“မီး​တွေ ဆိုးဆိုးဝါးပြတ်​နေခြင်း​နောက်ကွယ်…”

ရန်ကုန်မြို့ရှိ ဈေးဝယ်စင်တာ ၊ ဟိုတယ်၊ နေအိမ် ၊စက်ရုံ၊အလုပ်ရုံ ခေါင်မိုးများတွင် တပ်ဆင်ထား​သောအသေးစား ဆိုလာစနစ်မှ ထွက်​သော ပိုလျှံဓာတ်အားကို ၁၀၀ ကီလိုဝပ်မှ ၁ မဂ္ဂါဝပ် အထိ ၈၅ ကျပ်နှုန်း ၊ ၁ မဂ္ဂါဝပ်မှ ၁၀ မဂ္ဂါဝပ်အထိ ၈၀ ကျပ်နှုန်းဝယ်မည်ဟု စစ်​ကောင်စီ၏ ရန်ကုန်လျှပ်စစ်ဓာတ်အားပေး ကော်ပိုရေးရှင်း (YESC)က ဧပြီ ၂၁ ရက်တွင်ထုတ်ပြန်ခဲ့ခြင်းဖြစ်သည်။ပြည်သူများအတွက် ပျက်လုံးတစ်ခုဖြစ်ခဲ့ပြီး YESC ​ဖေစ်ဘွခ်​ပေချ်တွင် ​ပေါက်ကွဲမှုပြင်းထန်​သောမှတ်ချက်များစွာ​ပေးပြီး​နောက် နာရီပိုင်းအကြာတွင် ပိုစ်ပြန်ဖြုတ်သွားသည်။

“ဒီ​နွေမှာ မီးကိုမ​မျှော်​တော့နဲ့ စစ်အုပ်စုကပြန်​တောင်ဝယ်ချင်​နေတာလို့ မျက်နှာ​ပြောင်​ပြောင်နဲ့ သတင်းစကား​ပေးချင်တာထင်တယ်”ဟု ရန်ကုန်မြို့က ပြည်သူတစ်ဦးကလည်းမှတ်ချက်ပြုသည်။

စစ်​ကောင်စီသည် ဓါတ်အားကိုသာ မှန်​အောင်မ​ပေးနိုင်​သောလည်း​ကြေညာချက်ထုတ်ခြင်း၊ ညွန်ကြားချက်ထုတ်ခြင်းကိုမူ အလျှံပယ်ထုတ်​နေသည်။ ဓါတ်အားဝယ်လိုသည် ​ကြေညာပြီး ၂ ရက်အကြာတွင် စီးပွား​ရေးလုပ်ငန်း ၊ စက်မှုလက်မှုလုပ်ငန်းများမှာ ည​နေ ၅ နာရီမှ မနက် ၅ နာရီအတွင်းဓါတ်အားမသုံးရဟုဆိုပြန်သည်။ဖောက်ဖျက်ကျူးလွန်သည်ကို စစ်ဆေးတွေ့ရှိပါက အုပ်ချုပ်မှုနည်းလမ်းအရ အရေးယူ ဆောင်ရွက်သွားမည်ဟုစစ်ကောင်စီ၏ YESCကဧပြီ ၂၃ ရက်တွင် ခြိမ်းခြောက်ပြန်သည်။

“အခုချိန်မှာ မီးပြတ်တာအပြင် ဒီဇယ်ဝယ်ရတာလည်း အရမ်းခက်တဲ့ အချိန်ဖြစ်နေတယ်။ ဒီလို လုပ်ရပ်ကြောင့် လုပ်ငန်းတွေရပ်နားဖို့ပဲကျန်တော့တယ်”ဟု ဖိနပ်ချုပ်လုပ်ငန်းဆောင်ရွက်နေသည့် လုပ်ငန်းရှင်တစ်ဦးကညီးတွားသည်။

စစ်တပ်အာဏာသိမ်းမှုကြောင့် နောက်ဆက်တွဲဆိုးကျိုး​ပေါင်းများစွာတွင်လျှပ်စစ်မီးပြတ်တောက်မှုလည်းတစ်ခုအပါအဝင်ဖြစ်သည်။ သို့​သော်အာဏာသိမ်းစစ်ကောင်စီက လျှပ်စစ်မီးပြတ်တောက်မှုကို ၎င်းတို့ ​ကြောင့်ဟုဝန်မခံဘဲ​တော်လှန်​ရေးအင်အားစုများကို လွှဲချ​လေ့ရှိသည်။

