ရန်ကုန်တိုင်း တွံတေးမြို့ပေါ်ရှိ ရပ်ကွက်လေးခုမှ စစ်ကောင်စီခန့် အုပ်ချုပ်ရေးမှူးများအပါအဝင် ရပ်ကျေးအုပ်ချုပ်ရေးအဖွဲ့ဝင်လေးဦး၏ နေအိမ်များကို ဖောက်ခွဲတိုက်ခိုက်ခဲ့ကြောင်း မြို့ပြပြောက်ကျားတပ်ဖွဲ့-တွံတေးက ယနေ့ (ဇူလိုင် ၂) ထုတ်ပြန်သည်။
ယမန်နေ့(ဇူလိုင် ၁)ညပိုင်းက ရွှေဆံတော်ရပ်ကွက်နှင့် စျေးသစ်ရပ်ကွက်များမှ စစ်ကောင်စီခန့်အုပ်ချုပ်ရေးမှူးနေအိမ်များနှင့် အိုးဘိုအနောက်နှင့် အိုးဘိုအရှေ့ရပ်ကွက်များမှ ရာအိမ်မှူးနေအိမ်များကို ဖောက်ခွဲတိုက်ခိုက်ခဲ့ခြင်းဖြစ်ကြောင်း ဖော်ပြသည်။
အဆိုပါတိုက်ခိုက်မှုများတွင် ရွှေဆံတော်ရပ်ကွက်အုပ်ချုပ်ရေးမှူး အောင်နိုင်ဦးနေအိမ်နှင့် အိုးဘိုအနောက်ရပ် ရာအိမ်မှူး အောင်မြင့်ထွန်းနေအိမ်တို့တွင် မိုင်းများပေါက်ကွဲခဲ့သော်လည်း စျေးသစ်ရပ်ကွက် အုပ်ချုပ်ရေးမှူး ထင်ကျော်နှင့် အိုးဘိုအရှေ့ရပ်ကွက် ရာအိမ်မှူး တင်ထွန်း၏နေအိမ်များတွင်မူ မိုင်းများပေါက်ကွဲခြင်းမရှိဘဲ ကျန်နေခဲ့သည်ဟု အသိပေးသည်။
“တွံတေးမြို့နယ်အတွင်းရှိ အများပြည်သူများ၏ စားဝတ်နေရေး၊ ခရီးသွားလာရေးနှင့်လွတ် လပ် လုံခြုံမှုအားပိတ်ပင်ဟန့်တား၍နှိပ် စက်နေသည့် အကြမ်းဖက်စစ်ကောင်စီနှင့် ၎င်း၏ ထောက်တိုင်များအား ဆက်လက်တိုက်ခိုက်အရေးယူခြင်းအားဆောင်ရွက်သွားမည်”ဟု ပြောက်ကျားတပ်ဖွဲ့-တွံတေးက ဖော်ပြသည်။
Public Service Announcement
ထိုသို့ဆောင်ရွက်ရာတွင် အကြမ်းဖက်စစ်ကောင်စီထောက်တိုင် ရပ်ကျေးအုပ်ချုပ်ရေးမှူးများအား ဦးစားပေးအရေးယူဆောင်ရွက်သွားမည်ဖြစ်ပြီး စစ်ကောင်စီအလိုကျ အများပြည်သူအား နိုင့်ထက်စီးနင်းပြုမှုအား ရပ်တန်းက မရပ်ပါက ၎င်းတို့နှင့် မိသားစုဝင်များ၏အသက်အန္တရာယ်ကို သက်ညှာမည်မဟုတ်ကြောင်းသတိပေးထားသည်။
