ဇူလိုင်-၂၁၊ ၂၀၂၅။ခွန်ဖ/People’s Spring
အာရက္ခတပ်တော်(AA)ထံကနေ ထွက်ပြေးသွားသူမှာ တရားခံပြေးတစ်ဦးဖြစ်ပြီး AAတပ်ဖွဲ့ဝင်မဟုတ်ဘူးလို့ AAရဲ့ပြောရေးဆိုခွင့်ရှိသူ ခိုင်သုခက အသိပေးထုတ်ပြန်ပါတယ်။
ထွက်ပြေးသွားသူမှာ အတာဖြစ်ပြီး မီဒီယာအချို့မှာ ဖော်ပြနေကြသလို ဗိုလ်ယက္ခ မဟုတ်ဘူးလို့လည်း ခိုင်သုခက ဆိုပါတယ်။
သူဟာ သံတွဲတိုက်ပွဲကာလတုန်းက တိုက်နယ်မှူးတွေရဲ့နောက်ကလိုက်ပြီးတော့ ထမင်းချက်တာ၊ ရိက္ခာ ပြောင်းပေးတာတွေ လုပ်ခဲ့တယ်လို့လည်း ဆိုပါတယ်။
Public Service Announcement
နောက်ပိုင်းမှာ အဲဒါတွေ အခွင့်ကောင်းယူပြီး ဟိုတယ်ဇုန်တွေက ပစ္စည်းဖောက်ထွင်းခိုးယူတာတွေ အုပ်စုဖွဲ့ကျူးလွန်ခဲ့သူလို့ AAက ဆိုပါတယ်။ ဒါကြောင့် သက်ဆိုင်ရာအုပ်ချုပ်ရေးဘက်က လွန်ခဲ့တဲ့လထဲမှာ ဖမ်းဆီးထိန်းသိမ်း စစ်ဆေးခဲ့တာလို့ ဖော်ပြပါတယ်။ စစ်ဆေးနေစဉ်ကာလမှာ ထောက်ပို့စခန်းမှာထားစဉ် ရေချိုးသွားတုန်း ထွက်ပြေးလွတ်မြောက်သွားတာလို့ ဆိုပါတယ်။
ထွက်ပြေးသွားသူဟာ တရားခံပြေးတစ်ဦးသာဖြစ်ပြီး တချို့သတင်းဌာနတွေ ဖော်ပြနေသလို ULA/AA အဖွဲ့ဝင် မဟုတ်ဘူးလို့လည်း ထပ်မံ ဖော်ပြထားပါတယ်။
