အမျိုးသမီးများအပေါ် အကြမ်းဖက်မှုအဆုံးသတ်ရေး လှုပ်ရှားမှုဖြစ်သည့် ဖဲကြိုးဖြူကမ်ပိန်းတွင် အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန ပြည်သူ့ကာကွယ်ရေးတပ်(PDF) တပ်ဖွဲ့ဝင်များ ပါဝင်ဆင်နွှဲခဲ့ကြောင်း ဝန်ကြီးဌာနက ထုတ်ပြန်သည်။
အဆိုပါ လှုပ်ရှားမှုကို ရှေ့တန်း၊နောက်တန်း နေရာအစုံ၌ ရရာလက်နက်ဖြင့် ကျရာတာဝန်ထမ်းဆောင်နေကြသည့် ပြည်သူ့ကာကွယ်ရေးတပ်သားများကိုယ်တိုင် ပါဝင်ဆင်နွှဲခဲ့ကြောင်းကို ဖဲကြိုးဖြူကမ်ပိန်းဓာတ်ပုံများဖော်ပြခဲ့သည်။
နိုဝင်ဘာ၂၅ရက်မှ ဒီဇင်ဘာ၁၀ရက်သည် ကမ္ဘာနှင့်အဝန်းတွင် နှစ်စဉ်ကျင်းပလေ့ရှိသော ၁၆ရက်တာဖဲကြိုးဖြူလှုပ်ရှားမှုကာလဖြစ်ပြီး အမျိုးသမီးများအပေါ် အကြမ်းဖက်မှု အဆုံးသတ်ရေးဆိုင်ရာလှုပ်ရှားမှုများ အထိမ်းအမှတ်နေ့များ သတ်မှတ်ထားသည်။
ပြည်သူ့ကာကွယ်ရေးတပ်သားများသည် စစ်ဖက်ဆိုင်ရာကျင့်ဝတ်၊စည်းကမ်းများကို လေးစားလိုက်နာပြီး နိုဝင်ဘာ၂၅ရက်တွင်ကျရောက်သော အမျိုးသမီးများအပေါ်အကြမ်းဖက်မှုပပျောက်ရေးနေ့တွင် အမျိုးသမီးများအပေါ် အကြမ်းဖက်မှုများကို မည်သည့်နည်းနှင့်မဆို ကိုယ်တိုင်မကျူးလွန်သည့်အပြင် ယင်းအကြမ်းဖက်မှုများကိုလျော့ကျသွားစေရန် တစ်တပ်တစ်အား ပါဝင်ကြိုးပမ်းပါမည်ဟု ဖဲကြိုးဖြူကမ်ပိန်းတွင်ပါဝင်ခြင်းဖြင့် ကတိကဝတ်ပြုကြောင်း ကာကွယ်ရေးဝန်ကြီးဌာနက ထုတ်ပြန်သည်။
Public Service Announcement
