စစ်ကိုင်းတိုင်း၊ မုံရွာ-ချောင်းဦး-မြင်းမူလမ်းပိုင်းအား အရေးပေါ်လိုအပ်ချက်အရ သွားလာခွင့်ယာာယီပိတ်သိမ်းထားကြောင်း ချောင်းဦး PDF အဖွဲ့က ထုတ်ပြန်ကြေညာသည်။
စစ်ကိုင်းတိုင်း၊ မုံရွာ – ချောင်းဦး – မြင်းမူ လမ်းပိုင်းအား ယနေ့ ဧပြီလ ၁၉ ရက်နေ့ နံနက် ၁၀း၀၀ ဝန်းကျင် ယခုကြေညာချက်ထုတ်ပြန်ချိန်မှစ၍ နောက်ထပ်ကြေညာချက်တစုံတရာမထုတ်ပြန်မီအထိ အရေးပေါ်လိုအပ်ချက်အခြေအနေအရ ယာယီပိတ်ထားလိုက်ကြောင်း ချောင်းဦး PDF အဖွဲ့က အတိပေးထားခြင်းဖြစ်သည်။
ယာယီပိတ်ထားချိန်အတွင်း ကြေညာချက်ပါလမ်းပိုင်းကိုပြည်သူတို့၏ လုံခြုံရေးအတွက် လုံးဝအသုံးမပြုကြပါရန်နှင့်လိုက်နာခြင်းမရှိသူတို့၏လုံခြုံရေးအတွက်အာမမခံပါကြောင်း ထုတ်ပြန်အပ်ပါသည်ဟု ချောင်းဦး PDF က သတိပေးသည်။
အထက်ပါလမ်းပိုင်းတွင်သွားလာနေကြသောမော်တော်ယာဉ်များအနေဖြင့် အန္တရာယ်ကင်းရှင်းစေရန်အတွက် ရောက်ရာအရပ်တွင်ခေတ္တရပ်နားထားကြပါရန်နှင့် အဆိုပါလမ်းပိုင်းကိုလက်ရှိအသုံးပြုလျက်ရှိသော မိမိ၏ဆွေမျိုးမိတ်ဆွေများကို ထပ်ဆင့်အကြောင်းကြားပေးကြပါရန် မေတ္တာရပ်ခံအပ်ပါသည်ဟု ချောင်းဦး PDF အဖွဲ့က ရေးသားထားသည်။
Public Service Announcement
မုံရွာ-မန္တလေးလမ်းပေါ်တွင် အကြမ်းဖက်စစ်ကောင်စီတပ်များအား ဒေသတွင်းမဟာမိတ်အဖွဲ့များက မကြာခဏ ခုခံတိုက်ခိုက်လျက်ရှိသည်။
ဧပြီလ ၁၇ ရက် မြန်မာနှစ်ဆန်းတစ်ရက်နေ့က မုံရွာ-မန္တလေးလမ်းမကြီးပေါ်၊ ချောင်းဦးလမ်းပိုင်း၌ ဆန္ဒပြသပိတ်စစ်ကြောင်းအား လုံခြုံရေး ပွိိုင့်ကင်းတာဝန်ယူပေးနေသည့် ချောင်းဦး PDF အဖွဲ့မှ ရဲဘော်၅ ဦးအား အကြမ်းဖက်စစ်ကောင်စီတပ်နှင့် ပျူစောထီးများက ဖမ်းဆီးသတ်ဖြတ်ခဲ့သည်။