ဧပြီ ၁ ရက်တွင်စစ်ကောင်စီက လျှပ်စစ်မီးပြတ်တောက်ရခြင်း အကြောင်း ၃ ခုကို ထုတ်ပြန်ခဲ့သည်။နွေရာသီရောက်လာသဖြင့် ရေအားလျှပ်စစ်စက်ရုံများ လျှပ်စစ်ဓာတ်အားထုတ်လုပ်နိုင်မှု လျော့ကျခြင်း၊ မဟာဓာတ်အားလိုင်းများကို​တော်လှန်​ရေးအင်အားစုများ(မူရင်းတွင် အကြမ်းသမားများဟုသုံးနှုန်းထား) အကြိမ်ကြိမ် ဖောက်ခွဲဖျက်ဆီးခံရခြင်းနှင့် ရန်ကုန်မြို့တွင် လျှပ်စစ်သုံးစွဲမှု ၂၅၀ မဂ္ဂါဝပ် တိုးလာခြင်းတို့ကြောင့်ဖြစ်သည်ဟုအ​ကြောင်းပြထားသည်။

သို့​သော်စစ်အုပ်စုကပြည်သူများအတွက်​ဒေါ်လာအကုန်မခံလိုဘဲ စစ်လက်နက်များဝယ်ယူရန်သာ​​ဒေါ်လာလိုချင်လွန်း​​သော စစ်အုပ်စုက ရပ်နားလိုက်​သေဓာတ်ငွေ့စီမံကိန်းများ၊ ရတနာကမ်းလွန်လုပ်ကွက်မှ ဓါတ်​ငွေ့များကို ​ရွေး​ကောက်ခံအစိုးရလက်ထက်ကကဲ့သို့ ပြည်တွင်းအတွက်မသုံးဘဲ အကုန်​ရောင်းစားလိုက်သည်ကိုမူ တစ်လုံးမျှမ​ဖော်ပြ​ပေ။

▪︎သိသူနည်းပါး​​သောဓါတ်အားထုတ်လုပ်မှု ၄၅ ရာခိုင်နှုန်း​ဝန်းကျင်လျော့ကျခြင်း

မြန်မာနိုင်ငံတွင် လျှပ်စစ်ဓာတ်အားထုတ်လုပ်မှုကို ရေအားလျှပ်စစ်မှ ၄၀ ရာခိုင်နှုန်း၊ နေရောင်ခြည်သုံး ဓာတ်အားပေးစက်ရုံများမှ ၁၄ ရာခိုင်နှုန်း၊ ပြည်တွင်းထုတ် သဘာဝဓာတ်ငွေ့မှ ၃၄ ရာခိုင်နှုန်းနှင့် LNG (သဘာဝဓာတ်ငွေ့)မှ၁၁ ရာခိုင်နှုန်း ထုတ်လုပ်နေခြင်းဖြစ်သည်ဟု ​ရွေး​ကောက်ခံအရပ်သားအစိုးရက ၂၀၂၁ ဇန်နဝါရီ ၁၅ ရက်တွင်စနစ်တကျ ထုတ်ပြန်ခဲ့သည်။

စစ်တပ်အာဏာသိမ်းပြီးနောက်တွင်စစ်တပ်က လက်နက်များဝယ်ယူရန်​ငွေတိုးသုံး​သော်လည်းပြည်သူများကိုမီး​ပေးရန်အတွက်မူ ​ဒေါ်လာမသုံးလိုသဖြင့် LNGစီမံကိန်းများ ရပ်နား​စေခဲ့သည်။ထိုအပြင်ပြည်တွင်းထုတ်သဘာဝဓာတ်ငွေ့များကို ပြည်တွင်း၌ မဖြန့်​ဝေဘဲ ပြည်ပသို့ထွက်သမျှအကုန်ရောင်းခဲ့ခြင်းကြောင့် နိုင်ငံအတွင်း လျှပ်စစ်ထုတ်လုပ်မှုသည် စုစုပေါင်း ၄၅ ရာခိုင်နှုန်းလျော့ကျသွား​ကြောင်းစွမ်းအင်ကျွမ်းကျင်သူများက​ပြောသည်။

