Connect with us

Hi, what are you looking for?

LuduNwayOo

News

အင်းစိန်ထောင်၌ ကိုဗစ်ကူးစက်ခံရသည့် ဒီချုပ်ပါတီဗဟိုအလုပ်အမှုဆောင်ဦးဉာဏ်ဝင်း ကွယ်လွန်

ဦးဉာဏ်ဝင်းအပြင် NLD ဗဟိုအလုပ်အမှုဆောင်အဖွဲ့ဝင်များဖြစ်သည့် ဦးဟံသာမြင့်နှင့် ရန်ကုန်တိုင်းဝန်ကြီးချုပ် ဦးဖြိုးမင်းသိန်းတို့သည်လည်း ကိုဗစ်​ရောဂါကူးစက်ခံထားရသည်။

ရန်ကုန်မြို့ အင်းစိန်ထောင်၌ ဖမ်းဆီးထိန်းသိမ်းခံထားရစဥ် ကိုဗစ်​​ရောဂါကူးစက်ကူးစက်ခံရ​သော ဒီချုပ်ပါတီ ဗဟိုအလုပ်အမှုဆောင် ဦးဉာဏ်ဝင်းသည် ယနေ့ (ဇူလိုင် ၂၀ ရက်) နံနက် ၉ နာရီ ၁၅ မိနစ်ခန့်က ရန်ကုန်ပြည်သူ့ဆေးရုံကြီးတွင် ကွယ်လွန်သွားကြောင်း ဒီချုပ်ပါတီဝင်များက အတည်ပြုသည်။

ကွယ်လွန်ချိန်တွင် အသက် (၇၉) နှစ်ရှိပြီဖြစ်ပြီး ဆီးချိုနှင့် သွေးဝမ်းသွားရောဂါ အခံရှိသည့် ဦးဉာဏ်ဝင်းမှာ ကိုဗစ်​ရောဂါကူးစက်ခံရသည့်အတွက် ဇူလိုင် ၁၁ ရက်တွင် အင်းစိန်ထောင်မှ ရန်ကုန်ပြည်သူ့ဆေးရုံကြီးသို့ လွှဲပြောင်းကုသနေရခြင်း ဖြစ်သည်။

ဦးဉာဏ်ဝင်းသေဆုံးခဲ့သည့် ဖြစ်ရပ်သည် မတရားချုပ်နှောင်ထားခံထားရသည့် အကျဉ်းသားများအတွက် များစွာ စိုးရိမ်စရာဖြစ်နေသည်ကို ပြသခြင်းဖြစ်ကြောင်း ဒီချုပ်ပါတီ အမတ်တစ်ဦးက ပြောသည်။

“အခုလက်ရှိ မြင်တွေ့ရတဲ့အတိုင်းပဲလေ တစ်ယောက်ဆုံးသွားပြီ။ ပါတီရဲ့ ခေါင်းဆောင် CEC အဖွဲ့ဝင်တစ်ယောက် ဆုံးပါးသွားတာ။ ဒါတွေက အချုပ်အနှောင်ခံထားရလို့ ဖမ်းဆီးထိမ်းသိမ်းထားလို့ မဖြစ်သင့်ဘဲ ဖြစ်သွားတာ။ ကိုယ့်အိမ်မှာ ကိုယ်နေမယ်ဆိုရင် ဒီဥစ္စာ ကြိုတင်ကာကွယ်တာတို့ ကုသာတာတို့ ဆောင်ရွက်နိုင်မှာ” ဟု ၎င်းက ပြောသည်။

ဦးဉာဏ်ဝင်းအပြင် NLD ဗဟိုအလုပ်အမှုဆောင်အဖွဲ့ဝင်များဖြစ်သည့် ဦးဟံသာမြင့်နှင့် ရန်ကုန်တိုင်းဝန်ကြီးချုပ် ဦးဖြိုးမင်းသိန်းတို့သည်လည်း ကိုဗစ်​ရောဂါကူးစက်ခံထားရသည်။

ဖေဖော်ဝါရီ ၁ ရက်တွင် စစ်တပ်က အာဏာသိမ်းပြီးနောက်ဒီချုပ် ပါတီခေါင်းဆောင်များနှင့်ပါတီဝင်များအား ဖမ်းဆီးထိန်းသိမ်းခဲ့ပြီး တရားစွဲဆိုမှုများ ပြုလုပ်ရာ ဦးဉာဏ်ဝင်းကိုလည်း ပုဒ်မ ၅၀၅(ခ)ဖြင့် အာဏာသိမ်းစစ်တပ်က တရားစွဲဆိုထားသည်။

You May Also Like

သတင်း

စစ်ကောင်စီအာဏာသိမ်းပြီးနောက် ပြည်သူ့လွှတ်တော်၊ တိုင်းဒေသကြီးနှင့် ပြည်နယ်လွှတ်တော် ၁၅ဦးထက်မနည်း အသက်ဆုံးရှုံးခဲ့ရပြီးယင်းအနက်အချို့မှာ စစ်ကောင်စီ၏ ဖမ်းဆီးခံရစဉ် သတ်ဖြတ်ခံရခြင်းဖြစ်သည်။

နိုင်ငံတကာ

လောလောဆယ်မှာ ကိုဗစ်ရောဂါရဲ့ သဘောသဘာဝဟာ စပ်ကူးမတ်ကူး ကာလမျိုးကို ဖြတ်သန်း ဝင်ရောက်နေဆဲဖြစ်ပြီး အလေးထား စောင့်ကြည့်မှုတွေ ဆက်လက် လိုအပ်နေတယ်လို့ ကော်မတီက မှတ်ချက် ပေးခဲ့ပါတယ်။

နိုင်ငံတကာ

တရုတ်နှစ်သစ်ကူးကို အကြောင်းပြုပြီး ဒေသတချို့မှာ ရောဂါ ဖြစ်ပွားနှုန်း တိုးလာတာမျိုး ကြုံကောင်း ကြုံရနိုင်ကြောင်း၊ ဒါပေမဲ့ နောက်တစ်ကြိမ် ကိုဗစ်ကူးစက်မှုလှိုင်း အကြီးအကျယ် ရိုက်ခတ်တာမျိုးကတော့ လာမယ့် လပိုင်းတွေအတွင်း မဖြစ်နိုင်လောက်တော့ကြောင်း ဝူက မှတ်ချက် ပေးခဲ့ပါတယ်။

နိုင်ငံတကာ

တရုတ် အာဏာပိုင်တွေကတော့ အခုအခါမှာ ကိုဗစ် ကူးစက်မှုနှုန်းဟာ အမြင့်ဆုံး အဆင့်ကို ကျော်လွန်ခဲ့ပြီးပြီလို့ ယုံကြည်ယူဆကြောင်း ပြောပါတယ်။ တရုတ်နိုင်ငံဟာ ကူးစက်နှုန်း အရမ်းမြန်တဲ့ Omicron ဆင့်ကဲမျိုးကွဲ ကိုရိုနာဗိုင်းရပ်စ် တစ်မျိုးရဲ့ ဒဏ်ကို ခံနေရတာပါ။