ဇူလိုင်-၈၊၂၀၂၆။ဇေအောင်/People’s Spring
မန္တလေးမြို့၊မဟာအောင်မြေကျောက်ဝိုင်းအတွင်းမှာ ပျူစောထီးတွေ ခြိမ်းခြောက်ငွေတောင်းနေလို့အခက်အခဲ ဖြစ်နေကြောင်း ကျောက်လုပ်ငန်းလုပ်ကိုင်သူတွေက ပြောပါတယ်။
မဟာအောင်မြေကျောက်ဝိုင်းအတွင်းမှာ စစ်တပ်လက်အောက်ခံပျူစောထီးတွေဟာ အုပ်စုဖွဲ့ပြီး ကိုယ်တိုင်ကျောက်လုပ်တာ
(သို့မဟုတ်) ကျောက်လုပ်သူတွေနဲ့ လိုက်ပါလာတာတွေရှိပြီး လုပ်ငန်းရှင်တွေ၊ ကုန်သည်တွေ၊ အရောင်းအဝယ်ဖြစ်သွားတဲ့ ကျောက်သမားတွေဆီကနေ ခြိမ်းခြောက်ငွေတောင်းတာတွေ ရှိနေကြောင်း ကျောက်သမားအချို့က ပြောပါတယ်။
Public Service Announcement
“အရောင်းအဝယ်ဖြစ်လိုက်ပြီဆိုရင် ဝိုင်းထဲမှာပဲ ဖြစ်ဖြစ်၊ လမ်းကနေ စောင့်ပြီးတောင်းတာဖြစ်ဖြစ် ခြိမ်းခြောက်ပြီး ငွေတောင်းတာတွေ အမြဲလိုလိုလုပ်နေတယ်”လို့ ကျောက်သမားတစ်ဦးက ပြောပါတယ်။
ပျူတွေဟာ အုပ်စုဖွဲ့ငွေတောင်းယူတဲ့အပြင် ကျောက်သမားတွေကို အကြောင်းမဲ့ပြဿနာရှာတာ၊ ကိုယ်ထိလက်ရောက်ရမ်းကားတာတွေရှိနေတာကြောင့်ကျောက်အရောင်းအ
ဝယ်လုပ်တဲ့နေရာမှာ အခက်အခဲတွေရှိနေတယ်လို့ ကျောက်သမားတွေဆီက သိရပါတယ်။
အာဏာသိမ်းစစ်တပ်နဲ့ လက်အောက်ခံ ပျူစောထီးတွေဟာ အာဏာသိမ်းကာလအစောပိုင်းတုန်းက ကျောက်ဝိုင်းပြင်ပမှာအရောင်း
အဝယ်လုပ်နေတဲ့ ကျောက်သမားအများအ
ပြားကို ဝင်ရောက်ဖမ်းဆီးပြီးဖမ်းဆီးငွေညှစ်တာ၊ ထောင်ချတာတွေ လုပ်ခဲ့ဖူးပါသေးတယ်။