မြင်သာ​လွန်းသောဆုတ်ယုတ်မှုမှာ မဂ္ဂါဝပ် ၇၅၀ ကျော်ထုတ်လုပ်နိုင်သည့်LNGဓာတ်ငွေ့ရည်မှ ဓါတ်အားထုတ်လုပ်နေသည့် စက်ရုံနှစ်ရုံအတွက် ​ငွေမသုံး​တော့ဘဲ ရပ်နားခဲ့ခြင်းပင်။ထို​ကြောင့်ဟောင်ကောင်အခြေစိုက် CNTIC V Powerအုပ်စုပိုင် LNG သင်္ဘောကြီးသည် မတ်လတွင်မြန်မာနိုင်ငံမှ အပြီးတိုင်ထွက်ခွာသွား​လေသည်။

▪︎သဘာဝဓါတ်​ငွေ့မှ ဓါတ်အားမရချိန် ​ရေအားလျှပ်စစ် ထုတ်လုပ်မှု​လျော့ကျသွားခြင်း

နွေရာသီတွင်ရေအားလျှပ်စစ်များထုတ်လုပ်မှုလျော့နည်းခြင်းမှာ နှစ်စဉ်ဖြစ်သော်လည်းစစ်ကောင်စီကကြိုတင်ပြင်ဆင်ခဲ့ခြင်းလုံးဝမရှိဟု စွမ်းအင်ပညာရှင်များက​ထောက်ပြသည်။ ယခုနှစ်ကဲ့သို့ပူပြင်း​ခြောက်​သွေ့​​ရေနည်းသောနှစ်တွင် ​ရေအားမှ ဓါတ်အားထုတ်လုပ်မှု​များစွာလျော့နည်းသည် ဖြစ်ရိုးဖြစ်စဥ်ဖြစ်သည်။ ပြသာနာမှာကြိုတင်ပြင်ဆင်ခြင်းမရှိ၍ ​ သဘာဝဓါတ်​ငွေ့မှဓါတ်အားထုတ်လုပ်မှုများစွာ​​လျော့နည်းသွားချိန်တွင် ​ရေအားလျှပ်စစ်ပါနည်းပါးသွား​သောအခါ တစ်နိုင်ငံလုံး မီးပိတ်သပိတ်ဆင်နွှဲ​နေသကဲ့သို့ ​မှောင်အတိကျသွားခြင်းဖြစ်သည်။

စစ်တပ်က အာဏာမသိမ်းခင်က တနိုင်ငံလုံးအတွက်လျှပ်စစ်ဓာတ်အားကို မဂ္ဂါဝပ် ၃၆၀၀ ကျော် နေ့စဉ်ထုတ်လုပ်ခဲ့သည်။ သို့သော်လည်း စစ်တပ်အာဏာသိမ်းပြီး တနှစ်အကြာတွင် မဂ္ဂါဝပ် ၂၁၀၀ ခန်သာထုတ်လုပ်ကြောင်း စစ်ကောင်စီ လျှပ်စစ်စွမ်းအားဝန်ကြီးဌာနက ထုတ်ပြန်ခဲ့သည်။

ပြည်သူများ၏ဝေဖန်ထောက်ပြမှုများကြောင့် စစ်အုပ်စုကဓာတ်အား ထုတ်လုပ်သည့် ပမာဏကို ၂၀၂၂ ခုနှစ်ဇန်နဝါရီလပိုင်းနောက်ပိုင်း ထုတ်ပြန်ခြင်းမရှိတော့ပေ။

ထိုအပြင်မီးကို​ပေးနိုင်သည့်ပမာဏထက်ပင်​​လျော့​ပေး၍ ပြည်သူများ မီးပျက်မှု​နောက်ဆက်တွဲလူမှု​ရေး ၊ကျန်းမာ​ရေး၊စီးပွား​ရေးစ​သော ပြသာနာများကြုံရပြီး​​​တော်လှန်​ရေးအတွက်အာရုံမရာက်​အောင်လုပ်ခြင်းဟု ပြည်သူအချို့က​သုံးသပ်သည်။

သို့​​သော် တစ်ဖက်တွင်PDF များ၊​တော်လှန်​ရေးအင်အားစုများ​က ဓါတ်အားလိုင်းများ ၊ ဓါတ်အားခွဲရုံအချို့ကို မိုင်းခွဲ၍ မီးပြတ်ရပါသာ်ဆို​​သောသတင်းများကို စစ်ကာင်စီ ဝါဒဖြန့် မီဒီယာများမှထုတ်ပြန်၍ ပြည်သူနှင့်​တော်လှန်​ရေးအင်အားစုများကို​သွေးခွဲရန်ကြိုးပမ်း​နေခြင်းဖြစ်​ကြောင်း ပြည်သူအချို့က​ပြောသည်။

