Connect with us

Hi, what are you looking for?

သတင်း

ပေါက်နယ် အောင်စည်သာရွာ စစ်အုပ်စုမီးရှို့ဖျက်ဆီးရာ နေအိမ် ၅၀ကျော် ပြာကျ

စစ်ကောင်စီတပ်သည် ပြီးခဲ့သည့် နိုဝင်ဘာလ ၂၃ ရက်ကလည်း ပေါက်မြို့နယ်စသိန်းရွာအား မီးရှို့ဖျက်ဆီးခဲ့ရာ အိမ်ခြေ ၂၄၁လုံးမီးလောင်ပျက်စီးခဲ့ပြီး ဒေသတွင်းအဖွဲ့များနှင့်လည်း တိုက်ပွဲဖြစ် ပွားခဲ့သေးသည်။

မီးလောင်ပျက်စီးသွားသော နေအိမ်များနှင့် တိရိစ္ဆာန်အချို့၊ ဓာတ်ပုံ-မြိုင်(ပကဖ)၊ BLY
မီးလောင်ပျက်စီးသွားသော နေအိမ်များနှင့် တိရိစ္ဆာန်အချို့၊ ဓာတ်ပုံ-မြိုင်(ပကဖ)၊ BLY

▪️ယနေ့နံနက် ညောင်ရင်းရွာကို မီးဆက်ရှို့နေ

မကွေးတိုင်း၊ ပေါက်မြို့နယ် အောင်စည်သာကျေးရွာအား စစ်ကောင်စီတပ်နှင့်ပျူစောထီးများက အကြောင်းမဲ့မီးရှို့ဖျက်ဆီးရာ နေအိမ် ၅၀ကျော် ပျက်စီးဆုံးရှုံးခဲ့ကြောင်း မြိုင်(ပကဖ)အဖွဲ့ခေါင်းဆောင် ကိုလကျ်ာက ပြောသည်။

ယမန်နေ့ (နိုဝင်ဘာ ၂၇ ရက်) ည၈နာရီ၃၇ မိနစ်ခန့်က စစ်ကောင်စီတပ်သည် ပေါက်မြို့နယ်၊ ဇီးပြားကျေးရွာနှင့် သရော်ကိုင်းကျေးရွာများရှိ ပျူများအား ဇီးပြားရဲစခန်းနှင့် စာသင်ကျောင်းတွင် သင်တန်းပေးခဲ့သည်။

မီးလောင်ပျက်စီးသွားသော နေအိမ်များနှင့် တိရိစ္ဆာန်အချို့၊ ဓာတ်ပုံ-မြိုင်(ပကဖ)၊ BLY
မီးလောင်ပျက်စီးသွားသော နေအိမ်များနှင့် တိရိစ္ဆာန်အချို့၊ ဓာတ်ပုံ-မြိုင်(ပကဖ)၊ BLY

ထို့နောက် ဇီးပြားရွာ အရှေ့မြောက်ဘက်ရှိ အောင်စည်သာကျေးရွာအား အဆိုပါ စစ်ကောင်စီတပ်နှင့်ပျူများပေါင်း၍ ဝင်ရောက်မီးရှို့ဖျက်ဆီးခဲ့ရာ နေအိမ် ၅၆လုံး မီးလောင်ဆုံးရှုံးခဲ့ပြီး ကျေးရွာပြည်သူများ မွေးမြူထားသော နွားနှင့်ဝက်များလည်း မီးလောင် သေဆုံးခဲ့ကြောင်း ကိုလကျ်ာက ပြောသည်။

Public Service Announcement
Public Service Announcement

အဆိုပါစစ်အုပ်စုသည် ဒေသကာကွယ်ရေးအဖွဲ့များနှင့် ထိတွေ့တိုက်ပွဲမရှိဘဲ ပြည်သူများ၏ နေအိမ်များကို ရည်ရွယ်ချက်ရှိရှိ မီးရှို့ဖျက်ဆီးသွားခြင်းဖြစ်ကြောင်း ကိုလကျာ်က ပြောသည်။

Public Service Announcement

Public Service Announcement

ဒေသခံပြည်သူများ စစ်ကြောင်းသတင်း နားစွင့်ရန်နှင့် မြိုင်ပကဖအနေဖြင့် ဒေသမရွေးလိုက်လံတိုက်ခိုက်သွားမည်ဖြစ်၍ နီးစပ်ရာကာကွယ်ရေးအဖွဲ့များက လိုအပ်သောအကူညီများ ဝိုင်းဝန်းဆောင် ရွက်ပေးနိုင်ပါရန် ညှိနှိုင်းအကြောင်းကြား အသိပေးကြောင်း မြိုင်(ပကဖ)အဖွဲ့က ပြောသည်။

