ကိုဗစ်ကူးစက်ခံရပြီဆိုတာနဲ့ လူနာရဲ့ အရေးကြီးတဲ့ ကိန်းဂဏန်းတွေကို လူနာမှတ်တမ်းဇယားနဲ့ မှတ်သားထားရပါမယ်။
ရောဂါလက္ခဏာ တစ်ခုခုစပြတဲ့ ရက်စွဲ သေချာရေးမှတ်ထားပါ။ ပြီးရင်
- သွေးတွင်းအောက်စီဂျင်ပမာမဏ
- ကိုယ်အပူချိန်
- သွေးပေါင်ချိန်
- နှလုံးခုန်နှုန်း
- တစ်မိနစ်အတွင်း အသက်ရှူတဲ့အကြိမ်အရေအတွက်
ဒါတွေကို ဇယားမှာ ရေးမှတ်ရပါမယ်။ - ဆီးချိုရောဂါအခံရှိသူတွေကတော့ သွေးတွင်းသကြားဓာတ်ကို ထည့်သွင်းတိုင်းတာရေးမှတ်ရပါမှာဖြစ်ပါတယ်။
ဖြစ်နိုင်ရင်တော့ အဲဒီကိန်းဂဏန်းတွေကို တစ်ရက် လေးကြိမ်ပုံမှန်တိုင်းပေးဖို့လိုအပ်ပြီးတော့ အသက်ကြီးသူ၊ ရောဂါအခံရှိသူ၊ အဝလွန်သူတွေက သွေးတွင်းအောက်စီဂျင်ကို ၂ နာရီခြားတိုင်းပေးသင့်ပါတယ်။
တကယ်လို့ လူနာမှတ်တမ်းမှာ အောက်စီဂျင်က ၉၀ ရောက်သွားရင်၊ အသက်ရှူနှုန်းက တစ်မိနစ် အကြိမ် ၃၀ အထက်ရှူနေရင် ဆရာဝန်နဲ့အမြန်ဆုံးချိတ်ဆက်ပြီးတော့ ကုသညွှန်ကြားမှု ရယူရမှာဖြစ်ပါတယ်။
ကိုးကား – NUG Covid-19 Guide Line
