Connect with us

Hi, what are you looking for?

နိုင်ငံတကာ

အိန္ဒိယမှာ မက်ဆီရဲ့ ပေ ၇၀ မြင့်တဲ့ ပုံတူရုပ်တုကြီးကို ဖယ်ရှား

ကမ္ဘာကျော် ဘောလုံးကြယ်ပွင့် လီယွန်နယ် မက်ဆီကို ဂုဏ်ပြုထားတဲ့ ပုံတူ ရုပ်တုကြီးကို လုံခြုံရေး စိုးရိမ်ရတဲ့ အခြေအနေတွေကြောင့် အိန္ဒိယ အာဏာပိုင်တွေက ဖယ်ရှားခဲ့ပါတယ်။

ဓာတ်ပုံ - AFP

ကမ္ဘာကျော် ဘောလုံးကြယ်ပွင့် လီယွန်နယ် မက်ဆီကို ဂုဏ်ပြုထားတဲ့ ပုံတူ ရုပ်တုကြီးကို လုံခြုံရေး စိုးရိမ်ရတဲ့ အခြေအနေတွေကြောင့် အိန္ဒိယ အာဏာပိုင်တွေက ဖယ်ရှားခဲ့ပါတယ်။

ပေ ၇၀ မြင့်တဲ့ ရုပ်တုကြီးကို အနောက်ဘင်္ဂလား ပြည်နယ်ရဲ့ မြို့တော် ကိုလ်ကတ္တားမှာ ၂၀၂၅ ခုနှစ်၊ ဒီဇင်ဘာလတုန်းက စိုက်ထူထားခဲ့တာ ဖြစ်ပေမယ့် နှစ်ဝက်လောက် အကြာမှာပဲ ဖယ်ရှားခံခဲ့ရတာ ဖြစ်ပါတယ်။ အဲဒီတုန်းက မက်ဆီရဲ့ အိန္ဒိယ ခရီးစဉ် မတိုင်ခင်မှာ သူ့ကို ဂုဏ်ပြုဖို့ ပုံတူရုပ်တုကြီးကို ဖန်တီး ထုလုပ်ခဲ့တာပါ။

လေပြင်းတွေ တိုက်ခတ်တဲ့ အခါတိုင်း အဲဒီရုပ်တုကြီး ယိမ်းထိုးသွားတာကို သိသိသာသာ သတိထားမိကြောင်း ဒေသခံတွေက တိုင်ကြားကြတဲ့နောက် ဇွန်လ ၁ ရက်နေ့မှာတော့ ကရိန်းတွေကို အသုံးပြုပြီး ဖယ်ရှားခဲ့တာ ဖြစ်ပါတယ်။

ပြည်နယ် လွှတ်တော်အမတ် တစ်ဦးဖြစ်တဲ့ ရှာရက်ဒ်ဝတ် မူခါဂျီက လူထုရဲ့ အရေးဆိုမှုတွေကြောင့် ဇွန်လ ၁ ရက်နေ့ ညနေပိုင်းမှာ မက်ဆီရဲ့ ပုံတူ ရုပ်တုကြီးကို ဖယ်ရှားခဲ့ကြောင်း အတည်ပြုခဲ့ပါတယ်။ မက်ဆီက ကမ္ဘာ့ဖလားကြီးကို ကိုင်မြှောက်ထားပုံ ထုဆစ်ထားတဲ့ ရုပ်တုကို လေထိုးအခင်းကြီး တင်ထားတဲ့ ထရပ်ကားပေါ် ရွှေ့ပြောင်းပြီး သယ်ယူသွားခဲ့ပါတယ်။

Public Service Announcement

Public Service Announcement

အဲဒီရုပ်တုကြီးကို လောလောဆယ် ပြည်နယ် အစိုးရက သိမ်းဆည်းထားမှာဖြစ်ပြီး သင့်တော်တဲ့ နေရာသစ် တစ်ခုကို ရွေးချယ်ပြီး ပြန်လည် စိုက်ထူဖို့ စီစဉ်သွားမယ်လို့ ပြောပါတယ်။

ရုပ်တုကြီး စတင်စိုက်ထူချိန် ကတည်းက မက်ဆီနဲ့ မတူဘူးဆိုတဲ့ ဝေဖန်မှုတွေလည်း ကြုံခဲ့ရသလို အင်တာနက်မှာလည်း လှောင်ပြောင်မှုတွေ ခံခဲ့ရပါတယ်။ အခုလထဲမှာ အသက် ၃၉ နှစ်ပြည့်မယ့် အာဂျင်တီးနား လက်ရွေးစင် အသင်းခေါင်းဆောင်ဟာ ၂၀၂၂ ကမ္ဘာ့ဖလား ပြိုင်ပွဲမှာ နိုင်ငံအတွက် ဆုဖလားကြီးကို ဦးဆောင် ရယူပေးနိုင်ခဲ့ပါတယ်။ သူဟာ မကြာခင် စတင်တော့မယ့် ၂၀၂၆ ကမ္ဘာ့ဖလားမှာလည်း အာဂျင်တီးနားနဲ့အတူ ပါဝင်ကစားသွားမှာ ဖြစ်ပါတယ်။

ကမ္ဘာပေါ်မှာ လူဦးရေ အများဆုံး နိုင်ငံကြီးဖြစ်တဲ့ အိန္ဒိယမှာတော့ ဘောလုံးဟာ ခရစ်ကက်နဲ့ယှဉ်ရင် ဒုတိယ လူကြိုက်အများဆုံး အားကစား အဖြစ်သာ ရပ်တည်နေပါတယ်။

ကိုးကား: AFP

ဆက်စပ်သတင်းများ

နိုင်ငံတကာ

အိန္ဒိယနိုင်ငံ အရှေ့ဖက် ကမ်းရိုးတန်းကို ဆိုင်ကလုန်းမုန်တိုင်း ဝင်ရောက် တိုက်ခတ်မှုကြောင့် လူ ၆ ဦးထက်မနည်း သေဆုံးပြီး ဓာတ်အား ပြတ်တောက်မှုတွေနဲ့ တခြား ထိခိုက်မှုတွေ ဖြစ်ပေါ်ခဲ့ပါတယ်။

နိုင်ငံတကာ

ဆိုင်ကလုန်းမုန်တိုင်း ချဉ်းကပ်လာမှုကြောင့် အိန္ဒိယနိုင်ငံ အရှေ့ဖက် ကမ်းခြေမှာ လူပေါင်း သောင်းနဲ့ချီ အရေးပေါ် ရွှေ့ပြောင်းနေကြောင်း သိရပါတယ်။

နိုင်ငံတကာ

တရုတ်နဲ့ အိန္ဒိယ နယ်စပ်တလျှောက်မှာ နှစ်ဖက် လုံခြုံရေး တပ်ဖွဲ့တွေကြား ထိပ်တိုက်ရင်ဆိုင်တွေ့မှုတွေ ဆက်ဖြစ်နေတယ်လို့ အိန္ဒိယ နယ်စပ် ရဲတပ်ဖွဲ့က အတည်ပြုခဲ့ပါတယ်။

နိုင်ငံတကာ

အိန္ဒိယက ဘာသာရေး ပွဲတော်တစ်ခုမှာ လူအများ တိုးဝှေ့ကြ၊ အချင်းချင်း နင်းမိကြလို့ ၁၇ ဦးထက်မနည်း သေဆုံးပြီး နောက်ထပ် အများအပြား ဒဏ်ရာရခဲ့ပါတယ်။