ကရင်ပြည်နယ် ဘာအံမြို့နယ်တွင် စစ်ကောင်စီတပ်မှ ကားအစင်ရေ ၃၈စီးပါ ယာဉ်တန်းကို ကရင်အမျိုးသားအစည်းအရုံး(KNU) တပ်မဟာ(၁) တပ်ဖွဲ့ဝင်များက တိုက်ခိုက်ခဲ့၍ စစ်ကောင်စီတပ်ဖွဲ့ဝင် သုံးဦးသေဆုံပြီး ရိက္ခာတင်ယာဉ်တစ်စီး ပျက်စီးခဲ့သည်ဟု KNU ဗဟို သတင်နှင့် ပြန်ကြားရေးဌာနက ယမန်နေ့ညက ထုတ်ပြန် သည်။
နိုဝင်ဘာ ၁၉ရက်က ဘားအံမြို့နယ် ဘန့်ဘွေးကုန်းရွာအနီး နယ်မြေကျော်လွန် ဖြတ်သန်းလာသည့် ယာဉ်တန်းကို တိုက်ခိုက်ခဲ့ခြင်းဖြစ်သည်ဟု ဆိုသည်။
ရိက္ခာနှင့် တပ်ဖွဲ့ဝင်များ တင်ဆောင်လာသည့် စစ်ကောင် စီယာဉ်တန်းသည် ဝါးဘိုးတောဘက်မှ ကမမောင်းဘက်သို့ ဦးတည် မောင်းနှင်လာရာ KNU လက်အောက်ခံ တပ်ကမိုင်းဆွဲတိုက်ခိုက်ခဲ့ခြင်းဖြစ်ကြောင်း ဖော်ပြထားသည်။
KNU တပ်မဟာ(၁)နယ်မြေတွင် ယခုရက်ပိုင်းအတွင်း တိုက်ပွဲများ ဖြစ်ပွားခဲ့ပြီး ယနေ့ နံနက်တွင်လည်း ပစ်ခတ်သံများကြားနေရကြောင်း တပ်မဟာ(၁) တာဝန်ရှိသူတစ်ဦးက ပြောသည်။
Public Service Announcement
“ ဒီနေ့ ၈နာရီ ၅၀ လောက်မှာ အသံကြားတယ်။ စကစပဲ လက်နက်ကြီးတွေ ရမ်းသမ်း ပစ်ခတ်တာလားတော့ မသိဘူး။ အဲဒီ ဘားအံမြို့နယ်ဘက်အခြမ်းမှာပဲကြားရတာ” ဟု ၎င်းက ဆိုသည်။
ယခုလအတွင်း KNU တပ်မဟာ(၁) နှင့် တပ်မဟာ(၅) နယ်မြေတွင် တိုက်ပွဲများ မကြာခဏ ဖြစ်ပွားနေပြီး စစ်ကောင်စီတပ်မှ သေဆုံးထိခိုက်မှုများပြားခဲ့သည်။ တပ်မဟာ(၁)၊ တပ်မဟာ(၂)၊ တပ်မဟာ(၅) နယ်မြေများ၌ ယခုလအတွင်း တိုက်ပွဲအကြိမ် ၁၀၀ကျော်ဖြစ်ပွားခဲ့ကြောင်း KNU၏ သတင်းထုတ်ပြန် ချက်များအရ သိရသည်။