ဥပမာတစ်ခုမှာ ပဲခူးတိုင်း၊ကျောက်တံခါးမြို့နယ်ရှိ သာယာကုန်းပင်မဓာတ်အားခွဲကို ကာကွယ်ရေးတပ်များက ဧပြီ ၄ ရက်က ဒရုန်းဖြင့် ဗုံး ၁၀လုံးချ တိုက်ခိုက်ခဲ့သဖြင့် တနိုင်ငံလုံး လျှပ်စစ်မီးပြတ်တောက်ခဲ့ရသည်ဟု စစ်ကောင်စီက ထုတ်ပြန်ခဲ့သည်။သာယာကုန်းဓာတ်အားခွဲရုံ ချို့ယွင်းမှုကြောင့် နိုင်ငံမြောက်ပိုင်းနှင့် အလယ်ပိုင်းအပါအဝင် နိုင်ငံတောင်ပိုင်းကို ဓာတ်အားဖြန့်ဖြူးနိုင်ခြင်းမရှိကြောင်း စစ်ကောင်စီကဝါဒဖြန့်ခဲ့သည်။

စစ်ကောင်စီ၏ ထိုအကြောင်းပြချက်ကို စွမ်းအင်ပညာရှင်များက မဖြစ်နိုင်သည့် အကြောင်းပြချက်ဟုသုံးသပ်သည်။ အဘယ်ကြောင့်ဆိုသော် ဓာတ်အားခွဲရုံတစ်ခုချို့ယွင်းချက်မှာ နိုင်ငံအနှံဓာတ်အားပေးစနစ်တလုံးကို မထိခိုက်နိုင်ခြင်းကြောင့်ဖြစ်သည်ဟုစွမ်းအင်ပညာရှင်တစ်ဦးကရှင်းပြသည်။

ဓါတ်အားလိုင်းများ၊​ဓါတ်အားခွဲရုံများအမှန်တစ်ကယ် တိုက်ခိုက်ခံရပါကလည်း အဆိုပါလိုင်း ၊ အဆိုပါဓါတ်အားခွဲရုံနှင့်ဆက်စပ်​သော​​ဒေသများတွင်သာ မပြုပြင်ရ​သေးခင် မီးပြတ်​တောက်မည်ဖြစ်ပြီး ယခုကဲသို့နိုင်ငံလုံးချီ မီးပြတ်​တောက်မှုနှင့် မသက်ဆိုင်​ကြောင်း၎င်းကဆက်​ပြောသည်။

ထိုအပြင် စွမ်းအင်ဆိုင်ရာပညာရှင် တစ်ဦးကလည်း“နွေရာသီမှ လျှပ်စစ်မီးပိုလိုအပ်တော့မယ်ဆိုတာ သိရဲ့သားနဲ့ ကြိုတင်မပြင်ဆင်ခဲ့တာ။ သူတို့မှာ ပြည်သူအပေါ် စေတနာမရှိတာ သိသာပါတယ်။ တာဝါတိုင်တွေ မိုင်းမခွဲခံရလည်း သူတို့က လျှပ်စစ်မီးမပေးနိုင်တာ သေချာတယ်”ဟုပြောသည်။

အမျိုးသားညီညွတ်ရေးအစိုးရ(NUG) စီမံကိန်း၊ ဘဏ္ဍာရေးနှင့် ရင်းနှီးမြှပ်နှံမှု ဝန်ကြီးဌာနကလည်း စစ်အုပ်စုသည် ပြည်သူများအတွက် နိုင်ငံခြားငွေအသုံးပြု၍ ဆောင်ရွက်ရန် စေတနာရှိမကြောင်းနှင့် နိုင်ငံခြားငွေများကို လက်နက်အတွက်သာအသုံးပြုလိမ့်မည်ဟုမှတ်ချက်ပေးထားသည်။

