မကွေးတိုင်း၊ မြိုင်မြို့နယ် အခြေခံပညာအထွေထွေသပိတ်ကော်မတီနှင့် အရှေ့ပိုင်းဇုန်ရှိ ပြည်သူလူထုပူးပေါင်းကာ ယနေ့ သြဂုတ်လ၂ရက်နေ့တွင် စစ်အာဏာရှင်ဆန့်ကျင်ရေး ချီတက်ဆန္ဒပြခဲ့ကြသည်။
“တစ်ပွင့်ကြွေရင် တစ်တောလုံးဝေမယ် ၊ လူသတ်အကြမ်းဖတ်စစ်တပ် အမြစ်ဖြတ်” စသည့် ကြွေးကြော်သံများဖြင့် ချီတက် ဆန္ဒဖော်ထုတ်ခဲ့ကြသည်။
သြဂုတ်လ ၁ရက်နေ့က ဗဟင်းကျေးရွာတွင်မြိုင်-PDF နဲ့ စစ်ကောင်စီတပ်များ အပြန်အလှန် ပစ်ခတ်မှု ဖြစ်ပွားခဲ့ပြီး PDF ခေါင်းဆောင် တစ်ဦး ကျဆုံးခဲ့သည်။ ပစ်ခတ်မှုများဖြစ်ပွားပြီး ကားနှင့်အတိုက်ခံရသော်လည်း ကျန်အဖွဲ့သားများလွတ်မြောက်စေရန် ခုခံတိုက်ခိုက်ခဲ့သဖြင့် စစ်ကောင်စီဘက်မှ ရဲအရာရှိတစ်ဦးလည်းသေဆုံးခဲ့သည်။
စစ်ကောင်စီတပ်ဖွဲ့ဝင်မျာကို ခုခံတိုက်ခိုက်ရင်း ကျဆုံးသူသည် မြိုင်မြို့နယ် NLD အလုပ်အမှုဆောင်တစ်ဦးလည်းဖြစ်ပြီး စစ်တပ်အာဏာသိမ်းမှုကို ကန့်ကွက်ဆန္ဒပြရာတွင် မြိုင်မြို့နယ်သပိတ်ခေါင်းဆောင်တယောက်အဖြစ် ရပ်တည်ခဲ့ကြောင်း သိရသည်။
Public Service Announcement
