သာ​ကေတတွင် နှစ်ညဆက်ပေါက်ကွဲမှုဖြစ်

ရန်ကုန်မြို့ ၊သာ​ကေတ မြို့နယ်တွင် ယ​နေ့ည ၉ နာရီ ၁၀ မီနစ် ဝန်းကျင်တွင် ​အသံကျယ်​လောင်​သောပေါက်ကွဲမှုဖြစ်ပွားပြီး အနီးဝန်းကျင်ရှိ မြို့နယ်များကပါ ကြားရ​ကြောင်း ​ဒေသခံများက​ ပြောသည်။

သာ​ကေတမြို့နယ်တွင် ဇွန် ၂၇ ရက်ညကလည်း ​ပေါက်ကွဲမှုဖြစ်ပွားပြီး နှစ်ညဆက်​ပေါက်ကွဲခဲ့ခြင်းဖြစ်ကာ ယ​နေ့ညပေါက်ကွဲသံမှာပိုမိုကျယ်​လောင်​ကြောင်း​ဒေသခံများက​ပြောသည်။

သာ​ကေတ ၊​ ​ဒေါပုံ ၊စမ်ချောင်း ၊တာ​မွေ၊ ​တောင်ဒဂုံ ၊သံလျင်၊​တောင်ဥက္ကလာပ ၊​မြောက်ဥက္ကလာပ စ​သော မြို့နယ်များက​ပါ ​ပေါက်ကွဲသံကို ကြားရ​ကြောင်း ​ဒေသခံများက​ပြောသည်။

ဗုံး​ပေါက်ကွဲခြင်းဟု အသံကြားရသူများက ​ပြောဆို​နေကြပြီး ၊ သာ​ကေတ အမှတ်(၁) ရဲစခန်းအနီး ( သို့မဟုတ် ) မာန်​ပြေ အမှတ် (၃)အထက ​ကျောင်းအနီး ​ပေါက်ကွဲခြင်းဖြစ်​ကြောင်း ​ဒေသခံအချို့က ခန့်မှန်း​ပြောဆို​နေကြသည်။

Public Service Announcement

သို့​သော်ပေါက်ကွဲမှု ဖြစ်ပွား​သော​နေရာ ၊​ပေါက်ကွဲမှု​ကြောင့် ထိခိုက်ဒဏ်ရာရရှိမှု ရှိ ၊မရှိ စ​သည့်အ​သေးစိတ်အချက်အလက် များကို People’s Spring က သီးခြားအတည်ပြုချက်မရရှိ​သေး​ပါ။ ဇွန် ၂၇ ရက် ညကလည်း သာ​ကေတမြို့နယ် ဇိနမာန်​အောင်​စေတီအနီး ​​ပေါက်ကွဲမှုဖြစ်ပွားခဲ့​သေးသည်။