Connect with us

Hi, what are you looking for?

LuduNwayOo

News

ကရင်လက်နက်ကိုင်အဖွဲ့အားလုံး စုစည်းပြီး ပြည်သူ့ဘက်ကရပ်ဖို့ လေးကေကော်လူငယ်ကွန်ရက်တောင်းဆို

သဝဏ်လွှာမှာ လက်ရှိဖြစ်ပွားနေတဲ့ လေးကေကော်တိုက်ပွဲဖြစ်စဉ်နဲ့ ပတ်သက်ပြီး သက်ဆိုင်သူအားလုံးကို လေးကေကော်လူငယ်ကွန်ရက်က အချက်(၇) ချက်ပါတဲ့ အချက်တွေကို တောင်းဆိုခဲ့တာပါ။

ကရင်အမျိုးသားခေါင်းဆောင်ကြီး စောဘဦးကြီးမူ(၄)ချက်နဲ့အညီ ကရင်လက်နက်ကိုင်အဖွဲ့အားလုံး ပြန်လည်စုစည်းပြီး ပြည်သူ့ဘက်ကနေ မားမားမတ်မတ်ရပ်တည်ပေးဖို့ လေးကေကော်လူငယ်ကွန်ရက်က ကရင်နှစ်သစ်ကူးနေ့ ဒီကနေ့မှာ သဝဏ်လွှာပေးပို့ တိုက်တွန်းနှိုးဆော်ထားပါတယ်။

သဝဏ်လွှာမှာ လက်ရှိဖြစ်ပွားနေတဲ့ လေးကေကော်တိုက်ပွဲဖြစ်စဉ်နဲ့ ပတ်သက်ပြီး သက်ဆိုင်သူအားလုံးကို လေးကေကော်လူငယ်ကွန်ရက်က အချက်(၇) ချက်ပါတဲ့ အချက်တွေကို တောင်းဆိုခဲ့တာပါ။

အဲ့ဒီတောင်းဆိုချက်တွေထဲမှာ လေးကေကော်လူငယ်ကွန်ရက်နဲ့ ပြည်သူလူထုအားလုံး စည်းလုံးညီညွတ်ပြီး ကရင်နှစ်သစ်မှစကာ မျက်စိဖွင့်နားစွင့် ထကြွနိုးကြားကြပြီး အကြမ်းဖက်မှန်သမျှကို အမြစ်ပြုတ်တိုက်ထုတ်ကြဖို့ နိုင်ငံတစ်ဝန်းက ပြည်သူတွေနဲ့ ပြည်ပမှာရောက်ရှိနေတဲ့ သူတွေက စစ်ရှောင်တွေအတွက် ဝိုင်းဝန်းပြီး အတူတကွရပ်တည်ပေးဖို့ တောင်းဆိုထားတယ်လို့ သဝဏ်လွှာမှာ ဖော်ပြထားပါတယ်။

Public Service Announcement

စစ်ကောင်စီတပ်ဖွဲ့အနေနဲ့ အရပ်သားပြည်သူနေထိုင်ရာဒေသကို လေယာဉ်တွေနဲ့ အကြိမ်ကြိမ်ဗုံးကြဲတိုက်ခိုက်တာဟာ ကြီးမားတဲ့ရာဇဝတ်မှုကို ကျူးလွန်နေတာဖြစ်ပြီး စစ်ဘေးရှောင်တွေ ကျန်ရှိခဲ့တဲ့ နေအိမ်အဆောက်အဦးနဲ့ အသုံးအဆောင်ပစ္စည်းတွေကို ဖျက်ဆီးတာ၊ ခိုးယူတာတွေဟာ လွန်စွာရှက်ရွံ့ရှာဖွယ်ကောင်းတဲ့ လုပ်ရပ်ဖြစ်တဲ့အပြင် အရပ်သားပြည်သူ နေအိမ်အဆောက်အဦးတွေကို ပစ်မှတ်ထားတိုက်ခိုက်တာနဲ့ စာသင်ကျောင်း၊ ဘာသာရေးအဆောက်အဦးတွေမှာ စစ်စခန်းချတာတွေကို ရှုတ်ချတယ်လို့ သဝဏ်လွှာမှာပါရှိပါတယ်။

