စစ်ကောင်စီတပ်သား လေးဦးသေဆုံးကြောင်း PDF ဖရူဆို ထုတ်ပြန်
ကရင်နီ(ကယား)ပြည်နယ် ဖရူဆိုမြို့နယ်ရှိ စစ်ကောင်စီ၏ ခမရ(၄၂၈)နှင့် မြို့မရဲစခန်းကို ဝင်တိုက်ရာ စစ်ကောင်စီတပ်သား လေးဦးသေဆုံးကြောင်း PDF ဖရူဆိုက ထုတ်ပြန်သည်။
ယနေ့(ဧပြီ ၂၆ ရက်) ညနေ ၅ နာရီ ၅၀ခန့်စ၍ ၆ နာရီ ၄၀အထိ ပြည်သူ့ကာကွယ် ရေးတပ် ဖရူဆို နှင့် KNDF B-O4 တပ်ခွဲ(၂)တို့ ပူးပေါင်း၍ ၄၂၈ အခြေစိုက်စခန်းနှင့် ဖရူဆိုမြို့မ ရဲစခန်းကိုဝင်ရောက်ပစ်ခတ်ခဲ့သည်ဟု ဆိုသည်။
မိနစ်၄၀ခန့်ထိတွေ့မှုတွင် စစ်ကောင်စီဘက်မှ လေးဦးကျဆုံးကြောင်းအတည် ပြုနိုင်ခဲ့ကြောင်း PDF တာဝန်ရှိသူက အသိပေးသည်။
Public Service Announcement
“၄၂၈ ကင်းစခန်းမှာ စခနှစ်ကောင်သေတယ်။မြို့မရဲစခန်းမှာ နှစ်ကောင်သေတယ်ဗျ”ဟု ၎င်းက People’s Springသို့ ပြောသည်။
ပြည်သူ့ကာကွယ်ရေးတပ်ဖရူဆိုနှင့် ပူးပေါင်းမဟာမိတ်ဘက်မှ အထိအခိုက်မရှိ အောင်မြင်စွာ ပြန်လည်ဆုတ်ခွာနိုင်ခဲ့ကြောင်းလည်း ထုတ်ပြန်ချက်၌ ဖော်ပြသည်။
