စက်တင်ဘာ၂၂၊၂၀၂၅၊မေ/ People’s Spring
မန္တလေးတိုင်း၊စဉ့်ကူးမြို့နယ်က နဂါးမောက်တောင်ကို စစ်တပ်က လေကြောင်းတိုက်ခိုက်ခဲ့လို့ ပြည်သူ၂ ဦး ထိခိုက်ဒဏ်ရာရခဲ့တယ်လို့ ဒေသခံတွေက ပြောပါတယ်။
နဂါးမောက်တောင်ကို စက်တင်ဘာ ၂၁ ရက်က နေ့လည် ၁၂ နာရီ ၄၉ မိနစ်မှာ တကြိမ်၊၁၂နာရီ ၅၀ မိနစ်မှာ တကြိမ် စုစုပေါင်း ၂ကြိမ် လေကြောင်းတိုက်ခိုက်ခဲ့တာလို့ ဒေသခံတဦးက ပြောပါတယ်။
လေကြောင်းတိုက်ခံရမှုမှာ အမျိုးသားတဦးနဲ့ အမျိုးသမီး တဦး ထိခိုက်ဒဏ်ရာရခဲ့တယ်လို့ သိရပါတယ်။
Public Service Announcement
“တိုက်ပွဲနဲ့ ဝေးတဲ့ နေရာပါဒီ နေရာက။ သူတို့ကြဲချစရာဘုရားပဲရှိတယ်။ လမ်းဘေးဆို တော့သွားလာ နေတဲ့ ပြည်သူတွေလည်း ရှိတာပေါ့”လို့ ဒေသခံတဦးက ပြောပါတယ်။
အဲဒီ နေရာဟာ စဉ့်ကူးနဲ့ မတ္တရာမြို့နယ်အစပ်ကမှာ ရှိပြီး မတ္တရာမြို့နယ်၊မြောက်ဘက်ခြမ်းကို စစ်ကြောင်းထိုးဖို့အတွက် စစ်တပ်က လေယာဉ်လာပစ်တာလည်းဖြစ်နိုင်တယ်လို့ ဒေသခံ တွေက ပြောပါတယ်။
မနေ့ကပဲ မန္တလေးတိုင်း၊မိုးကုတ်နဲ့ သပိတ်ကျင်းမြို့နယ်တို့ကိုလည်း စစ်ကောင်စီက တပြိုင်ထဲဗုံးကြဲတိုက်ခိုက်ခဲ့ပါတယ်။