မီးလောင်ပျက်စီးသွားသော နေအိမ်များနှင့် တိရိစ္ဆာန်အချို့၊ ဓာတ်ပုံ-မြိုင်(ပကဖ)၊ BLY
မီးလောင်ပျက်စီးသွားသော နေအိမ်များနှင့် တိရိစ္ဆာန်အချို့၊ ဓာတ်ပုံ-မြိုင်(ပကဖ)၊ BLY

ထို့အပြင် ပေါက်မြို့နယ်၊ ဇီးပြားရွာမှ စစ်ကောင်စီတပ်နှင့်ပျူများသည် ယနေ့ (နိုဝင်ဘာ၂၈ ရက်) နံနက်ပိုင်းတွင် ညောင်ရင်းရွာသို့ ရောက်ရှိနေပြီး ညောင်ရင်းကျေးရွာအား လေးနေရာခွဲကာ မီးရှို့နေကြောင်းလည်း ဒေသခံများက ပြောသည်။

“အင်အား ၁၆၀ကျော်ရှိပါတယ်။ပြည်သူတွေလည်း ထွက်ပြေးနေရတယ်။”ဟု BLY ပြောက်ကျားတပ်ဖွဲ့က ပြောသည်။

စစ်ကောင်စီတပ်သည် ပြီးခဲ့သည့် နိုဝင်ဘာလ ၂၃ ရက်ကလည်း ပေါက်မြို့နယ်စသိန်းရွာအား မီးရှို့ဖျက်ဆီးခဲ့ရာ အိမ်ခြေ ၂၄၁လုံးမီးလောင်ပျက်စီးခဲ့ပြီး ဒေသတွင်းအဖွဲ့များနှင့်လည်း တိုက်ပွဲဖြစ် ပွားခဲ့သေးသည်။

ဆက်စပ်သတင်းများ

သတင်း

မကွေးတိုင်း၊ ပေါက်မြို့နယ်တောင်ပိုင်းက ကျေးရွာတွေကို အာဏာသိမ်းစစ်တပ်က အသေခံဒရုန်းတွေ အပါအ၀င်လက်နက်ကြီးနဲ့ နေ့စဉ် တိုက်ခိုက်နေတာကြောင့် ဒေသခံထောင်နဲ့ချီ ဘေးလွတ်ရာတိမ်းရှောင်နေရတယ်လို့ ပေါက်မြို့နယ်လူသားစာနာဌာနက ဒီကနေ့ ထုတ်ပြန်ပါတယ်။

သတင်း

ရှေ့တန်းလွှတ်မယ့် စစ်ကောင်စီတပ်ဖွဲ့ဝင်တွေကို စစ်အုပ်စုရဲ့ တာဝန်ရှိသူတဦးက စစ်မြေပြင်မှာ သေနတ်နဲ့ ပစ်ခံရမှာကို ကြောက်စရာ မလိုဘဲ၊ ကျည်ဆန်မှာ အမည် ပါပြီးသားမို့ ကိုယ့်အမည် မပါရင် မသေဘူးလို့ ပြောကာ အန္တရာယ်ကင်း အဆောင်လက်ဖွဲ့တွေပေးရှေ့တန်းထွက်ခိုင်းပါတယ်။

သတင်း

အပြည်ပြည်ဆိုင်ရာတရားရုံး(ICJ)မှ ချမှတ်ရန်ရှိတဲ့ စီရင်ချက်နဲ့ စစ်အုပ်စု ကာလရှည်ကြာ အကျိုးခံစားနေတဲ့ ပြစ်ဒဏ်ကင်းလွတ်ခွင့်ကို အဆုံးသတ်နိုင်ဖို့ အားထားမျှော်မှန်းလျက်ရှိကြောင်း ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက ပြောကြားခဲ့ပါတယ်။

သတင်း

နိုင်ငံတကာပါလီမန်က CRPHကို ဆက်အသိအမှတ်ပြုတာ၊ ကုလမှာ စစ်အုပ်စုကိုယ်စားပြုခွင့်မရတာ၊ အာဆီယံ ထိပ်သီးအစည်းအဝေး တက်ခွင့်မရတာတွေနဲ့ စစ်အုပ်စုလိုချင်တဲ့ အသိအမှတ်ပြုမှု ရ၊မရ တိုင်းတာနိုင်ဟုဆို

Facebook