Connect with us

Hi, what are you looking for?

သတင်း

ပွင့်ဖြူမြို့နယ်ရှိ PDF စခန်းဖယ်ရှားပေးရန်ပြောဆိုခြိမ်းခြောက်နေသည့် ကျေးရွာအုပ်ချုပ်ရေးမှူး ပစ်သတ်ခံရ

ပြီးခဲ့သည့် ရက်ပိုင်းအတွင်းက ပွင့်ဖြူနှင့် စေတုတ္တရာမြို့နယ်အစပ်ကို စစ်ကောင်စီတပ်က စစ်ကြောင်းထိုးပြီး ပြည်သူတစ်ဦးအား သတ်ဖြတ်သွားခဲ့သည်။

(အုပ်ချုပ်ရေးမှူးထံမှ သိမ်းဆည်းရမိသော လက်လုပ်သေနတ်နှင့် အသုံးအဆောင်ပစ္စည်းအချို့အား တွေ့ရစဥ်။မင်းဘူးခရိုင် အမှတ် ၇ တပ်ရင်း)
(အုပ်ချုပ်ရေးမှူးထံမှ သိမ်းဆည်းရမိသော လက်လုပ်သေနတ်နှင့် အသုံးအဆောင်ပစ္စည်းအချို့အား တွေ့ရစဥ်။မင်းဘူးခရိုင် အမှတ် ၇ တပ်ရင်း)

ဟာနာဆန်/People’s Spring

မကွေးတိုင်း၊ မင်းဘူးခရိုင်၊ ပွင့်ဖြူမြို့နယ် တနေရာရှိ PDF စခန်းဖယ်ရှားပေးရန်နှင့် ဖယ်ရှားမပေးပါက စစ်တပ်ခေါ်ဆောင်လာမည်ဟု ခြိမ်းခြောက်ပြောဆိုနေသည့် ဆည်တော်ကျေးရွာအုပ်ချုပ်ရေးမှူး ပစ်ခတ်ခံရပြီး သေဆုံးခဲ့ကြောင်း သတင်းရရှိသည်။

နိုဝင်ဘာ ၂၆ရက် နံနက်က ဆည်တော်ကျေးရွာအုပ်ချုပ်ရေးမှူး ဌေးဝင်းကို ၎င်း၏နေအိမ်အတွင်း ဝင်ရောက်ပစ်ခတ်ခဲ့ရာ သေဆုံးသွားကြောင်း မင်းဘူးခရိုင် အမှတ်(၇)တပ်ရင်း သတင်းနှင့်ပြန်ကြားရေးအဖွဲ့ဝင်တစ်ဦးက ပြောသည်။

သေဆုံးသူဌေးဝင်းသည် ပြီးခဲ့သည့်နိုဝင်ဘာ ၁၈ ရက်ကတည်က မင်းဘူးခရိုင် အမှတ်(၇)တပ်ရင်း၏ Facebook Page Messenger သို့ PDF များတပ်စွဲထားသည့်နေရာမှ ဖယ်ရှားပေးရန်နှင့် ဖယ်မရှားပေးပါက ၎င်းကိုယ်တိုင်ဦးဆောင်၍ လမ်းပြလုပ်မည်၊ အကြောင်းသိစေရမည်ဟု ခြိမ်းခြောက်ပြောဆိုခဲ့ကြောင်း အထက်ပါ ပြန်ကြားရေးအဖွဲ့ဝင်က ပြောသည်။

Public Service Announcement

Public Service Announcement

ထို့အပြင် ၎င်းအုပ်ချုပ်ရေးမှူးသည် ယခုနှစ် သြဂုတ်အတွင်းကလည်း စစ်ကောင်စီစစ်ကြောင်း အန္တရာယ်ကြောင့် တိမ်းရှောင်ရသည့်ပြည်သူများအား လက်မခံရန် ဆော်သြခဲ့သူဖြစ်ကြောင်း မင်းဘူးခရိုင် အမှတ်(၇)တပ်ရင်း သတင်းနှင့်ပြန်ကြားရေးအဖွဲ့ဝင်က ပြောသည်။

