူးကျော်စစ် စတင်ဆင်နွှဲခဲ့ချိန် ကတည်းက NATO အဖွဲ့ဝင် ဥရောပ နိုင်ငံတွေဟာ ကာကွယ်ရေး အစီအမံတွေကို အပူတပြင်း တိုးမြှင့်နေခဲ့ကြပါတယ်။

နိုင်ငံတကာ

အမိုးပြိုကျချိန်မှာ ကား ၄ စီးက ဆိုးဆိုးရွားရွား ပျက်စီးသွားခဲ့ပြီး ဒဏ်ရာရသူ ၈ ဦးရဲ့ အခြေအနေကတော့ စိုးရိမ်စရာ မရှိဘူးလို့ သိရပါတယ်။

နိုင်ငံတကာ

NTA အကြီးအကဲ ဆင်းက အခုအခါ ရာထူးက ထုတ်ပယ် ခံလိုက်ရပြီ ဖြစ်သလို PhD စာမေးပွဲ တစ်ခုကလည်း မေးခွန်းစာရွက်ဟာ dark webထဲမှာ ကြိုတင် ပေါက်ကြားနေတာကြောင့် စာမေးပွဲကို လတ်တလော ပယ်ဖျက်ထားလိုက်ရပါတယ်။

နိုင်ငံတကာ

ရုရှားစစ်တပ်ထဲမှာ အမှုထမ်းရင်း အိန္ဒိယ နိုင်ငံသားနှစ်ဦးဟာ ယူကရိန်း ပဋိပက္ခမှာ သေဆုံးသွားတယ်ဆိုတဲ့ သတင်းအတွက် ဝမ်းနည်းမိကြောင်း အိန္ဒိယ နိုင်ငံခြားရေး ဝန်ကြီးဌာနက ထုတ်ပြန်ပါတယ်။