မြန်မာ့အရေးအတွက် အာဆီယံအလှည့်ကျ ဥက္ကဋ္ဌ ကမ္ဘောဒီးယားနိုင်ငံ နဲ့ ကုလသမဂ္ဂ လုံခြုံရေးကောင်စီတို့ မနက်ဖြန် မှာ တွေ့ဆုံမယ်လို့ သံတမန်သတင်းရင်းမြစ်ကို ကိုးကားပြီး AFP သတင်းဌာနက ဖော်ပြပါတယ်။
မနက်ဖြန်မှာကျင်းပမယ့် ကုလလုံခြုံရေးကောင်စီအစည်းအဝေးကို အာဆီယံ အထူးကိုယ်စားလှယ် ဖြစ်လာသူ ကမ္ဘောဒီးယားနိုင်ငံခြားရေးဝန်ကြီး နဲ့အတူ ကုလဆိုင်ရာ မြန်မာအထူးကိုယ်စားလှယ် မစ္စနိုလင်းဟေဇာတို့ တက်ရောက်ကြမှာပါ။
အဲဒီအစည်းအဝေးမှာ ဇန်နဝါရီလဆန်းပိုင်းက ဟွန်ဆန် နေပြည်တော်ကိုသွားရောက်ခဲ့တဲ့ခရီးစဉ်နဲ့ပတ်သက်ပြီး ကမ္ဘောဒီးယားဘက်နိုင်ငံခြားရေးဝန်ကြီးဟာ အစီရင်ခံဖို့ရှိနေပါတယ်။