ဒါ့အပြင် စစ်ကောင်စီတပ်ဖွဲ့အနေနဲ့ ထိုးစစ်ဆင်နေမှုကို ရပ်တန့်ပြီး လေးကေကော်ဒေသကနေ ပြန်လည်ဆုတ်ခွာပေးဖို့၊ သတင်းမီဒီယာနဲ့ လူမှုကွန်ယက်အသုံးပြုသူတွေအနေနဲ့လည်း ဓာတ်ပုံဗီဒီယို သတင်းစတာတွေကို ဝေမျှရာမှာ စစ်ဘေးရှောင်ပြည်သူတွေ၊ တော်လှန်ရေးရဲဘော်တွေရဲ့ လုံခြုံရေးထိခိုက်မှုမရှိစေဖို့အတွက် ဂရုပြုဆင်ခြင်ကြဖို့ တောင်းဆိုထားသေးတယ်လို့လည်း သဝဏ်လွှာမှာဖော်ပြထားပါတယ်။

ဒီဇင်ဘာ ၁၅ ရက်နေ့ကစပြီး လေးကေကော်ဒေသမှာ အာဏာသိမ်းစစ်ကောင်စီတပ်နဲ့ ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၆ တို့အကြား တိုက်ပွဲတွေစတင်ဖြစ်ပွားခဲ့ပြီး စစ်ကောင်စီဘက်က လက်နက်ကြီးအပြင် လေယာဉ်နဲ့ဗုံးကြဲတိုက်ခိုက်တာ၊ အင်အားသုံးပြီး မြေပြင်ထိုးစစ်ဆင်လာတာကြောင့် ဒေသခံပြည်သူ ၁၀၀၀၀ ကျော် စစ်ဘေးရှောင်နေခဲ့ရပါတယ်။

You May Also Like

သတင်း

စစ်ကောင်စီဘက်ကတော့ ထိခိုက်သေဆုံးမှုရှိနိုင်ပေမယ့် အရေအတွက် အတိအကျကို စုံစမ်းလျက်ရှိတဲ့အတွက် အတည်မပြုနိုင်သေးဘူးလို့ ကော်ဘရာစစ်ကြောင်းက ဆိုပါတယ်။

သတင်း

စစ်ကောင်စီရဲ့ သေဘောဘိုးစခန်းဟာ KNLA ပူးပေါင်းတပ်ဖွဲ့ရဲ့ တိုက်ခိုက်သိမ်းပိုက်ခြင်းကိုခံခဲ့ရပြီးတဲ့နောက် စခန်းကိုပြန်လည်သိမ်းပိုက်နိုင်ဖို့အတွက် စစ်ကောင်စီဟာ BGF တပ်တွေနဲ့အတူ ပူးပေါင်းတိုက်ခိုက်ပြီး စီစဉ်ဆောင်ရွက်နေတယ်လို့လည်း ဒေသတွင်းသတင်းရင်းမြစ်ဆီကနေ သိရပါတယ်။

News

လေးကေကော်ကို ဒီမနက် ၂ နာရီ ၂ မိနစ်အချိန်က စစ်ကောင်စီလေယာဉ်နှစ်စီးက အချိန်မတော်လာရောက်တိုက်ခိုက်မှုကြောင့် တပ်ဖွဲ့ဝင်သုံးဦး ပွန်းပဲ့ဒဏ်ရာ(မစိုးရိမ်ရ)ရရှိခဲ့ပြီး ဆေးကုသမှုခံယူနေရတယ်လို့ KNLA ပူးပေါင်းတပ်ဖွဲ့ဝင်တစ်ဦးကလည်း ရေးသားဖော်ပြထားပါတယ်။

News

ဧပြီ ၂၁ ရက် ည ၆ နာရီခွဲအချိန်ခန့်က ​KNLA ပူးပေါင်းအဖွဲ့ဖြစ်တဲ့ ကော်ဘရာစစ်ကြောင်းနဲ့ စစ်ကောင်စီရဲ့ တပ်မ(၄၄) လက်အောက်ခံ ခမရ(၁)တပ်တို့အကြား ဖလူးကျေးရွာအနီးမှာ ထိတွေ့မှုဖြစ်ပွားခဲ့တာပါ။