ရန်ကုန်မြို့ သာကေတမြို့နယ် (၁၃)ရပ်ကွက် ဇေယျဝတီ (၄)လမ်းတွင် နေထိုင်သည့် အကြမ်းဖက် စစ်ကောင်စီခန့် ရာအိမ်မှူး ဦးလှသွင် ယနေ့ (ဇန်နဝါရီ ၁၄ ရက်) နံနက်ပိုင်းက သေနတ်ဖြင့် ပစ်သတ်ခံရကြောင်း ဒေသခံများက ပြောသည်။
ဦးလှသွင်သည် ယနေ့ နံနက် ၁၀ နာရီခွဲကျော်တွင် သာကေတမြို့နယ် ဇေယျဝတီ (၂)လမ်းထိပ်ရှိ လက်ဖက်ရည်ဆိုင်ထိုင်နေချိန်၌ ဆိုင်ကယ်ဖြင့် အမည်မသိလူတစ်ဦးက လာရောက်ပြီး သေနတ်ဖြင့် နှစ်ချက်ပစ်သတ်ခဲ့ကြောင်း ဒေသခံတစ်ဦးက ပြောသည်။
“ဦးလှသွင်က လက်ဖက်ရည်ဆိုင်မှာ ထိုင်နေတုန်း ပစ်ခံရတာပါ။ နဖူးကိုသေနတ်နဲ့ နှစ်ချက်ပစ်သွားတာပါ။ ဆေးရုံကားလာခေါ်သေးပေမယ့် လမ်းမှာပဲဆုံးသွားပြီလို့ သိရတယ်”ဟု ၎င်းက ပြောသည်။
လက်ရှိတွင် အခင်းဖြစ်ပွားရာနေရာသို့ အကြမ်းဖက် စစ်ကောင်စီဝင် အများအပြားရောက်ရှိလာပြီး လမ်းများ ပိတ်ဆို့၍ စစ်ဆေးနေကြောင်း ရပ်ကွက်နေပြည်သူများက ပြောသည်။
Public Service Announcement
