ဧပြီ ၉၊ ၂၀၂၅။ ခွာညို/People’s Spring
စစ်ကိုင်းတိုင်း၊ ကနီမြို့နယ်မြချမ်းသာရွာနှင့် ငါးဖျက်ကျေးရွာကို စစ်ကောင်စီတပ်က ယနေ့ ညနေ ၅နာရီခန့်၌ စက်တပ်လေထီးဖြင့် ဗုံးကြဲတိုက်ခိုက်သွားသည်။
အရပ်သားများရှိနေသော ကျေးရွာကို စစ်ကောင်စီက တိုက်ခိုက်ခဲ့ခြင်းဖြစ်ကြောင်း ကနီမြို့ခံများကပြောပြီး ထိခိုက်မှုအခြေအနေကို လတ်တလောမသိရှိရသေးပေ။
စစ်ကောင်စီသည် ၎င်းတို့ယာယီအပစ်ရပ်ကြောင်းကြေညာခဲ့သည့် ဧပြီ ၂ရက်ကလည်း ကနီမြို့နယ် မုဌောရွာကို စက်တပ်လေထီးဖြင့် ဗုံးကြဲတိုက်ခိုက်ခဲ့သည်။
Public Service Announcement
ထို့အပြင် ကနီမြို့နယ်နှင့်နယ်ချင်းဆက်စပ်နေသော ဘုတလင်မြို့နယ်ကို ဧပြီ ၆ ရက် ညနေတွင် လေကြောင်းမှ တိုက်ခိုက်ခဲ့ရာ အရပ်သားတစ်ဦးသေဆုံးပြီး နှစ်ဦးဒဏ်ရာရရှိခဲ့သည်။
စစ်ကောင်စီက ငလျင်ဘေးကယ်ဆယ်ရေးအတွက်ဆိုကာ ဧပြီ ၂ရက်မှ ၂၂ရက်အထိ တစ်ဖက်သတ်အပစ်ရပ်ကြောင်း ကြေညာထားသော်လည်း တိုက်ခိုက်မှုများဆက်တိုက်ပြုလုပ်နေသည်။
