Connect with us

Hi, what are you looking for?

LuduNwayOo

News

သံလွင်မြစ်​ရေ စိုးရိမ်​ရေမှတ်အထက်ဆက်တက်ဖို့ရှိ​နေ

ကပ္ပလီပင်လယ်ပြင်နဲ့ ဘင်္ဂလားပင်လယ်အောက်တို့မှာ မုတ်သုံလေ အားအလွန်ကောင်းနေတာကြောင့် မွန် ကရင် ရခိုင်ပြည်နယ်နဲ့ တနင်္သာရီတိုင်းတို့မှာ ဒေသအလိုက် မိုးကြီးနိုင်တယ်လို့ မိုးဇလက ခန့်မှန်းထားပါတယ်။

သံလွင်မြစ်ရေဟာ နောက် ၁ ရက်အတွင်း စိုးရိမ်ရေမှတ်ကို ရောက်ရှိနိုင်လို့ မြစ်ကမ်းအနီးနဲ့ အနိမ့်ပိုင်းနေထိုင်သူတွေ သတိပြုသင့်တယ်လို့ မိုးလေဝသနဲ့ ဇလဗေဒဦးစီးဌာနက သတိပေးချက် ထုတ်ပြန်လိုက်ပါတယ်။

ဒီကနေ့ မနက် ၈ နာရီခွဲတိုင်းထွာချက်အရ သံလွင်မြစ်ရေဟာ ဘားအံမြို့မှာ မြို့ရဲ့စိုးရိမ်ရေမှတ်အောက် ၁ ပေခွဲခန့်ရောက်ရှိနေပြီး နောက် ၁ ရက်အတွင်းမှာ စိုးရိမ်ရေမှတ်ကို ရောက်ရှိနိုင်တယ်လို့ ခန့်မှန်းထားတာပါ။

သံလွင်မြစ်ရေရဲ့ စိုးရိမ်ရေမှတ်ဟာ ၇၅၀ စင်တီမီတာဖြစ်ပြီး လက်ရှိမှာ ဘားအံမြို့ရဲ့ စိုးရိမ်ရေမှတ်အောက် ၇၀၆ စင်တီမီတာအထိ ရောက်ရှိလာခဲ့တာပါ။

သံလွင်မြစ်ရေဟာ ဆက်တက်ဖို့ရှိနေပြီး ဘားအံမြို့နယ်အတွင်းက မြစ်ကမ်းအနီးနဲ့ အနိမ့်ပိုင်းမှာ နေထိုင်သူတွေအနေနဲ့ သတိထားသင့်တယ်လို့ ကရင်ပြည်နယ် မိုးဇလတာဝန်ရှိသူတစ်ဦးက ရှင်းပြပါတယ်။

“သံလွင်မြစ်ရေကတော့ ဖြည်းဖြည်းပဲ တက်ပါမယ်။ အနိမ့်ပိုင်းနဲ့ မြစ်ကမ်းအနီးမှာ နေထိုင်သူတွေအနေနဲ့ သတိထားသင့်ပါတယ်။ အဓိကတော့ မိုးများလို့ပေ့ါနော်” လို့ ပြည်နယ် မိုးဇလတာဝန်ရှိသူတစ်ဦးက ရှင်းပြပါတယ်။

Public Service Announcement

Public Service Announcement

ကရင်ပြည်နယ်မှာတော့ လှိုင်းဘွဲမြစ်၊ ဟောင်သရောမြစ်နဲ့ ဇမိမြစ်ရေတို့ဟာ စိုးရိမ်ရေမှတ်ထက်ကို ကျော်လွန်ရောက်ရှိနေပြီး လှိုင်းဘွဲ မြ၀တီ ကြာအင်းဆိပ်ကြီးမြို့တွေမှာ ရေဘေးဆိုးရွားစွာကြုံနေရပါတယ်။

ကပ္ပလီပင်လယ်ပြင်နဲ့ ဘင်္ဂလားပင်လယ်အောက်တို့မှာ မုတ်သုံလေ အားအလွန်ကောင်းနေတာကြောင့် မွန် ကရင် ရခိုင်ပြည်နယ်နဲ့ တနင်္သာရီတိုင်းတို့မှာ ဒေသအလိုက် မိုးကြီးနိုင်တယ်လို့ မိုးဇလက ခန့်မှန်းထားပါတယ်။