ချင်းပြည်နယ် ထန်တလန်မြို့နယ်ထဲက လုံလဲရ်ကျေးရွာမှာရှိတဲ့ စစ်ကောင်စီအခြေစိုက်စခန်းကို ချင်းပြည်နယ် ကာကွယ်ရေးတပ်ဖွဲ့က မနေ့က တိုက်ခိုက်သိမ်းပိုက်ခဲ့ပြီး စစ်ကောင်စီဘက်က ၁၂ ဦးသေဆုံးခဲ့တယ်လို့ CDF က ဒီနေ့သတင်းထုတ်ပြန်ပါတယ်။
စက်တင်ဘာ ၁၀ ရက်က လုံလဲရ်ကျေးရွာရှိ စစ်ကောင်စီအခြေစိုက်စခန်းကို CNA/CDF-Thantlang က အင်အား ၂၀၀ ကျော်နဲ့ စတင်တိုက်ခိုက်ခဲ့ပြီး စစ်ကောင်စီဘက်က တိုက်လေယာဉ်အသုံးပြုပစ်ခတ်ခဲ့တာကြောင့် ပြန်လည် ဆုတ်ခွာခဲ့တယ်လို့ဆိုပါတယ်။
ဒါပေမဲ့ စက်တင်ဘာ ၁၁ ရက် ညပိုင်းမှာ အင်အား ၄၀၀ ကျော်နဲ့ ပြန်လည်တိုက်ခိုက်ခဲ့ရာ ည ၉ ခွဲလောက်မှာ စခန်းတစ်ခုလုံးသိမ်းပိုက်နိုင်ခဲ့တယ်လို့ ချင်းပြည်ကာကွယ်ရေးတပ်ဖွဲ့ရဲ့ထုတ်ပြန်ချက်မှာ ဖော်ပြပါတယ်။
အဲဒီစခန်းသိမ်းတိုက်ပွဲမှာ စစ်ကောင်စီးဘက်က ၁၂ဦးသေဆုံးပြီး CNA/CDF-Thantlang ဘက်က အကျ အရှုံးမရှိခဲ့ဘဲ ၈ ဦးဒဏ်ရာရရှိခဲ့တယ်လို့ ဆိုပါတယ်။
Public Service Announcement
စစ်ကောင်စီစခန်းကို ရှင်းလင်းကာ လက်နက်ခဲယမ်းတွေကို သိမ်းဆည်းပြီးနောက် စခန်းကို မီးရှို့ဖျက်ဆီးခဲ့တယ် လို့ ထုတ်ပြန်ပါတယ်။