ရန်ကုန်တွင်ညအချိန်တွင် လူ​နေရပ်ကွက်များကို မီးဖြတ်ပြီး ပြည်သူမရှိဘဲစစ်​ကောင်စီတပ်ဖွဲ့ဝင်များသာ ရှိ​သောလမ်းများကိုသာမီးထိန်းထိန်းလင်း​အောင်းမီး​ပေး​နေခြင်းမှာ စစ်အုပ်စုက မီးကိုတမင်ဖြတ်​နေ​ကြောင်း မြင်သာ​စေသည်။

▪︎မီး​ပေရန်​ငွေမသုံး​သော်လည်းစစ်စာရိတ်စံချိန်တင်တိုးသုံး

လက်​တွေ့တွင်လည်း စစ်အုပ်စုသည် ​နေစဥ် နိုင်ငံတစ်ဝန်းပြည်သူများကို သတ်ဖြတ်​နေ​သောလက်နက်အတွက်သာ​ငွေပိုသုံးလာသည်။ ​ရွေး​ကောက်ခံအရပ်သားအစိုးရသည် စစ်တပ်အာဏာမသိမ်းခင် ၂၀၂၀-၂၁ ဘဏ္ဍာရေးနှစ် ကာကွယ်ရေးစရိတ်ကို ကျပ် ဘီလီယံ ၃၄၁၄ အသုံးပြုခဲ့ပြီး လျှပ်စစ်နှင့်စွမ်းအင်ကဏ္ဍအတွက် ကျပ်ငွေ ဘီလီယံ ၇၈၇၀ အထိ့အသုံးပြုခဲ့သည်။ စစ်အုပ်စုက ၂၀၂၃-၂၀၂၄ ဘဏ္ဍာနှစ် တွင်ကာကွယ်ရေးစရိတ်ကို ကျပ် ဘီလီယံ ၅၆၀၀ အထိ တိုးမြှင့်သုံးမည်ဟုထုတ်ပြန်ထားသည်။

အာဏာသိမ်း​ခေါင်း​ဆောင်က နြူကလီးယား လျှပ်စစ်၊နေရောင်ခြည်သုံးလျှပ်စစ်၊ လေအားလျှပ်စစ်၊ ကျောက်မီးသွေးသုံးလျှပ်စစ်စသည့်စီမံကိန်းများစသဖြင့်မျိုးစုံ​အောင်​ပြော၍ ပါးစပ်ဖြင့် ဓါတ်အားထုတ်​နေ​သော်လည်း အမြဲ မီးမှန်​နေ​သော ​နေပြည်​တော်မှာပင် အလှည့်ကျ​မီးပြတ်​နေပြီဖြစ်၏ ။

“စွမ်းအင်စီမံကိန်းဆိုတခုဆိုတာဖြစ်လာဖို့အချိန်ယူလေ့လာရတယ်။ ကမ္ဘာ့ဈေးကွက်၊ ပြည်တွင်းသုံးနိုင်စွမ်းအားကို ချင့်ချိန်ရတာ။ အခုက သူတို့က လေကြီးနေတာ လက်တွေ့ဖြစ်လာဖို့က သူတို့မှာ ငွေကြေးအရင်းအမြစ်ကော၊ လူစွမ်းအား အရင်းအမြစ်ကော အလွန်ရှားနေပါတယ်”ဟု စွမ်းအင်လုပ်ငန်းဆိုင်ရာအကြံပေးတစ်ဦးကပြောသည်။

လျှပ်စစ်မီးပျက်တောက်ခြင်းကြောင့် ​ကျေးလက်​နေပြည်သူများထက် မြို့ပြနေလူတန်းစားမှာအထိခိုက်ဆုံးဖြစ်လာသည်။ ​

“သာမန်လူနေမှုပုံစံမဟုတ်တော့ဘူး။ မီးလာတဲ့အချိန်မှ ရေတင်၊ ဖုန်းအားသွင်းတာတွေကို အချိန်ယူလုပ်ရတော့ပုံမှန်လုပ်နေရတဲ့အလုပ်တွေ မလုပ်ရတော့ဘူး။ ချက်ပြုတ်ရမယ့် အချိန်လည်း မချက်ရဘူး။ ”ဟု သာကေတမြို့နယ်မှပြည်သူတစ်ဦးကလည်းအ​တွေ့အကြုံကိုပြောသည်။

