▪️ငွေကြေးနှင့်သတင်းအချက်အလက်ထောက်ပံ့ပေးမှုအရေးပေါ် လိုအပ်နေကြောင်းလည်း ကရင်နီပြည်သူ့ကာကွယ်ရေးတပ်များ မေတ္တာရပ်ခံ
စစ်ရေးအရအရေးပါသည့် ဒီးမော့ဆိုမြို့နယ် ဒေါငံခါးရွာကို ယာယီစွန့်လွှတ်လိုက်ရကြောင်း ကရင်နီအမျိုးသားကာကွယ်ရေးတပ် KNDF တပ်ရင်း (၁)က ယနေ့နံနက်တွင် အသိပေးထုတ်ပြန်သည်။
“နန်းမယ်ခုံမြို့ကို ယာယီဆုံးရှုံးရပြီးနောက်မတ်လ(၁၃) ရက်နေ့မှာ ကျွန်တော်တို့ ဒေါငံခါးကို ထပ်မံဆုံးရှုံးလိုက်ရပါတယ်။ စစ်ကောင်စီဘက်မှ အကြိမ်ပေါင်းမြောက်များစွာ လက်နက်ကြီး၊ လေယာဉ်တို့ဖြင့် ဗုံးကြဲပစ်ခတ်ခဲ့သောကြောင့် နောက်ထပ်သော စစ်ရေးအရ အရေးပါလှသော ဒေါငံခါးကို ကျွန်တော်တို့ ယာယီလက်လွတ်ပေးခဲ့ရပါတယ်”ဟု KNDF တပ်ရင်း (၁)က ဆိုသည်။
ထို့အပြင် တိုက်ပွဲအတွင်း ရဲဘော်အချို့ ပြင်းထန်ဒဏ်ရာရရှိခဲ့ကြောင်းလည်း အသိပေးသည်။
Public Service Announcement
“ကျွန်တော်တို့ ကရင်နီပြည်ကိုလည်း ကြည့်ပါအုန်း60MM ၊120MM ၊ တင့်ကား၊ဟက်စကီး တိုက်လေယာဥ် တွေနဲ့ ပစ်တာပါအားမရတော့ဘဲ တာဝေးပစ် အတွဲလိုက်ဒုံးတွေနဲ့ပါ ပစ်နေပါတယ် “ဟု KNDF တပ်ဖွဲ့ဝင်တစ်ဦးက People’s Spring သို့ ပြောသည်။
ဒီးမော့ဆိုမြို့ကို ပြန်လည်သိမ်းပိုက်နိုင်ရန် အကြမ်းဖက်စစ်ကောင်စီ၏ ထိုးစစ်ဆင်မှုမှာ တစ်လနီးပါးပြည့်တော့မည်ဖြစ်သည်။
ဒေသခံကာ ကွယ်ရေးတပ်ဖွဲ့များ၏ ခုခံစစ်ကောင်းမွန်နေ၍ ခြေလျင်စစ်ကောင်စီတပ်များ အထိနာနေသဖြင့် နေ့စဥ် လေယာဥ်အသုံးပြုတိုက်ခိုက်နေပြီး လက်နက်ကြီးများဖြင့်အချက်ရေရာနှင့်ချီပစ်ခတ်နေသည်။
ထိုကြောင့် ရေရှည်စစ်ပွဲတွင်မူ လက်နက်၊ကျည် အား နည်းနေသည့် ပြည်သူ့ကာကွယ်ရေးတပ်ပေါင်းစု၏ ခုခံစစ်အတွက် ပြည်သူများ၏ ငွေကြေးနှင့်သတင်းအချက် အလက်ထောက်ပံ့ပေးမှုမှာ အရေးပေါ်လိုအပ်နေကြောင်းလည်း ကရင်နီပြည်သူ့ကာကွယ်ရေးတပ်များက မေတ္တာရပ်ခံလျှက်ရှိသည်။
