'/%3E%3C/svg%3E){kind=small}
ကယားပြည်နယ် ဒီးမော့ဆိုမြို့နယ် ကုန်းသာကျေးရွာနှင့် ကျောက်ဆည်ကန် လယ်စိုက်ကွင်းတို့တွင် ထိုးစစ်ဆင်လာသော အကြမ်းဖက်စစ်ကောင်စီတပ်ကို ကရင်နီလက်နက်ကိုင်ပူးပေါင်းတပ်ဖွဲ့က ခုခံတိုက်ခိုက်ခဲ့၍ ယနေ့ တိုက်ပွဲဆက်လက်ဖြစ်ပွားခဲ့ကြောင်း ကရင်နီအမျိုးသားကာကွယ်ရေး တပ်ဖွဲ့ (KNDF) က သတင်းထုတ်ပြန်သည်။
စက်တင်ဘာ ၂၆ရက် နံနက်ပိုင်းတွင် အကြမ်းဖက်စစ်ကောင်စီတပ်ဖက်မှ လက်နက်ကြီးများဖြင့် စတင်ပစ်ခတ်ခဲ့ပြီး နေ့လည်ပိုင်းနှင့် ညနေပိုင်းတို့တွင် နှစ်ဖက်အပြန်အလှန်ပစ်ခတ်မှုတိုက်ပွဲ ပြင်းထန်ခဲ့သည်ဟု ဆိုသည်။
တိုက်ပွဲအတွင်း အကြမ်းဖက်စစ်ကောင်စီတပ်မှ ထိ ခိုက်မှုများပြားခဲ့သဖြင့်၊ တိုက်ပွဲဖြစ်ပွားရာ ကျောက်ဆည်ကန်ဖက်သို့ ညနေပိုင်းတွင် စစ်အင်အားများထပ်မံဖြည့်တင်းမှုများပြုလုပ်ခဲ့သော်လည်း တပ်များဖရိုဖရဲဖြစ်ကာ ကုန်းသာကျေးရွာမှ ဆုတ်ခွာသွားကြောင်း၊ ယခုတိုက်ပွဲအတွင်း အကြမ်းဖက်စစ်ကောင်စီတပ်ဖက်မှ အများအပြားထိခိုက်ကျဆုံးခဲ့ကြောင်း KNDFက ထုတ်ပြန်သည်။
သို့ရာတွင်စစ်ကောင်စီတပ်၏ သေဆုံးမှုအရေ အ တွက်ကို အတည်ပြုနိုင်ခြင်းမရှိသေးကြောင်း၊ တိုက်ပွဲအတွင်း ကရင်နီလက်နက်ကိုင်ပူးပေါင်းတပ်ဖွဲ့မှ ရဲဘော်အချို့ အသေးစားထိခိုက်မှု အနည်းငယ်ရှိခဲ့ကြောင်း ဖော်ပြသည်။ ယမန်နေ့ (စက်တင်ဘာ ၂၅ရက်)တိုက်ပွဲ၌လည်း စစ်ကောင်စီတပ်က ၁၀ဦးသေဆုံးခဲ့ပြီး ကရင်နီပူးပေါင်းတပ်ဖွဲ့မှ တစ်ဦးကျဆုံးခဲ့သည်။
Public Service Announcement
စစ်ကောင်စီတပ်က ထိုးစစ်ဆင်လာ၍ ကရင်နီတပ်မ တော်(KA)၊ KNDFနှင့် ဒေသပြည်သူ့ကာကွယ်ရေးတပ်ဖွဲ့(PDF) များက ခုခံတိုက်ခိုက်ခဲ့ရာ ယခု စက်တင်ဘာအတွင်း ဒီးမော့ဆိုမြို့နယ်၌ တိုက်ပွဲများ ဆက်တိုက်ဖြစ်ခဲ့သည်။