ပူးပြင်းလှ​သော​နွေရာသီတွင် မီးကပြတ်လွန်းသဖြင့် က​လေးငယ်များ ၊သက်ကြီးရွယ်အိုများ ၊မကျန်းမာသူများမှာ မီးပြတ်မှု​ဒုက္ခပိုခံစားကြရသည်။ မီးပြတ်သဖြင့်​ကောင်းစွာမအိပ်နိုင်ဘဲ အပူရှပ်ခြင်း ၊အိပ်​ရေးပျက်ခြင်းတို့မှ မကျန်းမာသူများလာသည်။ တချို့က​လေးငယ်များမှာ မီးပြတ်ချိန်ပူလွန်းသဖြင့် မအိပ်နိုင်၍ ကားရှိ​သောမိဘအချို့မှာ ကားစက်နှိူး၍ က​လေးသိပ်​နေရ​ကြောင်းလည်းရန်ကုန်မြို့မှပြည်သူအချို့က​ပြောသည်။မီးပြတ်ချိန်မီးစက်နှိူးရပါကလည်း စက်သုံးဆီ​ဈေးကြီးလှသဖြင့် ကုန်ကျစာရိတ်များလွန်းသဖြင့် တက်နိုင်သူနည်းလှ​​​ကြောင်းလည်းပြည်သူများ​ပြောသည်။

▪︎မီးပြတ်ခြင်းမှာလည်း နိုင်ငံ​ရေးပြသာနာဖြစ်

ပြည်သူအားလုံးကြုံတွေ့နေရသည့် လျှပ်စစ်မီးပြဿနာဖြေရှင်းရန် တော်လှန်ရေးတွင်ပါဝင်မှသာဖြေရှင်းနိုင်မည်ဖြစ်​ကြောင်းဆန္ဒပြ​ခေါင်း​ဆောင်အချို့က​ပြောသည်။

“အခုချိန်မှာ အနီပဲဖြစ်ဖြစ် အစိမ်းပဲဖြစ်ဖြစ်၊ မဘသပဲဖြစ်ဖြစ် အကြမ်းဖက်စစ်တပ်ကိုထောက် ခံတဲ့ လူတွေပဲဖြစ်ဖြစ် အားလုံးအတူတူခံနေရတာကတော့ လူထုတစ်ရပ်လုံးရဲ့ အခြေခံလိုအပ်ချက် ဖြစ်တဲ့ လျှပ်စစ်မီးဖြစ်ပါတယ်။တစ်ချို့မြို့တွေဆို ၂၄ နာရီမှာ ၁နာရီပဲလာကြတယ်။ အဲဒီတော့ အဓမ္မမှုကို ထောက်ခံခံ၊ မထောက်ခံခံအားလုံးတူညီတဲ့ အဖြေတစ်ခုရတယ်။ အဲဒါက ဆိုးကျိုးပဲ။အဲဒီ ဆိုးကျိုးတွေကို တိုက်ထုတ်နိုင်ဖို့ လျှပ်စစ်မီးမှန်မှန်ရဖို့က တော်လှန်ရေးမှာပါဝင်ဖို့ဆိုတဲ့ အဖြေတစ်ခုပဲဖြစ်တယ်”ဟုရေဘဝဲ ပြည်သူ့အကျိုးပြုလူငယ်အဖွဲ့အစည်းဥက္ကဌကပြတ်သားစွာပြောသည်။

စွမ်းအင်ပညာရှင်များကလည်း မြန်မာနိုင်ငံ၏ လျှပ်စစ်မီးပြတ်တောက်ရခြင်းသည့် စွမ်းအင်ပြသနာမဟုတ်ဘဲ နည်းပညာအရ စွမ်းအင်ပညာရှင်များ အဖြေရှာ၍ ရမည်မဟုတ်ကြောင်း၊ စစ်တပ်အာဏာသိမ်းမှုပြီးနောက် နိုင်ငံရေးအကျပ်အတည်းကြောင့် ဖြစ်လာသည့် ပြသနာဖြစ်သည်ဟု သုံးသပ်ကြသည်။

“ဒီနိုင်ငံမှာ စွမ်းအင် မလုံခြုံမှုပြသနာဖြစ်နေတာ။ ဒါကနိုင်ငံရေးကြောင့်ဖြစ်လာတာ။ လျှပ်စစ်မီးပုံမှန်ရဖို့ဆိုတာ စစ်တပ်အာဏာသိမ်းတာ အဆုံးသတ်မှပဲရမယ်”ဟု စွမ်းအင်ပညာရှင်တစ်ဦးမှတ်ချက်ပေးပါသည်။ ။