မုံရွာမြို့နယ်တွင် အကြမ်းဖက်စစ်ကောင်စီတပ်များက စစ်အာဏာရှင်ဆန့်ကျင်ရေးသပိတ်ကော်မတီဝင်တစ်ဦးအား လာရောက်ဖမ်းဆီးစဥ် သေနတ်ဖြင့်ပစ်ခတ်မှုကြောင့် အမျိုးသမီးတစ်ဦးသေဆုံးခဲ့ကြောင်း ဒေသခံများက ပြောသည်။
ယမန်နေ့ည နိုဝင်ဘာလ ၇ ရက် ည၈နာရီခန့်ကမုံရွာမြို့နယ်၊ပေါက်ပင်ကျေးရွာတွင်စစ်ကောင်စီတပ်သားများက မုံရွာပင်မသပိတ်ကော်မတီဝင်-အမျိုးသမီးသပိတ်ကော်မတီဝင်တစ်ဦး၏ နေအိမ်ကိုသွားရောက်ရှာဖွေရာစစ်ကောင်စီတပ်များက အိမ်မှားဝင်ရောက်သဖြင့် ထိုနေအိမ်အတွင်းရှိသူများက ကြောက်လန့်၍ထက်ပြေးစဥ်သေနတ်ဖြင့်လိုက်ပစ်ရာအသက်၂၈ ဝန်းကျင်ရှိ မမြလေးနွယ် ဆိုသူအားလည်ပင်းတွင်တစ်ချက်၊ ရင်ဝတွင်တစ်ချက် စုစုပေါင်းနှစ်ချက် ထိမှန်ကာ အသက်သေဆုံးသွားခဲ့ရကြောင်း မုံရွာ-အမြင့်လမ်း သတင်းမှန်ပြန်ကြားရေးက သတင်းထုတ်ပြန်သည်။
သေဆုံးသူ၏ ရုပ်အလောင်းကိုလည်းစစ်ကောင်စီတပ်ကညတွင်းချင်းကားပေါ်တင်သွားခဲ့ပြီး ယနေ့နံနက် ၁၁နာရီခန့်ကရင်ခွဲထားသော အလောင်းလာပို့သွားပြီး နေ့လည်၁၂ခွဲတွင် သဂြိုလ်ခဲ့ရကြောင်း ဒေသခံများက ပြောသည်။
အကြမ်းဖက်စစ်ကောင်စီသည် မုံရွာမြို့နယ်အတွင်းတွင်လည်း အကြမ်းဖက်လုပ်ရပ်များအား မြို့ပေါ်နှင့် နယ်ကျေးလက်များမပါမကျန် ပြုလုပ်နေသည်။
Public Service Announcement