“သူတို့ရွာတင် မဟုတ်ဘူး။ ဘေးနားကရွာတွေပါလိုက်ပိတ်တာ။”ဟု ၎င်းက ပြောသည်။

ထို့အပြင် အုပ်ချုပ်ရေးမှူးသည် ဆည်တော်ကျေးရွာ၌ ပျူစောထီးအဖွဲ့များဖွဲ့စည်းခြင်း၊ ရပ်ရွာကာကွယ်ရေးအမည်တပ်၍ စစ်သင်တန်းကို ရွာသား ၄၀ ဦးပို့ရန် ဆောင်ရွက်နေခြင်း၊ တိုက်ပွဲများဖြစ်ပွားနေချိန်၌ပင် တစ်အိမ်လျှင် ကျပ်ငါးသောင်းနှုန်းကောက်ခံခြင်းများ ပြုလုပ်ခဲ့သည်ဟု သိရသည်။

“စစ်မှူထမ်းထောက်ပံ့ဖို့ကောက်တာ။ အဲဒါတွေကလည်း တကယ်မထောက်ပံ့ဘူး။ ပျူတွေနဲ့ စခတွေနဲ့ နားလှည့်ပါးရိုက် လက်ဝါးကြီးအုပ်တာ။”ဟု မင်းဘူးခရိုင် အမှတ်(၇)တပ်ရင်း သတင်းနှင့်ပြန်ကြားရေးအဖွဲ့ဝင်က ရှင်းပြသည်။

ထို့အပြင် အဆိုပါအုပ်ချုပ်ရေးမှူးသည် ၂၀၂၂ ဇွန်လအတွင်းကလည်း ညီနောင်မဟာမိတ်အဖွဲ့များမှရဲဘော်များ မဲဇလီကြိုးတံတားတွင် တိုက်ခိုက်ခံရစဥ်က ထွက်ပြေးလွတ်မြောက်လာသော ရဲဘော်များကို စစ်ကောင်စီထံသတင်းပေးခြင်း၊ အဆိုပါရဲဘော်များအား ညှင်းပန်းနှိပ်စက်ရာတွင် အားပေးအားမြှောက်ခြင်းများ ပြုလုပ်ခဲ့သည်ဟု မင်းဘူးခရိုင် အမှတ်(၇)တပ်ရင်းက ဆိုသည်။

မင်းဘူးခရိုင် အမှတ်(၇)တပ်ရင်းသည် နိုဝင်ဘာ ၂၇ ရက်ကလည်း ပွင့်ဖြူမြို့နယ်၊ ပုသိမ်-မုံရွာလမ်းပေါ်ရှိ မဲဇလီ-ဆည်တော် ကြိုးတံတားဂိတ်မှ စစ်ကောင်စီတပ်အား ဝင်ရောက်တိုက်ခိုက်ရာ စစ်သား ၄ ဦး သေဆုံးပြီး လက်နက်ခဲယမ်းအချို့ရရှိခဲ့ကြောင်း ထုတ်ပြန်ထားသည်။

ပြီးခဲ့သည့် ရက်ပိုင်းအတွင်းက ပွင့်ဖြူနှင့် စေတုတ္တရာမြို့နယ်အစပ်ကို စစ်ကောင်စီတပ်က စစ်ကြောင်းထိုးပြီး ပြည်သူတစ်ဦးအား သတ်ဖြတ်သွားခဲ့သည်။

ဆက်စပ်သတင်းများ

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား

သတင်း

စစ်ရေးလုံခြုံရေးနဲ့ လမ်းပိုင်းအခြေအနေကြောင့် မကွေးတိုင်း၊ဆောမြို့နယ်က ကားလမ်းတချို့ကို ပိတ်ထားမယ်လို့ ပြည်သူ့ကာကွယ်ရေးတပ်မတော်၊ ဂန့်ဂေါခရိုင် တပ်ရင်း (၆)က ထုတ်ပြန်ပါတယ်။

Facebook