ရန်ကုန်စီးပွားရေးတက္ကသိုလ်ကျောင်းသားများသမဂ္ဂ(ရွာသာကြီးနယ်မြေ)မှ ဘဏ္ဍာရေးမှူးဖြစ်သူ မယဉ်မြတ်နိုးဦးကို စစ်ကောင်စီက ထောင်ဒဏ် ၃နှစ် ချလိုက်ကြောင်း သမဂ္ဂက ထုတ်ပြန်သည်။
မယဉ်မြတ်နိုးဦးကို ယမန်နေ့(ဖေဖော်ဝါရီ ၁၇)က အကြမ်းဖက်စစ်ကောင်စီလက်ဝေခံ တာမွေတရားရုံးမှ ရာဇသတ်ကြီးပုဒ်မ ၅၀၅-ကဖြင့် အလုပ်ကြမ်းနှင့်ထောင်ဒဏ် ၃ နှစ် ချမှတ်ခဲ့ခြင်းဖြစ်ကြောင်းထုတ်ပြန်ချက်တွင် ဖော်ပြသည်။
ထောင်ဒဏ် ၃ နှစ်ချမှတ်ခံလိုက်ရသည့် မယဥ်မြတ်နိုးဦးသည် ပြီးခဲ့သည့်နှစ် ဧပြီ ၄ ရက်တွင် တာမွေမြို့နယ်သပိတ်စစ်ကြောင်းသို့အသွား အခြားရဲဘော်သုံးဦးနှင့်အတူ စစ်ကောင်စီ၏ ဖမ်းဆီးခြင်းခံရခြင်းဖြစ်ကြောင်း သမဂ္ဂထုတ်ပြန်ချက်အရ သိရသည်။
၎င်းနှင့်အတူ ဖမ်းဆီးခံခဲ့ရသော အခြားရဲဘော်သုံးဦးမှာလည်း အကြမ်းဖက်စစ်တပ်လက်ဝေခံ မင်္ဂလာတောင်ညွှန့်တရားရုံးမှ ၅၀၅-က ဖြင့် တရားစွဲဆိုခံထားရသည်။