ဇူလိုင် – ၁ ၊၂၀၂၆ /People’s Spring
စစ်ကိုင်းတိုင်းအထက်ပိုင်းအင်းတော်မြို့နယ်ထဲ ဝင်ရောက်လာတဲ့ စစ်ကောင်စီတပ်နဲ့ တော်လှန်ရေးတပ်တွေကြားတိုက်ပွဲတွေနေ့စဉ်နီးပါး တိုက်ပွဲဖြစ်ပွားနေပြီး ခရီးသွားကားတွေ ပိတ်မိနေတယ်လို့ ဒေသခံအချို့ဆီကသိရပါတယ်။
ဒီနေ့ (ဇူလိုင်လ ၁ ရက်)မနက်ပိုင်းကမန္တလေး -မြစ်ကြီးနားလမ်းပိုင်းက အင်းတော်မြို့နယ်၊ နဘားလမ်းဆုံမှာတိုက်ပွဲဖြစ်တာကြောင့် ကုန်ကားတွေ ၊ ခရီးသွားကားတွေပိတ်မိတာပါ။
တိုက်ပွဲဖြစ်တဲ့နဘားလမ်းဆုံကအင်းတော်မြို့ရဲ့အရှေ့ဘက်ခြောက်မိုင်ခန့်အကွာမှာရှိပါတယ်။
Public Service Announcement
“လမ်းပိတ်နေတာဟုတ်တယ်၊ ကားကပိတ်မိနေတာ ရာနဲ့ချီတော့ရှိမယ်” လို့ ဒေသခံတစ်ဦးကပြောပါတယ်။
ခရီးသွားလာမယ့်သူတွေလည်းလမ်းကြောင်းအခြေအနေကိုစုံစမ်းပြီးမှသွားသင့်တယ်လို့ အဲဒီဒေသခံက အကြုံပြပါတယ်။
မန္တလေး -မြစ်ကြီးနားလမ်းပိုင်းမှာပြီးခဲ့တဲ့ဇွန်လကုန်ပိုင်းကလည်း တကောင်းမြို့နယ်ထဲ တိုက်ပွဲဖြစ်ပြီး လမ်းပိတ်ခဲ့ပါတယ်။
အာဏာသိမ်းစစ်တပ်ဟာစစ်ကိုင်းတိုင်းနဲ့ ကချင်ပြည်နယ်အစပ်နေရာတွေဖြစ်တဲ့အင်းတော် ၊ကသာ ၊ထီးချိုင့်မြို့နယ်တွေကို အလုံးစုံ ထိန်းချုပ်နိုင်ဖို့ ကြိုးပမ်းနေပေမယ့် တော်လှန်ရေးတပ်တွေရဲ့ တိုက်ခိုက်မှုတွေ ရှိနေပါတယ်။
ပြီးခဲ့တဲ့ မေလအစောပိုင်းမှာတော့ စစ်ကိုင်းနဲ့ ကချင်အစပ် အင်းတော်မြို့နဲ့ မော်လူးမြို့တွေကို စစ်တပ်က ပြန်လည်ထိန်းချုပ်နိုင်ခဲ့တာပါ။
ဒါအပြင် မန္တလေး – မြစ်ကြီးနား လမ်းကြောင်းပေါ် ကမြို့အချို့ကိုပြန်ထိန်းချုပ်လာပြီးနောက် ကချင်ပြည်နယ်မြို့တော် မြစ်ကြီးနားမြို့ဆီ ကုန်လမ်းကနေ စားနပ်ရိက္ခာနဲ့ထောက်ပံ့ရေးပစ္စည်းတွေကိုစစ်တပ်က စစ်ယာဉ်တန်းနဲ့ ပေးပို့တာတွေရှိလာပါတယ်။
