ကြမ်းဖက်စစ်ကောင်စီတပ်ဖွဲ့အား သတင်းပေးခြင်း မပြုလုပ်ရန် အပါအဝင် မတူပီမြို့နယ်အတွင်းရှိ ပြည်သူများ လိုက်နာရန်တိုက်တန်းချက်များကို မတူပီ ချင်းကာကွယ်ရေးတပ်ဖွဲ့(CDF) ထုတ်ပြန်ခဲ့သည်။
စစ်ကောင်စီတပ်ဖွဲ့များအား ဧည့်ခံကျွေးမွေးခြင်း၊ ထောက်ပံ့ပူးပေါင်းခြင်း မပြုလုပ်ရန် ၊ လက်ရှိ တိုက်ပွဲဖြစ်ပွားနေသည့် စစ်မျက်နှာနယ်မြေ ဖြစ်သော မင်းတပ်-မတူပီ လမ်းမ တောင်ကြော တစ်ခုလုံးသို့ ဟင်းသီး ဟင်းရွက်ရှာဖွေခြင်း ၊ အမဲလိုက်ခြင်းများ လုံး၀မပြုလုပ်ရန် အချက်များ ထုတ်ပြန်ချက်တွင် ဖော်ပြထားသည်။
ထို့ပြင် မတူပီ မြို့နယ်အတွင်း လာရောက်အလုပ်လုပ် ကိုင်သူများ ၊ စီးပွားရှာသူများအနေဖြင့် အကြမ်းဖက်စစ်ကောင်စီတပ်နှင့် ပတ်သက်မှု တွေ့ရှိပါက ပြင်းထန်စွာအရေးယူမည်ဖြစ်ကြောင်းပါရှိသည်။
မတူပီ CDF၏ တိုက်ပွဲသတင်း၊ ကျဆုံးသတင်းများနှင့်ပတ်သက်ပြီး ၎င်းတို့၏ တရားဝင်ကြေညာချက်များကိုသာ ကိုးကားရေးသားကြရန် နှင့် ကျဆုံး တပ်ဖွဲ့ဝင်များ ၏ ပုံများကို နာမည်နှင့်တကွ အွန်လိုင်းစာမျက်နှာတွင် ရေးတင်ခြင်းမပြုလုပ်ရန်လည်း တိုက်တွန်းထားသည်။
Public Service Announcement
သတိပေး္ချက်များ လိုက်နာခြင်းမရှိပါက ဖြစ်ပေါ်လာသော ပြဿနာများကို လုံး၀ တာဝန်ယူမည်မဟုတ်ဟုလည်း မတူပီ CDFက ထုတ်ပြန်သည်။
