မန္တလေးမြို့တွင် ယနေ့ (သြဂုတ် ၃ ရက်)နံနက်ပိုင်းမှစတင်ကာ စစ်ကောင်စီတပ်များသည် နေရာစုံပိတ်ဆို့စစ်ဆေးမှုများ ပြုလုပ်နေကြောင်း ဒေသခံများက ပြောသည်။
နံနက် ၈ နာရီခန့်ကစတင်ကာ မန္တလေးမြို့နယ် အတွင်းရှိ ၈၉လမ်း၊ ၈၁လမ်း၊ ၈၆လမ်း၊ ၂၆လမ်း၊ ၃၅လမ်း၊ ၆၂ လမ်း၊ ၇၂လမ်း၊ ၇၆လမ်း၊ ၄၁လမ်း အစရှိသည့် မြို့တွင်းလမ်းဆုံများတွင်လည်းကောင်း၊ မြို့သစ်ဘက်ခြမ်း မြရည်နန္ဒာအိမ်ရာ၊ မြဝတီမင်းကြီးလမ်း အစရှိသည့်နေရာများတွင်လည်းကောင်း စစ်ကောင်စီတပ်ဖွဲ့ဝင်များက ပိတ်ဆို့စစ်ဆေးမှုများ ပြုလုပ်နေသည်ဟု မန္တလေးမြို့ခံများက ပြောသည်။
ထို့အပြင် အမရပူရမြို့နယ်တွင်လည်း မန္တလေးဘက်အထွက် လမ်းများကို ပိတ်ဆို့ထားပြီး စစ်ကိုင်းတံတား ရတနာပုံတံတားအဆင်းတွင်လည်း လက်နက်ကိုင်များက ပိတ်ဆို့ထားကြောင်း ဒေသခံများက ပြောသည်။
နယ်ကျော်ကတ်၊ အပြင်ထွက်စျေးဝယ်ခွင့်ကတ်များ စစ်ဆေးနေသည်ဟုလည်း ပြောဆိုကြပြီး ရိုက်နှက်စစ်ဆေးမှုများလည်း ပြုလုပ်နေသည်ဟု ဒေသခံများက ဆိုသည်။
Public Service Announcement
