Connect with us

Hi, what are you looking for?

LuduNwayOo

News

ဦးကျော်မိုးထွန်းကို တိုက်ခိုက်ဖို့ ပူးပေါင်းကြံစည်တဲ့ မြန်မာ ၂ ဦးကို FBI ဖမ်းဆီး

င်ငံခြားသံတမန်တစ်ဦးကို တိုက်ခိုက်ဖို့ကြိုးစားမှုပဲဖြစ်တယ် လို့ အမေရိကန်တရားရေးဝန်ကြီးက ပြောပါတယ်။

ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် ဦးကျော်မိုးထွန်းကို လုပ်ကြံဖို့ကြံစည်မှုနဲ့ မြန်မာနိုင်ငံသား နှစ်ဦးကို FBI ကနေ အမေရိကန်နိုင်ငံ နယူးယောက်မြို့မှာ ဖမ်းဆီးအမှုဖွင့်လိုက်တယ်လို့ အမေရိကန်ပြည်ထောင်စု နယူးယောက်တောင်ပိုင်း ဒိစတိတ် ရှေ့နေရုံးက သတင်းထုတ်ပြန်ပါတယ်။

ဖြိုးဟိန်းထွဋ်နဲ့ ရဲဟိန်းဇော်တို့ ၂ ဦးဟာ ဦးကျော်မိုးထွန်းကို ပြင်းပြင်းထန်ထန်ဒဏ်ရာရတဲ့အထိ တိုက်ခိုက်ဖို့ ဒါမှမဟုတ် သတ်ဖို့အထိပြင်ဆင်ခဲ့တာဖြစ်ပြီး ဒါဟာ အမေရိကန်မြေပေါ်မှာ နိုင်ငံခြားသံတမန်တစ်ဦးကို တိုက်ခိုက်ဖို့ကြိုးစားမှုပဲဖြစ်တယ် လို့ အမေရိကန်တရားရေးဝန်ကြီးက ပြောပါတယ်။

ဖြိုးဟိန်းထွဋ် အသက် ၂၈ နှစ်၊ ရဲဟိန်းဇော် ၂၀ နှစ်တို့ကို စစ်ဆေးရာမှာ သူတို့ဟာ ထိုင်းနိုင်ငံမှာရှိတဲ့လက်နှက်ပွဲစားတစ်ဦးနဲ့အတူ ပူးပေါင်းကြံစည်ခဲ့တာဖြစ်ပြီး အဲဒီလက်နက်ပွဲစားက မြန်မာစစ်တပ်ကိုလက်နက်ရောင်းနေတဲ့သူဖြစ်တယ်လို့ ထုတ်ပြန်ချက်ကဆိုပါတယ်။

လက်နက်ပွဲစားက ဦးကျော်မိုးထွန်း ရာထူးကနေ ဆင်းသွားတဲ့အထိဖြစ်အောင် ပြင်းပြင်းထန်ထန်ဒဏ်ရာရတဲ့အထိ တိုက်ခိုက်ဖို့၊ အဲဒါနဲ့မှ မရသေးရင် သတ်ဖို့ထိဖြိုးဟိန်းထွတ်ကို ခိုင်းစေထားတာဖြစ်တယ်လို့ ထွက်ဆိုချက်တွေအရ သိရပါတယ်။

လက်နက်ပွဲစားနဲ့ ဖြိုးဟိန်းထွဋ်တို့ အစီအစဉ်ကို သဘောတူပြီးတဲ့နောက် ရဲဟိန်းဇော်က ဖြိုးဟိန်းထွတ်ကို အမေရိကန်ဒေါ်လာ ၄၀၀၀ လွှဲပေးခဲ့ပြီး ကိစ္စပြီးရင်း နောက်ထပ် ဒေါ်လာ ၁၀၀၀ ထပ်ပေးဖို့လည်း သဘောတူထားတယ်လို့ ထွက်ဆိုထားပါတယ်။

ဦးကျော်မိုးထွန်းက အာဏာသိမ်းတာကိုဆန့်ကျင်ပြီး ပြည်သူ့ဘက်ကိုရပ်တည်ခဲ့သူဖြစ်ပြီး သူ့လုံခြုံရေးခြိမ်းခြောက်မှုတွေခံနေရတာကြောင့် အမေရိကန်က လုံခြုံရေးတိုးမြှင့် ပေးထားတာဖြစ်ပါတယ်။

You May Also Like

သတင်း

အကြမ်းဖက်စစ်ကောင်စီက သံမိုးတောင်ရွာအား လေယာဉ်ဖြင့်ဗုံးကြဲတိုက်ခိုက်ခဲ့ခြင်းကြောင့် အရပ်သားပြည်သူများ ထိခိုက်သေဆုံးမှုနှင့် ဒဏ်ရာရရှိမှုများ ရှိသည်ဟု သိရကြောင်း ထုတ်ပြန်သည်။

သတင်း

စစ်ကောင်စီသည် အန္ဒိယနိုင်ငံဘက်မှ တင်သွင်းလာသည့် စစ်လက်နက်ပစ္စည်းများကို တမူး-ကလေးလမ်းမကြီးအတိုင်း သယ်ယူလာပြီး ပြည်သူ့ကာကွယ်ရေးမဟာမိတ်များက တားဆီးနိုင်ရန် ကြိုးစားနေသည်။

သတင်း

ပုလောမြို့၊ ကဒဲကျေးရွာအနီးတွင်နိုဝင်ဘာ ၂၅ ရက်နေ့လယ်ပိုင်းက တိုက်ခိုက်ခဲ့ခြင်းဖြစ်ပြီး စစ်ကောင်စီတပ်သား ၅ ဦးသေဆုံးပြီး ၅ဦးထက်မနည်း ဒဏ်ရာရရှိခဲ့ခြင်းဖြစ်သည်။

သတင်း

ယမန်နေ့ကပင် မုံရွာ-မန္တလေးလမ်းပိုင်း၊ မြင်းမူမြို့နယ်အတွင်း စစ်ကောင်စီယာဥ်များ သုံးကြိမ် ထက်မနည်း ထပ်မံတိုက်ခိုက်ခံခဲ့ရသေးသည်။